دَنْيال 4:16 - الكتاب المقدس بالعربي الدارجي هنا تشاد

¹⁶ وَ عَقْلَهْ يِبَدُّلُوهْ مِنْ عَقُلْ إِنْسَانْ لِعَقُلْ حَيْوَانْ وَ يَقْعُدْ مِثِلْ دَا لَحَدِّي سَبْعَةْ سَنَةْ.

دَنْيال 4:16 Referenca të Kryqëzuara

دَنْيال 4:23

«يَا الْمَلِكْ، بَتَّانْ إِنْتَ شِفْت فِي رُؤْيِتَكْ وَاحِدْ مِنْ مَلَائِكَةْ اللّٰهْ الْمُرَاقِبِينْ نَازِلْ مِنْ السَّمَاءْ وَ قَالْ: ‹أَقْطَعَوْا الشَّدَرَةْ دِي وَ دَمُّرُوهَا. وَ لَاكِنْ خَلُّوا دُنْبُرْهَا بِعُرُوقَهْ يَقْعُدْ فِي الْأَرْض فِي أُسْط الْقَشّ وَ جَنْزُرُوهْ بِجِنْزِيرْ هَنَا حَدِيدْ وَ نَحَاسْ. وَ خَلُّوهْ يِنْبَلَّ بِالْكَرَنْج الْيَنْزِلْ فَوْقَهْ مِنْ السَّمَاءْ وَ يَاكُلْ الْقَشّ مَعَ حَيْوَانَاتْ الْكَدَادَةْ. وَ يَقْعُدْ مِثِلْ دَا لَحَدِّي سَبْعَةْ سَنَةْ.›

رُؤية 12:14

لَاكِنْ اللّٰهْ أَنْطَاهَا جَنَاحَيْ إِتْنَيْن مِثِلْ جَنَاحَيْ هَنَا صَقُرْ كَبِيرْ بِلْحَيْن أَشَانْ تِطِيرْ بَعِيدْ مِنْ الدَّابِي وَ تَمْشِي فِي الْخَلَاءْ فِي الْبَكَانْ الْاللّٰهْ جَهَّزَهْ لَيْهَا. وَ هِنَاكْ هِي يِرَيُّسُوهَا مُدَّةْ تَلَاتَةْ سَنَةْ وَ نُصّ.

دَنْيال 4:25

يَطُرْدُوكْ مِنْ أُسْط النَّاسْ وَ تِعِيشْ مَعَ حَيْوَانَاتْ الْكَدَادَةْ وَ تَاكُلْ قَشّ مِثِلْ تَوْر وَ تِنْبَلَّ بِكَرَنْج الْيَنْزِلْ فَوْقَكْ مِنْ السَّمَاءْ. وَ مِثِلْ دَا، تَقْعُدْ سَبْعَةْ سَنَةْ لَحَدِّي تَعَرِفْ كَدَرْ اللّٰهْ الْعَالِي، هُو بَسْ سِيدْ الْمُلُكْ وَ يَنْطِي مُلْكَهْ لِلنَّادُمْ الْهُو يِدَوْرَهْ.

إشَعْيا 6:10

قَوِّي قُلُوبْ الشَّعَبْ دَوْل وَ سِدّ أُدْنَيْهُمْ وَ أَعَمِي عُيُونْهُمْ أَشَانْ مَا يِشِيفُوا وَ لَا يَسْمَعَوْا وَ لَا يَفْهَمَوْا. وَ بَيْدَا، مَا يُتُوبُوا لِيَلْقَوْا الشِّفَاءْ.»

عِبْرَانِيِّين 1:11

هُمَّنْ يِدَّمَّرَوْا وَ لَاكِنْ إِنْتَ قَاعِدْ إِلَى الْأَبَدْ. هُمَّنْ كُلُّهُمْ يَقْدَمَوْا مِثِلْ خَلَقْ.

دَنْيال 12:7

وَ النَّادُمْ اللَّابِسْ الْخَلَقْ هَنَا قُمَاشْ سَمَحْ الْقَاعِدْ فَوْق مِنْ أَلْمِي الْبَحَرْ دَا رَفَعْ إِيدَيْنَهْ الْإِتْنَيْن عَلَيْ السَّمَاءْ وَ قَالْ: «نَحْلِفْ بِأُسُمْ اللّٰهْ الْحَيّ الدَّايِمْ، أَخِيرْ الْأَشْيَاءْ دَوْل فِي تَلَاتَةْ سَنَةْ وَ نُصّ. وَ دَا، بَعَدْ تِدَّمَّرْ قُدْرَةْ الشَّعَبْ الصَّالِحِينْ هَنَا اللّٰهْ.»

دَنْيال 11:13

وَ بَعَدْ سِنِينْ، مَلِكْ سُورِيَا يِشِيلْ سِلَاحْ كَتِيرْ وَ عَسْكَرْ كَتِيرِينْ مِنْ الْعَسْكَرْ الْأَوَّلْ وَ يَمْشِي.

دَنْيال 7:25

وَ هُو يُقُولْ كَلَامْ ضِدّ اللّٰهْ الْعَالِي وَ يِضَايِقْ نَاسَهْ الصَّالِحِينْ وَ يِدَوْر يِغَيِّرْ أَيَّامْ الْأَعْيَادْ وَ تَوْرَاةْ اللّٰهْ. وَ الصَّالِحِينْ يَقَعَوْا فِي إِيدَيْنَهْ مُدَّةْ تَلَاتَةْ سَنَةْ وَ نُصّ.

2 صَمُوِيل 18:32

وَ الْمَلِكْ قَالْ: «وَ كِكَّيْف حَالَةْ الصَّبِي أَبْشَلُومْ؟» وَ الْحَبَشِي قَالْ: «يَا سِيدِي الْمَلِكْ، كُلَّ عُدْوَانَكْ وَ كُلَّ النَّاسْ الْقَمَّوْا ضِدَّكْ لِيِسَوُّوا لَيْك الْفَسَالَةْ، خَلِّي يَبْقَوْا مِثِلْ الصَّبِي دَا.»

دَنْيال 7:28

وَ خَلَاصْ، الرُّؤْيَةْ دِي كَمَّلَتْ. وَ أَنَا دَنْيَالْ أَفْكَارِي خَوَّفَوْنِي مَرَّةْ وَاحِدْ وَ وِجْهِي أَلْغَيَّرْ وَ قَاعِدْ نِفَكِّرْ فِي الرُّؤْيَةْ دِي.