دَنْيال 3:4 - الكتاب المقدس بالعربي الدارجي هنا تشاد

⁴ وَ الْمُنَظِّمْ هَنَا الْعَازُومَةْ نَادَى بِحِسّ عَالِي وَ قَالْ: «يَا النَّاسْ اللَّامِّينْ مِنْ الشُّعُوبْ وَ الْأُمَمْ وَ اللُّغَّاتْ، دَاهُو الْأَمُرْ بُقُولْ كَيْ:

دَنْيال 3:4 Referenca të Kryqëzuara

دَنْيال 6:25

وَ بَعَدْ دَا، الْمَلِكْ دَارِيُوسْ كَتَبْ لِكُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ السَّاكْنِينْ فِي كُلَّ الْأَرْض وَ قَالْ: السَّلَامْ عَلَيْكُمْ.

دَنْيال 4:1

وَ يَوْم وَاحِدْ، الْمَلِكْ نَبُوخَدْنَصَرْ وَجَّهْ كَلَّمْ لِكُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ الْقَاعِدِينْ فِي كُلَّ الْأَرْض وَ قَالْ: «السَّلَامْ عَلَيْكُمْ.

مِيخا 6:16

وَ إِنْتُو تِتَابُعُوا الْعَادَةْ الْفَسْلَةْ هَنَا الْمَلِكْ عُمْرِي وَ الْعَمَلْ الْهَوَانْ هَنَا عَايِلَةْ مَلِكْ أَخَابْ وَ تُرُوغُوا حَسَبْ خِطِّتْهُمْ. وَ فِي شَانْ دَا، أَنَا نِسَلِّمْ مَدِينِتْكُو لِلْخَرَابْ وَ سُكَّانْهَا يَبْقَوْا شِمَّيْتَةْ وَ يِعَيُّبُوكُو مِثِلْ يِعَيُّبُوا كُلَّ شَعَبِي.»

هُوشَع 5:11

ظَلَمَوْا نَاسْ أَفْرَايِمْ وَ عَوَّجَوْا شَرِيعِتْهُمْ أَشَانْ هُمَّنْ يِرِيدُوا يَجْرُوا وَرَاءْ الرِّيحْ.

دَنْيال 4:14

وَ قَالْ بِحِسّ عَالِي: ”أَقْطَعَوْا الشَّدَرَةْ دِي وَ كَسُّرُوا فُرُوعْهَا وَ مَلُّطُوا وَرْشَالْهَا وَ شَتُّتُوا عِيَالْهَا. وَ خَلِّي الْحَيْوَانَاتْ يِعَرُّدُوا مِنْ تِحِتْهَا وَ الطُّيُورْ كُلَ يِعَرُّدُوا مِنْ فُرُوعْهَا.

إشَعْيا 58:1

«نَادِي بِطُولْ حِسَّكْ! مَا تَسْكُتْ! أَرْفَعْ حِسَّكْ مِثِلْ الْبُوقْ! وَ خَبِّرْ شَعَبِي بِعِصْيَانْهُمْ أَيْوَى، خَبِّرْ ذُرِّيَّةْ يَعْقُوبْ بِذُنُوبْهُمْ!

إشَعْيا 40:9

أَطْلَعَيْ فِي الْجَبَلْ الْعَالِي، يَا صَهْيُون، إِنْتِ الْعِنْدِكِ خَبَرْ حَلُو! بِشِدَّةْ أَرْفَعَيْ صَوْتكِ، يَا مَدِينَةْ الْقُدُسْ، إِنْتِ الْعِنْدِكِ خَبَرْ حَلُو! أَرْفَعَيْ صَوْتكِ بَلَا خَوْف وَ قُولِي لِحِلَّالْ بَلَدْ يَهُوذَا: «دَاهُو إِلٰـهْكُو!

أسْتِير 8:9

وَ فِي نَفْس الْيَوْم يَعْنِي فِي يَوْم 23 هَنَا الشَّهَرْ الْأُسْمَهْ سِيوَانْ، نَادَوْا كُتَّابْ الْمَلِكْ. وَ بِأَمُرْ مَرْدَكَايْ، هُمَّنْ كَتَبَوْا جَوَابَاتْ لِلْيَهُودْ وَ الْمُحَافِظِينْ وَ الْحُكَّامْ وَ مَسَائِيلْ الْوُلَايَاتْ الْقَاعِدِينْ فِي 127 وُلَايَةْ مِنْ بَلَدْ الْهِنْد لَحَدِّي بَلَدْ الْحَبَشَةْ. وَ كَتَبَوْا لِأَيِّ وُلَايَةْ حَسَبْ كِتَابِتْهَا وَ لِأَيِّ شَعَبْ حَسَبْ لُغِّتَهْ وَ لِلْيَهُودْ حَسَبْ كِتَابِتْهُمْ وَ لُغِّتْهُمْ.

رُؤية 5:9

وَ غَنَّوْا غِنَيْ جَدِيدْ وَ دَاهُو غِنَيْهُمْ. «إِنْتَ بَسْ الْوَاجِبْ تِشِيلْ الْمَكْتُوبْ وَ تُفُكّ خِتْمَهْ أَشَانْ إِنْتَ دَبَحَوْك وَ بِدَمَّكْ، فَدَيْت النَّاسْ وَ قَدَّمْتُهُمْ لِلّٰهْ مِنْ أَيِّ قَبِيلَةْ وَ أَيِّ لُغَّةْ وَ مِنْ أَيِّ شَعَبْ وَ أَيِّ أُمَّةْ.

دَنْيال 3:3

وَ خَلَاصْ، كُلَّ الْمُوَكَّلِينْ وَ الْمُحَافِظِينْ وَ رُؤَسَاءْ الْوُلَايَاتْ وَ الْمُسْتَشَارِينْ وَ الْمُوَكَّلِينْ بِحَفِضِينْ الْمَالْ وَ الْقُضْيَاءْ وَ نَاسْ الشَّرِيعَةْ وَ كُلَّ الْمَسَائِيلْ هَنَا الْمَنَاطِقْ جَوْا فِي الْعَازُومَةْ دِي وَ وَقَفَوْا قِدَّامْ الصَّنَمْ الْخَطَّاهْ الْمَلِكْ نَبُوخَدْنَصَرْ.

دَنْيال 3:7

وَ فِي شَانْ دَا، كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ وَكِتْ سِمْعَوْا حِسّ الْبُوقْ وَ الصُّفَّارَةْ وَ الْجِقِنْدِيَّةْ وَ أَمْ سِبَيْبَةْ وَ الْقِتَارْ وَ كُلَّ نَفَرْ هَنَا آلَاتْ الْمُسِيقَى، خَلَاصْ دَنْقَرَوْا وَ سَجَدَوْا لِلصَّنَمْ هَنَا الدَّهَبْ الْخَطَّاهْ الْمَلِكْ نَبُوخَدْنَصَرْ.

دَنْيال 3:10

يَا الْمَلِكْ، إِنْتَ أَنْطَيْت أَمُرْ لِأَيِّ نَادُمْ السِّمِعْ حِسّ الْبُوقْ وَ الصُّفَّارَةْ وَ الْجِقِنْدِيَّةْ وَ أَمْ سِبَيْبَةْ وَ الْقِتَارْ وَ كُلَّ نَفَرْ هَنَا آلَاتْ الْمُسِيقَى، وَاجِبْ يِدَنْقِرْ وَ يَسْجُدْ لِلصَّنَمْ هَنَا الدَّهَبْ.