دَنْيال 6:2 - الكتاب المقدس بالعربي الدارجي هنا تشاد

² وَ فِي رَاسْ الْمُوَكَّلِينْ دَوْل، يُخُطّ تَلَاتَةْ وَزِيرْ أَشَانْ الْمُوَكَّلِينْ يِكَلُّمُوهُمْ بِكُلَّ شَيّءْ الْحَاصِلْ. وَ بَيْدَا، شُغُلْ فَسِلْ كَيْ مَا يَجِي لِلْمَلِكْ. وَ الْوُزَرَاء دَوْل، دَنْيَالْ كُلَ وَاحِدْ مِنْهُمْ.

دَنْيال 6:2 Referenca të Kryqëzuara

دَنْيال 5:29

وَ خَلَاصْ، بَلْشَاصَرْ أَمَرْ يِلَبُّسُوا دَنْيَالْ خَلَقْ غَالِي الْيَلْبَسَوْه الْمُلُوكْ وَ يِدِسُّوا لَيَّهْ سِلْسِلَةْ هَنَا دَهَبْ فِي رَقَبَتَهْ وَ يِدَرُّجُوهْ تَالِتْ رَجُلْ فِي الْمَمْلَكَةْ.

دَنْيال 5:16

وَ أَنَا سِمِعْت كَدَرْ إِنْتَ تِفَسِّرْ الْحِلِمْ وَ تِحِلّ الْمَشَاكِلْ الْقَاسِيِينْ. وَ كَنْ قِدِرْت قَرَيْت الْكِتَابَة دِي وَ فَسَّرْتَهَا لَيِّ، أَنَا نِلَبِّسَكْ خَلَقْ غَالِي الْيَلْبَسَوْه الْمُلُوكْ وَ نِدِسّ لَيْك سِلْسِلَةْ هَنَا دَهَبْ فِي رَقَبَتَكْ وَ نِدَرِّجَكْ تَالِتْ رَجُلْ فِي الْمَمْلَكَةْ.»

أسْتِير 7:4

أَشَانْ أَنَا وَ شَعَبِي بَاعَوْنَا لِيِدَمُّرُونَا وَ يَكْتُلُونَا وَ يِكَمُّلُونَا. وَ صَحِيحْ، كَنْ أَوَّلْ بَاعَوْنَا مِثِلْ عَبِيدْ وَ خَدِيمْ بَسْ، أَنَا نَسْكُتْ أَشَانْ دِي مُضَايَقَةْ هَيْنَةْ لَيْنَا، مَا وَاجِبْ نِبَشْتِنْ بَيْهَا الْمَلِكْ.»

عَزْرا 4:22

أَنْقَرْعُوا! مَا تَلْعَبَوْا بِأَمْرِي دَا وَ لَا تِخَلُّوا الْفَسَالَةْ دِي تِزِيدْ وَ تِسَبِّبْ ضَرَرْ فِي صَنْدُوقْ الْمَلِكْ.

1 كُرُنْتُس 4:2

وَ الشَّيّءْ الْوَاجِبْ لِأَيِّ نَادُمْ الْمَسْؤُولْ، هُو الصِّدِقْ.

لُوقا 16:2

وَ نَادَى الْوَكِيلْ وَ قَالْ: ‹دَا شُنُو السِّمِعْتَهْ فَوْقَكْ؟ قَبِّلْ لَيِّ مَكَاتِيبْ الْحِسَابْ. مَا نِدَوْر إِنْتَ تَبْقَى بَتَّانْ وَكِيلِي.›

مَتَّى 18:23

«أَيْوَى، مَمْلَكَةْ اللّٰهْ هِي مِثِلْ كَيْ. نَادُمْ وَاحِدْ مَلِكْ وَ دَوَّرْ يِسَوِّي حِسَابْ مَعَ خَدَّامِينَهْ.

أمْثال 26:6

كَنْ أَنْطَيْت رِسَالْتَكْ لِلْمَطْمُوسْ دَا مِثِلْ قَطَعْت رِجْلَكْ أَوْ شِرِبْت سَمّ.

أمْثال 3:16

وَ هِي شَايْلَةْ فِي إِيدْهَا الْوَاحِدَةْ طُولْ الْعُمُرْ وَ فِي إِيدْهَا الْآخَرَةْ، غُنَى وَ شَرَفْ.

1 صَمُوِيل 2:30

«أَشَانْ دَا، دَاهُو اللّٰهْ إِلٰـهْ بَنِي إِسْرَائِيلْ قَالْ لَيْك: ‹أَكِيدْ أَنَا أَوَّلْ قُلْت بَيْتَكْ وَ بَيْت أَبُوكْ يَقْعُدُوا فِي خِدِمْتِي دَايْماً.› لَاكِنْ هَسَّعْ دَا، دَاهُو كَلَامْ اللّٰهْ: ‹أَبَداً! بَتَّانْ مَا نِسَوِّيهْ! نِشَرِّفْ الْيِشَرُّفُونِي وَ لَاكِنْ الْيَحْقُرُونِي يَبْقَوْا مَحْقُورِينْ.

دَنْيال 5:7

وَ الْمَلِكْ نَادَى بِحِسّ شَدِيدْ وَ قَالْ يِجِيبُوا قِدَّامَهْ كُلَّ الشَّوَّافِينْ وَ الْمُنَجِّمِينْ وَ الْخَطَّاطِينْ الْهُمَّنْ مُسْتَشَارِينْ هَنَا بَابِلْ. وَ قَالْ لَيْهُمْ: «أَيِّ نَادُمْ مِنْكُو الْقِدِرْ قَرَى الْكِتَابَة دِي وَ فَسَّرْهَا لَيِّ، نِلَبِّسَهْ خَلَقْ غَالِي الْيَلْبَسَوْه الْمُلُوكْ وَ نِدِسّ لَيَّهْ سِلْسِلَةْ هَنَا دَهَبْ فِي رَقَبَتَهْ وَ نِدَرِّجَهْ تَالِتْ رَجُلْ فِي الْمَمْلَكَةْ.»

دَنْيال 6:1

وَ الْمَلِكْ شَافْ أَخَيْر يُخُطّ 120 وَكِيلْ أَشَانْ يِمَثُّلُوهْ فِي كُلَّ الْمَمْلَكَةْ.