دَنْيال 7:5 - الكتاب المقدس بالعربي الدارجي هنا تشاد

⁵ وَ الْحَيْوَانْ التَّانِي، هُو مِثِلْ مَرْفَعِينْ. قَمَّ قَعَدْ بِنُصَّهْ. وَ شَايِلْ فِي خَشْمَهْ تَلَاتَةْ عُضَامْ هَنَا صَفّ أَمْبَيْنَاتْ سُنُونَهْ وَ قَالَوْا لَيَّهْ: «قُمّ. أَمْشِي أَكْتُلْ وَ آكُلْ لَحَمْ كَتِيرْ.»

دَنْيال 7:5 Referenca të Kryqëzuara

دَنْيال 2:39

وَ بَعَدَكْ إِنْتَ، تَجِي مَمْلَكَةْ آخَرَةْ صَغَيْرَةْ مِنْ مَمْلَكَتَكْ. وَ بَعَدْ دَا، تَجِي مَمْلَكَةْ تَالْتَةْ الْيِمَثِّلْهَا النَّحَاسْ وَ تَمْلُكْ كُلَّ الْأَرْض.

هُوشَع 13:8

نَهْجِمْكُو مِثِلْ مَرْفَعِينْ الْوَدَّرْ عِيَالَهْ وَ نُشُقّ صُدُورْكُو. فِي الْبَكَانْ دَا، نَاكُلْكُو مِثِلْ مَرْة الدُّودْ وَ حَيْوَانَاتْ الْكَدَادَةْ الْخَطِيرِينْ يِشَرُّطُوكُو.

دَنْيال 11:2

وَ بَتَّانْ هُو قَالْ لِدَنْيَالْ: «هَسَّعْ دَا، دَاهُو كَلَامْ الْحَقّ. فِي مَمْلَكَةْ الْفَارِسِيِّينْ، تَلَاتَةْ مُلُوكْ يِتَّابَعَوْا وَ الرَّابِعْ الْيَجِي بَعَدْهُمْ يَبْقَى غَنِيْ زِيَادَةْ مِنْهُمْ. وَ بِقُدْرَةْ مَالَهْ، هُو يُقُمّ ضِدّ مَمْلَكَةْ الْيُونَانْ.

دَنْيال 5:28

‹فَارْسِينْ› يَعْنِي كَسَّرَوْه. مَعَنَاتَهْ مُلْكَكْ أَنْكَسَرْ وَ مَمْلَكَتَكْ أَنْطَوْهَا لِمَمْلَكَةْ الْمَادِيِّينْ وَ الْفَارِسِيِّينْ.»

إشَعْيا 56:9

إِنْتُو كُلُّكُو حَيْوَانَاتْ الْكَدَادَةْ! أَيْوَى، إِنْتُو كُلُّكُو حَيْوَانَاتْ الْغَابَةْ! تَعَالُوا آكُلُوا!

أمْثال 17:12

أَخَيْر تِقَابِلْ مَرْة الدُّودْ الْمُوَدِّرَةْ عِيَالْهَا مِنْ تِقَابِلْ الْمَطْمُوسْ وَ نِفَاقَهْ.

2 مُلوك 2:24

وَ أَلْيَسَعْ شَقْلَبْ شَافْهُمْ وَ لَعَنْهُمْ بِأُسُمْ اللّٰهْ. وَ طَوَّالِي، دُبَبَةْ إِتْنَيْن خَطِيرَاتْ مَرَقَنْ لَيْهُمْ مِنْ الْغَابَةْ وَ كَتَلَنْ 42 مِنْ الْعِيَالْ دَوْل.

رُؤية 13:2

وَ الْحَيْوَانْ دَا، هُو يِشَابِهْ مِثِلْ نِمِرْ وَ رِجِلَيْنَهْ مِثِلْ رِجِلَيْن الدُّبّ وَ قَدُّومَهْ مِثِلْ قَدُّومْ الدُّودْ. وَ الْغُولْ أَنْطَاهْ قُدُرْتَهْ وَ كُرْسِي حَقَّهْ وَ سُلْطَةْ كَبِيرَةْ بِلْحَيْن.

دَنْيال 7:4

وَ الْحَيْوَانْ الْأَوَّلَانِي، هُو مِثِلْ الدُّودْ وَ عِنْدَهْ جَنَاحَيْ هَنَا صَقُرْ. وَ وَكِتْ أَنَا قَاعِدْ نِشِيفْ فَوْقَهْ، مَلَّطَوْا جَنَاحَيْه وَ قَوَّمَوْه وَ وَقَّفَوْه بِرِجِلَيْنَهْ مِثِلْ نَادُمْ وَ أَنْطَوْه عَقُلْ هَنَا إِنْسَانْ.

دَنْيال 7:6

وَ بَعَدْ دَا، شِفْت بَتَّانْ حَيْوَانْ آخَرْ تَالِتْ وَ هُو مِثِلْ النِّمِرْ وَ عِنْدَهْ جَنَاحَيْ أَرْبَعَةْ فِي ضَهَرَهْ مِثِلْ جَنَاحَيْ الطُّيُورْ. وَ الْحَيْوَانْ دَا عِنْدَهْ أَرْبَعَةْ رَاسْ وَ أَنْطَوْه سُلْطَةْ لِيَحْكِمْ.