دَنْيال 7:1 - الكتاب المقدس بالعربي الدارجي هنا تشاد

¹ وَ فِي أَوَّلْ سَنَةْ هَنَا حُكُمْ بَلْشَاصَرْ مَلِكْ بَابِلْ، دَنْيَالْ شَافْ رُؤْيَةْ وَكِتْ هُو نَايِمْ فِي فُرَاشَهْ. وَ بَعَدْ دَا، هُو كَتَبْ الرُّؤْيَةْ دِي. وَ دِي هِي رُؤْيَةْ دَنْيَالْ.

دَنْيال 7:1 Referenca të Kryqëzuara

عَمُوس 3:7

وَ مِثِلْ دَا، اللّٰهْ الرَّبّ مَا يِسَوِّي أَيِّ شَيّءْ كَنْ مَا بَيَّنْ سِرَّهْ لِعَبِيدَهْ الْأَنْبِيَاء.

يُوِيل 2:28

«وَ بَعَدْ دَا، أَنَا نِنَزِّلْ رُوحِي فِي كُلَّ النَّاسْ. أَوْلَادْكُو وَ بَنَاتْكُو يِتْنَبَّأَوْا وَ شِيَّابْكُو يَحْلَمَوْا بِحِلِمْ وَ صُبْيَانْكُو يِشِيفُوا رُؤْيَةْ.

دَنْيال 5:1

وَ فِي أَيَّامْ مُلُكْ بَلْشَاصَرْ، هُو سَوَّى عَازُومَةْ كَبِيرَةْ لِأَلِفْ مِنْ مُوَظَّفِينَهْ وَ شِرِبْ مَعَاهُمْ خَمَرْ.

دَنْيال 4:5

وَ لَاكِنْ يَوْم وَاحِدْ، أَنَا شِفْت حِلِمْ الْخَوَّفَانِي وَ بَرْجَلْت مِنْ الْفِكِرْ الْجَانِي فِي رَاسِي وَ الرُّؤْيَةْ الشِّفْتَهَا وَكِتْ أَنَا نَايِمْ فِي فُرَاشِي.

دَنْيال 1:17

وَ الرَّبّ أَنْطَاهُمْ لِلصُّبْيَانْ الْأَرْبَعَةْ دَوْل مَعْرَفَةْ وَ عَقُلْ فِي كُلَّ الْكُتُبْ وَ الْحِكْمَةْ. وَ دَنْيَالْ يَعَرِفْ يِفَسِّرْ الرُّؤْيَةْ وَ الْحِلِمْ كُلَ.

إرْمِيا 23:28

خَلِّي النَّبِي الْعِنْدَهْ رُؤْيَةْ يِحَجِّي بِرُؤْيِتَهْ. وَ لَاكِنْ الْعِنْدَهْ كَلَامِي أَنَا، خَلِّي يِحَجِّي كَلَامِي بِأَمَانْ. أَشَانْ الْقَشّ وَ الْقَنَادِيلْ مَا سَوَا.» وَ دَا كَلَامْ اللّٰهْ.

رُؤية 1:19

وَ خَلَاصْ، أَكْتِبْ الشَّيّءْ التِّشِيفَهْ الْبُخُصّ الْوَكِتْ الْحَاضِرْ وَ الْوَكِتْ الْجَايِ.

حَبَقُوق 2:2

وَ اللّٰهْ رَدَّ لَيِّ وَ قَالْ: «أَكْتِبْ الرُّؤْيَةْ دِي وَ وَضِّحْهَا فِي لِيحَانَكْ أَشَانْ يَقْرُوهَا بِسُهُولَةْ.

دَنْيال 7:15

وَ أَنَا دَنْيَالْ هَمَّيْت زِيَادَةْ. وَ الرُّؤْيَةْ الشِّفْتَهَا دِي بَرْجَلَتْنِي.

دَنْيال 7:13

وَ بِاللَّيْل فِي رُؤْيِتِي، أَنَا شِفْت وَاحِدْ بِشَابِهْ إِبْن الْإِنْسَانْ جَايِ فِي لُبّ السَّحَابْ. وَ وَصَّلْ بَكَانْ الشَّايِبْ كَبِيرْ السِّنّ وَ قَدَّمَوْه لَيَّهْ.

دَنْيال 2:1

وَ فِي السَّنَةْ التَّانِيَةْ هَنَا حُكْمَهْ، الْمَلِكْ نَبُوخَدْنَصَرْ رِئِي وَ الرُّؤْيَةْ دِي بَرْجَلَتَهْ مَرَّةْ وَاحِدْ وَ النَّوْم أَبَى عَيْنَهْ.

