دَنْيال 7:2 - الكتاب المقدس بالعربي الدارجي هنا تشاد

² وَكِتْ أَنَا نَايِمْ بِاللَّيْل، أَنَا شِفْت فِي الرُّؤْيَةْ دِي رِيحْ بَدَتْ تُسُوقْ مِنْ الْجِيهَاتْ الْأَرْبَعَةْ وَ هَزَّتْ الْبَحَرْ الْكَبِيرْ.

دَنْيال 7:2 Referenca të Kryqëzuara

رُؤية 7:1

وَ بَعَدْ دَا، أَنَا شِفْت أَرْبَعَةْ مَلَائِكَةْ وَاقْفِينْ فِي أَطْرَافْ الْأَرْض. وَ هُمَّنْ قَاعِدِينْ يَدْحَرَوْا الرِّيحْ أَشَانْ مَا تُسُوقْ مِنْ أَيِّ جِيهَةْ مِنْ الْجِيهَاتْ الْأَرْبَعَةْ وَ لَا فِي الْأَرْض وَ لَا فِي الْبَحَرْ وَ لَا فِي الشَّدَرْ.

رُؤية 17:15

وَ الْمَلَكْ قَالْ لَيِّ: «إِنْتَ شِفْت الْبُحُورْ الْأَمْبَيْنَاتْهُمْ الشَّرْمُوطَةْ قَاعِدَةْ وَ هُمَّنْ يِمَثُّلُوا شُعُوبْ وَ جَمَاعَاتْ وَ أُمَمْ وَ لُغَّاتْ.

مَتَّى 24:31

وَ حِسّ الْبُرُنْجِي الْعَظِيمْ يِنْسَمِعْ وَ هُو يِرَسِّلْ مَلَائِكَتَهْ فِي أَيِّ جِيهَةْ أَشَانْ يِلِمُّوا النَّاسْ الْعَزَلَاهُمْ مِنْ أَيِّ بَكَانْ فِي الْأَرْض.

إرْمِيا 49:36

أَنَا نِجِيبْ فِي عِلَامْ عَدُو الْيَجِي مِنْ كُلِّ جِيهَةْ مِثِلْ الرِّيحْ. وَ نِشَتِّتْهُمْ بِالرِّيحْ دِي وَ مَا فِي بَلَدْ الْمَا يَوْصَلَوْا فَوْقهَا النَّاسْ الْعَرَّدَوْا مِنْ عِلَامْ.

دَنْيال 2:19

وَ بِاللَّيْل، السِّرّ دَا أَنْكَشَفْ لِدَنْيَالْ فِي رُؤْيَةْ. وَ خَلَاصْ، دَنْيَالْ شَكَرْ اللّٰهْ رَبّ السَّمَاوَاتْ

دَنْيال 7:7

وَ بَعَدْ دَا فِي نَفْس الرُّؤْيَةْ دِي، شِفْت الْحَيْوَانْ الرَّابِعْ. هُو يَبْهَتْ وَ يِخَوِّفْ وَ عِنْدَهْ قُدْرَةْ شَدِيدَةْ. وَ عِنْدَهْ سُنُونْ كُبَارْ هَنَا حَدِيدْ وَ بَيْهُمْ يَاكُلْ وَ يِشَرِّطْ وَ الْفَضْلَةْ يِفَجِّقْهَا بِرِجِلَيْنَهْ. وَ الْحَيْوَانْ دَا بِقِي شِقْ مِنْ الْحَيْوَانَاتْ التَّلَاتَةْ الْأَوَّلَانِيِّينْ. وَ هُو عِنْدَهْ عَشَرَةْ قُرُونْ.

دَنْيال 7:13

وَ بِاللَّيْل فِي رُؤْيِتِي، أَنَا شِفْت وَاحِدْ بِشَابِهْ إِبْن الْإِنْسَانْ جَايِ فِي لُبّ السَّحَابْ. وَ وَصَّلْ بَكَانْ الشَّايِبْ كَبِيرْ السِّنّ وَ قَدَّمَوْه لَيَّهْ.

دَنْيال 8:2

وَ فِي الرُّؤْيَةْ دِي، أَنَا شِفْت نَفْسِي قَاعِدْ فِي مَدِينَةْ شُوشَةْ الْقَوِيَّةْ فِي بَلَدْ عِلَامْ وَ أَنَا وَاقِفْ فِي خَشُمْ بَحَرْ أُولَايْ.

دَنْيال 8:8

وَ التَّيْس دَا بِقِي كَبِيرْ مَرَّةْ وَاحِدْ وَ لَاكِنْ وَكِتْ لِقِي قُدْرَةْ بِزِيَادَةْ، قَرْنَهْ الْكَبِيرْ دَا أَنْكَسَرْ وَ فِي قَدَّهْ، قَمَّوْا أَرْبَعَةْ قُرُونْ كُبَارْ مُوَجِّهِينْ عَلَيْ الْجِيهَاتْ الْأَرْبَعَةْ.

دَنْيال 11:4

وَ لَاكِنْ وَكِتْ مَمْلَكَتَهْ أُسُمْهَا طَلَعْ خَلَاصْ، طَوَّالِي هُو يُمُوتْ وَ ذُرِّيّتَهْ مَا يَوْرُثُوا مَمْلَكَتَهْ. وَ هِي يِقَسُّمُوهَا أَرْبَعَةْ مَمَالِكْ لِنَاسْ آخَرِينْ. وَ الْمَمَالِكْ دَوْل مَا يَبْقَوْا قَوِيِّينْ مِثِلْ الْمَمْلَكَةْ الْأَوَّلَانِيَّةْ.

زَكَرِيَّا 6:5

وَ الْمَلَكْ رَدَّ لَيِّ وَ قَالْ: «هُمَّنْ دَوْل يِمَثُّلُوا رِيحْ السَّمَاءْ التُّسُوقْ عَلَيْ الْجِيهَاتْ الْأَرْبَعَةْ، الْمَارْقَةْ مِنْ حَضَرَةْ اللّٰهْ سِيدْ كُلَّ الْأَرْض.

إشَعْيا 17:12

الْعَذَابْ! دَاهُو الْحِسّ الشَّدِيدْ هَنَا شُعُوبْ الْمَا عِنْدُهُمْ عَدَدْ. حَرَكَتْهُمْ شَدِيدَةْ مِثِلْ حَرَكَةْ الْبَحَرْ وَ حِسُّهُمْ شَدِيدْ مِثِلْ حِسّ أَلْمِي السَّيْل.

إرْمِيا 51:42

الْبَحَرْ شَالْ بَابِلْ وَ بِمَوْجَهْ الْكَتِيرْ، غَطَّاهَا.