دَنْيال 8:2 - الكتاب المقدس بالعربي الدارجي هنا تشاد

² وَ فِي الرُّؤْيَةْ دِي، أَنَا شِفْت نَفْسِي قَاعِدْ فِي مَدِينَةْ شُوشَةْ الْقَوِيَّةْ فِي بَلَدْ عِلَامْ وَ أَنَا وَاقِفْ فِي خَشُمْ بَحَرْ أُولَايْ.

دَنْيال 8:2 Referenca të Kryqëzuara

أسْتِير 1:2

وَ فِي الْوَكِتْ دَا بَسْ، الْمَلِكْ أَشَوِرُوشْ قَعَدْ فِي قَصِرْ الْمَمْلَكَةْ وَ حَكَمْ فِي مَدِينَةْ شُوشَةْ الْقَوِيَّةْ.

نَحَمْيا 1:1

دَاهُو كَلَامِي أَنَا نَحَمْيَا وِلَيْد حَكَلْيَا. فِي الشَّهَرْ التَّاسِعْ الْأُسْمَهْ كِسْلُو فِي سَنِةْ 20 هَنَا حُكُمْ أَرْتَحَشْتَا، وَكِتْ أَنَا نَحَمْيَا قَاعِدْ فِي قَصِرْ الْمَلِكْ فِي مَدِينَةْ شُوشَةْ،

حِزْقِيال 32:24

«وَ مَلِكْ عِلَامْ قَاعِدْ فِي الْبَكَانْ دَا مَعَ كُلَّ عَسْكَرَهْ. وَ هُو مُحَوَّقْ بِقُبُورْ عَسْكَرَهْ الْمَاتَوْا فِي الْحَرِبْ. هُمَّنْ الْمَا مُطَهَّرِينْ الْأَوَّلْ جَابَوْا الرُّعُبْ فِي أَرْض الْحَيِّينْ. وَ هَسَّعْ بِإِهَانَةْ، نَزَلَوْا تِحِتْ الْأَرْض مَعَ كُلَّ النَّزَلَوْا فِي الْقُبُورْ.

إرْمِيا 25:25

وَ كُلَّ مُلُوكْ زِمْرِي وَ عِلَامْ وَ الْمَادِيِّينْ

أسْتِير 2:8

وَ بَعَدْ سِمْعَوْا قَرَارْ الْمَلِكْ وَ قَانُونَهْ، جَابَوْا بَنَاتْ كَتِيرِينْ فِي مَدِينَةْ شُوشَةْ الْقَوِيَّةْ تِحِتْ مَسْؤُولِيَّةْ هِقَايْ. وَ أَسْتِيرْ كُلَّ وَدَّوْهَا فِي الْقَصِرْ تِحِتْ مَسْؤُولِيَّةْ هِقَايْ الْمُكَلَّفْ بِالْعَوِينْ.

تكوين 14:1

وَ فِي الْوَكِتْ دَاكْ، فِيَّهْ مَجْمُوعْتَيْن هَنَا مُلُوكْ الْقَاعِدِينْ يِلْحَارَبَوْا أَمْبَيْنَاتْهُمْ. الْمَجْمُوعَةْ الْأَوَّلَانِيَّةْ، مُلُوكْهَا هُمَّنْ أَمْرَافَلْ مَلِكْ شِنْعَارْ وَ أَرْيُوكْ مَلِكْ أَلَسَارْ وَ كَدَرْلَعَوْمَرْ مَلِكْ عِلَامْ وَ تِدْعَالْ مَلِكْ قُويِمْ. وَ الْمَجْمُوعَةْ التَّانِيَةْ، مُلُوكْهَا هُمَّنْ بَارَعْ مَلِكْ سَدُومْ وَ بِرْشَعْ مَلِكْ عَمُورَةْ وَ شِنَابْ مَلِكْ أَدْمَةْ وَ شِمِيبَرْ مَلِكْ صَبُويِيمْ وَ مَلِكْ بَالَعْ الْبِنَادُوهَا صُوغَرْ.

تكوين 10:22

وَ أَوْلَادْ سَامْ هُمَّنْ عِلَامْ وَ أَشُورْ وَ أَرْفَكْشَادْ وَ لُودْ وَ أَرَامْ.

دَنْيال 8:3

وَ فِي الرُّؤْيَةْ، أَنَا رَفَعْت رَاسِي وَ دَاهُو شِفْت كَبِشْ وَاقِفْ فِي خَشُمْ الْبَحَرْ. وَ الْكَبِشْ دَا عِنْدَهْ إِتْنَيْن قُرُونْ طُوَالْ. وَ الْقُرُونْ الْإِتْنَيْن دَوْل، الْوَاحِدْ بِقِي طَوِيلْ مِنْ الْآخَرْ لَاكِنْ الْقَرِنْ الطَّوِيلْ دَا، هُو بَسْ الْقَمَّ وَرَاءْ.

دَنْيال 7:15

وَ أَنَا دَنْيَالْ هَمَّيْت زِيَادَةْ. وَ الرُّؤْيَةْ الشِّفْتَهَا دِي بَرْجَلَتْنِي.

دَنْيال 7:2

وَكِتْ أَنَا نَايِمْ بِاللَّيْل، أَنَا شِفْت فِي الرُّؤْيَةْ دِي رِيحْ بَدَتْ تُسُوقْ مِنْ الْجِيهَاتْ الْأَرْبَعَةْ وَ هَزَّتْ الْبَحَرْ الْكَبِيرْ.