عَدد 12:6

وَ قَالْ: «أَسْمَعَوْا كَلَامِي. كَنْ فِي نَبِي فِي أُسُطْكُو أَنَا اللّٰهْ نِعَرِّفْ نَفْسِي لَيَّهْ بِرُؤْيَةْ وَ نِكَلِّمْ لَيَّهْ وَكِتْ هُو نَايِمْ.

تكوين 46:2

وَ بِاللَّيْل الرَّبّ حَجَّى لِإِسْرَائِيلْ، الْمَعْرُوفْ بِيَعْقُوبْ، فِي رُؤْيَةْ وَ قَالْ: «يَعْقُوبْ، يَعْقُوبْ!» وَ يَعْقُوبْ قَالْ: «نَعَمْ.»

رُؤية 10:4

وَ وَكِتْ السَّبْعَةْ رَعَدْ دَوْل كَلَّمَوْا خَلَاصْ، أَنَا دَوَّرْت نَكْتِبْ كَلَامْهُمْ. لَاكِنْ سِمِعْت حِسّ مِنْ السَّمَاءْ قَالْ لَيِّ: «مَا تِكَلِّمْ لِأَيِّ نَادُمْ بِالْكَلَامْ الْقَالَوْه السَّبْعَةْ رَعَدْ دَوْل. وَ مَا تَكْتِبَهْ.»

2 كُرُنْتُس 12:1

الْفَشَارْ دَا مَا عِنْدَهْ فَايْدَةْ لَاكِنْ كَنْ لَابُدَّ نِلْفَشَّرْ، نِحَجِّي بِالرُّؤْيَةْ وَ الْأَسْرَارْ الْاللّٰهْ كَشَفَاهُمْ لَيِّ.

رَوْمَا 15:4

كُلَّ شَيّءْ الْكَتَبَوْه فِي الزَّمَنْ الْفَاتْ أَنْكَتَبْ لِيِعَلِّمْنَا. أَشَانْ بِالصَّبُرْ وَ الشَّجَاعَةْ الْعَلَّمْنَاهُمْ مِنْ الْكُتُبْ، نَمْشُوا قِدَّامْ بِعَشَمْ.

دَنْيال 8:1

وَ فِي السَّنَةْ التَّالْتَةْ هَنَا حُكُمْ الْمَلِكْ بَلْشَاصَرْ، أَنَا دَنْيَالْ رِئِيتْ بَتَّانْ وَ دِي الرُّؤْيَةْ التَّانِيَةْ.

دَنْيال 7:7

وَ بَعَدْ دَا فِي نَفْس الرُّؤْيَةْ دِي، شِفْت الْحَيْوَانْ الرَّابِعْ. هُو يَبْهَتْ وَ يِخَوِّفْ وَ عِنْدَهْ قُدْرَةْ شَدِيدَةْ. وَ عِنْدَهْ سُنُونْ كُبَارْ هَنَا حَدِيدْ وَ بَيْهُمْ يَاكُلْ وَ يِشَرِّطْ وَ الْفَضْلَةْ يِفَجِّقْهَا بِرِجِلَيْنَهْ. وَ الْحَيْوَانْ دَا بِقِي شِقْ مِنْ الْحَيْوَانَاتْ التَّلَاتَةْ الْأَوَّلَانِيِّينْ. وَ هُو عِنْدَهْ عَشَرَةْ قُرُونْ.

دَنْيال 5:30

وَ لَاكِنْ فِي نَفْس اللَّيْلَةْ دِي، بَلْشَاصَرْ مَلِكْ بَابِلْ، كَتَلَوْه.

دَنْيال 5:22

«يَا بَلْشَاصَرْ، إِنْتَ وِلَيْدَهْ وَ تَعَرِفْ كُلَّ شَيّءْ الْكَانْ لِأَبُوكْ نَبُوخَدْنَصَرْ. وَ لَاكِنْ مَا مَسْكَنْت نَفْسَكْ.

حِزْقِيال 1:1

وَ فِي الْيَوْم الْخَامِسْ هَنَا الشَّهَرْ الرَّابِعْ فِي السَّنَةْ التَّلَاتِينْ مِنْ عُمْرِي، أَنَا حِزْقِيَالْ قَاعِدْ أَمْبَيْن النَّاسْ الْوَدَّوْهُمْ فِي الْغُرْبَةْ فِي بَلَدْ بَابِلْ جَنْب بَحَرْ خَابُورْ. وَ السَّمَاءْ أَنْفَتَحَتْ وَ أَنَا شِفْت رُؤْيَةْ مِنْ الرَّبّ.

