دَنْيال 7:8 - الكتاب المقدس بالعربي الدارجي هنا تشاد

⁸ وَ وَكِتْ أَنَا قَاعِدْ نِشِيفْ فِي الْقُرُونْ دَوْل، شِفْت قَرِنْ آخَرْ صَغَيَّرْ قَمَّ أَمْبَيْنَاتْهُمْ وَ تَلَاتَةْ قُرُونْ مِنْ الْعَشَرَةْ الْأَوَّلَانِيِّينْ مَرَقَوْهُمْ لِيِخَلُّوا لَيَّهْ الْبَكَانْ. وَ الْقَرِنْ الصَّغَيَّرْ دَا عِنْدَهْ عُيُونْ مِثِلْ عُيُونْ الْإِنْسَانْ وَ عِنْدَهْ خَشُمْ الْيِحَجِّي بِإِسْتِكْبَارْ.

دَنْيال 7:8 Referenca të Kryqëzuara

رُؤية 13:1

وَ أَنَا شِفْت حَيْوَانْ فَسِلْ مَارِقْ مِنْ أُسْط الْبَحَرْ. وَ عِنْدَهْ عَشَرَةْ قُرُونْ وَ سَبْعَةْ رَاسْ وَ أَيِّ قَرِنْ عِنْدَهْ تَاجْ صَغَيَّرْ. وَ أَيِّ رَاسْ عِنْدَهْ أُسُمْ مَكْتُوبْ فَوْقَهْ وَ الْكِلْمَةْ دِي تِوَصِّفْ كَلَامْ كُفُرْ.

زَبُور 12:3

وَ خَلِّي اللّٰهْ يِكَسِّرْ كُلِّ خَشُمْ الْيِحَجِّي بِغَشّ وَ اللِّسْنَيْ الْيِكَلُّمُوا بِإِسْتِكْبَارْ.

رُؤية 9:7

وَ الْجَرَادْ دَا يِشَابِهْ مِثِلْ خَيْل الْحَرِبْ الْجَاهِزِينْ لِلدُّوَاسْ. فِي رَاسَهْ عِنْدَهْ طَاقِيَّةْ تِشَابِهْ تَاجْ هَنَا دَهَبْ وَ وِجْهَهْ مِثِلْ وِجِهْ الْإِنْسَانْ.

2 تَسَلونِيكِي 2:4

هُو عَدُو لِكُلِّ إِلٰـهْ الْيَعَبُدُوهْ النَّاسْ وَ يِسَوِّي نَفْسَهْ أَكْبَرْ مِنَّهْ. وَ هُو يُخُطّ كُرْسِي حَقَّهْ فِي بَيْت اللّٰهْ وَ يُقُولْ: «أَنَا بَسْ اللّٰهْ.»

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

يَهُوذَا 1:16

وَ النَّاسْ دَوْل زَعْلَانِينْ وَ شَكَّايِينْ. هُمَّنْ يِتَابُعُوا شَهْوَاتْهُمْ بَسْ. وَ يِكَلُّمُوا بِكِبْرِيَاءْ وَ يَشْكُرُوا النَّاسْ بِكِدِبْ أَشَانْ يَلْقَوْا مِنْهُمْ فَايْدَةْ.

2 بُطْرُس 2:18

يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

1 صَمُوِيل 2:3

«مَا تِكَلُّمُوا بِإِسْتِكْبَارْ زِيَادَةْ وَ مَا تَمُرْقُوا كَلَامْ بَلَا أَدَبْ. أَشَانْ اللّٰهْ هُو الْإِلٰـهْ الْعَالِمْ بِكُلَّ شَيّءْ وَ يَوْزِنْ أَعْمَالْ النَّاسْ فِي الْمِيزَانْ.

2 تِمُوتَاوُس 3:2

وَ فِي الزَّمَنْ دَا، النَّاسْ يِحِبُّوا نُفُوسْهُمْ بِزِيَادَةْ وَ يِحِبُّوا الْقُرُسْ بِلْحَيْن. وَ يَبْقَوْا فَشَّارِينْ وَ مُسْتَكْبِرِينْ وَ يِكَلُّمُوا كَلَامْ كُفُرْ وَ يَبْقَوْا عَايْقِينْ وَالْدَيْنهُمْ وَ نَسَّايِينْ الْخَيْر وَ فَاسْدِينْ.

دَنْيال 7:19

وَ أَنَا دَنْيَالْ دَوَّرْت نَعَرِفْ حَقِيقَةْ مَعَنَى الْحَيْوَانْ الرَّابِعْ. هُو شِقْ مِنْ الْحَيْوَانَاتْ الْآخَرِينْ. هُو بِخَوِّفْ مَرَّةْ وَاحِدْ وَ عِنْدَهْ سُنُونْ هَنَا حَدِيدْ وَ خَنَافِرْ هَنَا نَحَاسْ وَ يَاكُلْ وَ يِشَرِّطْ وَ الْفَضْلَةْ يِفَجِّقْهَا بِرِجِلَيْنَهْ.