إشَعْيا 21:2

رُؤْيَةْ مُخِيفَةْ بَانَتْ لَيِّ. نِشِيفْ الْخَايِنْ يُخُونْ وَ الْمُدَمِّرْ يِدَمِّرْ. وَ اللّٰهْ قَالْ: «يَلَّا أَهْجُمُوا الْمَدِينَةْ، يَا نَاسْ عِلَامْ! وَ حَاصُرُوهَا، يَا نَاسْ مَادِي! أَنَا نِوَقِّفْ كُلَّ الْقَنِتِينْ الْهِي ثَبَّتَتَهْ.»

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

أسْتِير 9:15

وَ الْيَهُودْ الْقَاعِدِينْ فِي شُوشَةْ لَمَّوْا بَتَّانْ فِي يَوْم 14 هَنَا الشَّهَرْ أَدَارْ وَ كَتَلَوْا 300 رَاجِلْ فِي شُوشَةْ وَ لَاكِنْ مَا شَالَوْا خُمَامْهُمْ مِثِلْ غَنِيمَةْ.

أسْتِير 9:11

وَ فِي نَفْس الْيَوْم دَا، خَبَّرَوْا الْمَلِكْ بِعَدَدْ النَّاسْ الْمَاتَوْا فِي مَدِينَةْ شُوشَةْ الْقَوِيَّةْ.

أسْتِير 8:15

وَ مَرْدَكَايْ مَرَقْ مِنْ قَصِرْ الْمَلِكْ لَابِسْ خَلَقْ هَنَا مُلُوكْ لَوْنَهْ ظَهْرِي وَ أَبْيَضْ وَ جَلَّابِيَّةْ مِنْ قُمَاشْ أَبْيَضْ وَ قَرَضِي وَ تَاجْ كَبِيرْ هَنَا دَهَبْ فِي رَاسَهْ. وَ كُلَّ نَاسْ مَدِينَةْ شُوشَةْ قَاعِدِينْ يِعِيطُوا مِنْ الْفَرْحَةْ.

عَدد 12:6

وَ قَالْ: «أَسْمَعَوْا كَلَامِي. كَنْ فِي نَبِي فِي أُسُطْكُو أَنَا اللّٰهْ نِعَرِّفْ نَفْسِي لَيَّهْ بِرُؤْيَةْ وَ نِكَلِّمْ لَيَّهْ وَكِتْ هُو نَايِمْ.

عِبْرَانِيِّين 1:1

فِي الزَّمَنْ الْفَاتْ، اللّٰهْ كَلَّمْ لِجُدُودْنَا بِوَاسِطَةْ الْأَنْبِيَاء عِدَّةْ مَرَّاتْ وَ بِطُرُقْ شِقْ شِقْ.

أسْتِير 7:6

وَ أَسْتِيرْ قَالَتْ: «الْعَدُو وَ الْخَصِيمْ، هُو هَمَانْ الْفَسِلْ دَا!» وَ خَلَاصْ فِي الْبَكَانْ دَا، هَمَانْ قَاعِدْ يَرْجِفْ مِنْ الْخَوْف قِدَّامْ الْمَلِكْ وَ الْمَلِكَةْ.

أسْتِير 3:15

وَ بِأَمُرْ الْمَلِكْ، الْمُرَسَّلِينْ مَشَوْا بِسُرْعَةْ وَ بَلَّغَوْا الْقَانُونْ دَا فِي مَدِينَةْ شُوشَةْ الْقَوِيَّةْ. الْمَلِكْ وَ هَمَانْ قَعَدَوْا لِيَشَرْبَوْا وَ لَاكِنْ نَاسْ مَدِينَةْ شُوشَةْ بَرْجَلَوْا مَرَّةْ وَاحِدْ.

رُؤية 9:17

وَ فِي الرُّؤْيَةْ دِي، أَنَا شِفْت خَيْل وَ الرَّاكْبِينْ فَوْقهُمْ. وَ أَيِّ وَاحِدْ عِنْدَهْ دِرِعْ مَرْبُوطْ فِي صَدْرَهْ وَ لَوْنَهْ أَحْمَرْ مِثِلْ الْجَمُرْ وَ أَخْضَرْ ظَهْرِي وَ أَصْفَرْ مِثِلْ الْكِبْرِيتْ. وَ أَيِّ جُوَادْ رَاسَهْ مِثِلْ رَاسْ الدُّودْ وَ فِي نَارْ وَ دُخَّانْ وَ كِبْرِيتْ مَارْقِينْ مِنْ خَشْمَهْ.

حِزْقِيال 1:1

وَ فِي الْيَوْم الْخَامِسْ هَنَا الشَّهَرْ الرَّابِعْ فِي السَّنَةْ التَّلَاتِينْ مِنْ عُمْرِي، أَنَا حِزْقِيَالْ قَاعِدْ أَمْبَيْن النَّاسْ الْوَدَّوْهُمْ فِي الْغُرْبَةْ فِي بَلَدْ بَابِلْ جَنْب بَحَرْ خَابُورْ. وَ السَّمَاءْ أَنْفَتَحَتْ وَ أَنَا شِفْت رُؤْيَةْ مِنْ الرَّبّ.

دَنْيال 8:1

وَ فِي السَّنَةْ التَّالْتَةْ هَنَا حُكُمْ الْمَلِكْ بَلْشَاصَرْ، أَنَا دَنْيَالْ رِئِيتْ بَتَّانْ وَ دِي الرُّؤْيَةْ التَّانِيَةْ.

دَنْيال 10:4

وَ فِي يَوْم 24 هَنَا الشَّهَرْ الْأَوَّلْ، وَكِتْ أَنَا قَاعِدْ فِي خَشُمْ الْبَحَرْ الْكَبِيرْ الْأُسْمَهْ دِجْلَةْ،