دَنْيال 4:5 - الكتاب المقدس بالعربي الدارجي هنا تشاد

⁵ وَ لَاكِنْ يَوْم وَاحِدْ، أَنَا شِفْت حِلِمْ الْخَوَّفَانِي وَ بَرْجَلْت مِنْ الْفِكِرْ الْجَانِي فِي رَاسِي وَ الرُّؤْيَةْ الشِّفْتَهَا وَكِتْ أَنَا نَايِمْ فِي فُرَاشِي.

دَنْيال 4:5 Referenca të Kryqëzuara

دَنْيال 2:1

وَ فِي السَّنَةْ التَّانِيَةْ هَنَا حُكْمَهْ، الْمَلِكْ نَبُوخَدْنَصَرْ رِئِي وَ الرُّؤْيَةْ دِي بَرْجَلَتَهْ مَرَّةْ وَاحِدْ وَ النَّوْم أَبَى عَيْنَهْ.

دَنْيال 7:28

وَ خَلَاصْ، الرُّؤْيَةْ دِي كَمَّلَتْ. وَ أَنَا دَنْيَالْ أَفْكَارِي خَوَّفَوْنِي مَرَّةْ وَاحِدْ وَ وِجْهِي أَلْغَيَّرْ وَ قَاعِدْ نِفَكِّرْ فِي الرُّؤْيَةْ دِي.

دَنْيال 5:10

وَ وَكِتْ الْمَلِكَةْ أَمّ الْمَلِكْ سِمْعَتْ بِالشَّيّءْ الْكَانْ لِلْمَلِكْ وَ مُوَظَّفِينَهْ، جَاتْ وَ دَخَلَتْ فِي بَكَانْ الْعَازُومَةْ وَ قَالَتْ: «الْمَلِكْ، اللّٰهْ يَنْصُرَكْ. مَا تَخَافْ وَ وِجْهَكْ كُلَ خَلِّي مَا يِلْغَيَّرْ.

تكوين 41:1

بَعَدْ سَنْتَيْن، الْمَلِكْ فِرْعَوْن حِلِمْ. فِي حِلْمَهْ هُو قَاعِدْ فِي خَشُمْ بَحَرْ النِّيلْ.

دَنْيال 2:3

وَ الْمَلِكْ قَالْ لَيْهُمْ: «أَنَا رِئِيتْ رُؤْيَةْ وَ الرُّؤْيَةْ دِي بَرْجَلَتْنِي. أَشَانْ دَا، نِدَوْر نَعَرِفْهَا.»

دَنْيال 4:10

«‹وَ دِي هِي الرُّؤْيَةْ الْأَنَا شِفْتَهَا وَكِتْ نَايِمْ فِي فُرَاشِي. أَنَا شِفْت قِدَّامِي شَدَرَةْ طَوِيلَةْ بِلْحَيْن قَايْمَةْ فِي أُسْط الْأَرْض.

دَنْيال 4:13

«‹وَ وَكِتْ أَنَا نَايِمْ فِي فُرَاشِي، أَنَا شِفْت وَاحِدْ مِنْ مَلَائِكَةْ اللّٰهْ الْمُرَاقِبِينْ نَازِلْ مِنْ السَّمَاءْ.

دَنْيال 4:19

وَ دَنْيَالْ الْبِسَمُّوهْ بَلْطَشَاصَرْ أَنْبَهَتْ لِوَكِتْ شِيَّةْ وَ فِكْرَهْ بَرْجَلَهْ. وَ الْمَلِكْ قَالْ لَيَّهْ: «يَا بَلْطَشَاصَرْ، خَلِّي الْحِلِمْ وَ تَفْسِيرَهْ مَا يِبَرْجُلُوكْ.» وَ بَلْطَشَاصَرْ رَدَّ لَيَّهْ وَ قَالْ: «يَا سِيدِي الْمَلِكْ، يَارَيْت الْحِلِمْ دَا كَنْ بِقِي فِي عُدْوَانَكْ وَ تَفْسِيرَهْ بِقِي فِي خُصْمَانَكْ!

دَنْيال 7:1

وَ فِي أَوَّلْ سَنَةْ هَنَا حُكُمْ بَلْشَاصَرْ مَلِكْ بَابِلْ، دَنْيَالْ شَافْ رُؤْيَةْ وَكِتْ هُو نَايِمْ فِي فُرَاشَهْ. وَ بَعَدْ دَا، هُو كَتَبْ الرُّؤْيَةْ دِي. وَ دِي هِي رُؤْيَةْ دَنْيَالْ.

دَنْيال 1:7

وَ كَبِيرْ الْخَدَّامِينْ خَطَّ لَيْهُمْ أَسَامَيْ آخَرِينْ. لِدَنْيَالْ سَمَّاهْ بَلْطَشَاصَرْ وَ لِحَنَنْيَا سَمَّاهْ شَدْرَاكْ وَ لِمِشَيِيلْ سَمَّاهْ مِشَاكْ وَ لِعَزَرْيَا سَمَّاهْ عَبْد الْنَغُو.

دَنْيال 4:15

وَ لَاكِنْ خَلُّوا دُنْبُرْهَا بِعُرُوقَهْ يَقْعُدْ فِي الْأَرْض فِي أُسْط الْقَشّ وَ جَنْزُرُوهْ بِجِنْزِيرْ هَنَا حَدِيدْ وَ نَحَاسْ. وَ الشَّدَرَةْ دِي تِمَثِّلْ إِنْسَانْ. وَ خَلُّوهْ يِنْبَلَّ بِالْكَرَنْج الْيَنْزِلْ فَوْقَهْ مِنْ السَّمَاءْ وَ يَاكُلْ الْقَشّ مَعَ الْحَيْوَانَاتْ.

دَنْيال 5:11

أَشَانْ فِيَّهْ رَاجِلْ فِي مَمْلَكَتَكْ الرُّوحْ الْإِلٰـهَاتْ الْقُدُّوسِينْ قَاعِدَةْ فَوْقَهْ. وَ فِي وَكِتْ أَبُوكْ، الرَّاجِلْ دَا مَعْرُوفْ بِالْعِلِمْ وَ الْفِهِمْ وَ الْحِكْمَةْ مِثِلْ حِكْمَةْ الْإِلٰـهَاتْ. وَ أَبُوكْ الْمَلِكْ نَبُوخَدْنَصَرْ فِي زَمَنَهْ خَطَّاهْ كَبِيرْ السَّحَّارِينْ وَ الشَّوَّافِينْ وَ الْمُنَجِّمِينْ وَ الْخَطَّاطِينْ.