إرْمِيا 36:4

وَ إِرْمِيَا نَادَى بَرُوكْ وِلَيْد نَرِيَّا. وَ إِرْمِيَا يِكَلِّمْ وَ بَرُوكْ يَكْتِبْ فِي الْكِتَابْ الْمَلْفُوفْ كُلَّ كَلَامْ اللّٰهْ الْقَالَهْ لِإِرْمِيَا.

إرْمِيا 27:7

وَ كُلَّ الْأُمَمْ يَخْدُمُوا لَيَّهْ هُو وَ لِوِلَيْدَهْ وَ لِوِلَيْد وِلَيْدَهْ. وَ لَحَدِّي بَابِلْ تِنْهَزِمْ وَ أُمَمْ كَتِيرِينْ وَ مُلُوكْ كُبَارْ يِخَدُّمُوهَا هِي كُلَ.

إشَعْيا 30:8

وَ اللّٰهْ قَالْ لَيِّ: «هَسَّعْ أَمْشِي وَ أَكْتِبْ الْكَلَامْ دَا قِدَّامْهُمْ فِي لَوْح وَ سَجِّلَهْ فِي كِتَابْ. أَشَانْ يَبْقَى شَاهِدْ دَايِمْ فِي الْمُسْتَقْبَلْ.

إشَعْيا 8:1

وَ اللّٰهْ قَالْ لَيِّ: «شِيلْ لَوْح كَبِيرْ وَ أَكْتِبْ فَوْقَهْ بِحُرُوفْ وَاضْحَةْ الْأُسُمْ مَهِيرْ شَلَالْ حَاشْ بَزْ.»

أيُّوب 4:13

وَكِتْ أَفْكَارْ الْبِخَوُّفُوا يَجُوا مِنْ حِلِمْ اللَّيْل وَ وَكِتْ نَوْم شَدِيدْ كَرَبْ النَّاسْ،

تكوين 15:1

وَ بَعَدْ دَا، اللّٰهْ حَجَّى لِأَبْرَامْ فِي رُؤْيَةْ وَ قَالْ لَيَّهْ: «أَبْرَامْ! مَا تَخَافْ. أَنَا قَاعِدْ مَعَاكْ. أَنَا دَرَقَتَكْ. وَ نَنْطِيكْ أَجُرْ كَبِيرْ بِلْحَيْن.»

إرْمِيا 36:32

وَ خَلَاصْ، إِرْمِيَا شَالْ كِتَابْ مَلْفُوفْ آخَرْ وَ أَنْطَاهْ لِبَرُوكْ وِلَيْد نَرِيَّا الْكَاتِبْ. وَ بَرُوكْ كَتَبْ فَوْقَهْ كُلَّ الْكَلَامْ الْقَالَهْ لَيَّهْ إِرْمِيَا. وَ دَا كُلَّ الْكَلَامْ الْمَكْتُوبْ فِي الْكِتَابْ الْحَرَّقَهْ يَهُويَقِمْ مَلِكْ يَهُوذَا. وَ زَادْ بَتَّانْ بِكَلَامْ آخَرْ كَتِيرْ مُشَابِهْ.

حِزْقِيال 40:2

وَ فِي الرُّؤْيَةْ الْإِلٰـهِيَّةْ دِي، اللّٰهْ وَدَّانِي فِي بَلَدْ إِسْرَائِيلْ وَ خَطَّانِي فِي جَبَلْ عَالِي مَرَّةْ وَاحِدْ الْفَوْقَهْ مَبْنِيَّةْ مِثِلْ حِلَّةْ فِي نُصَّهْ الْجُنُوبِي.

دَنْيال 2:26

وَ الْمَلِكْ سَأَلَهْ لِدَنْيَالْ السَّمَّوْه بَلْطَشَاصَرْ وَ قَالْ: «أَسْمَعْ، تَقْدَرْ تِعَرِّفْنِي بِالرُّؤْيَةْ وَ تَفْسِيرْهَا وَلَّا؟»

دَنْيال 4:13

«‹وَ وَكِتْ أَنَا نَايِمْ فِي فُرَاشِي، أَنَا شِفْت وَاحِدْ مِنْ مَلَائِكَةْ اللّٰهْ الْمُرَاقِبِينْ نَازِلْ مِنْ السَّمَاءْ.