دَنْيال 3:12 - الكتاب المقدس بالعربي الدارجي هنا تشاد

¹² يَا الْمَلِكْ، دَاهُو فِيَّهْ نَاسْ وَاحِدِينْ مِنْ الْيَهُودْ الْإِنْتَ أَنْطَيْتهُمْ الْإِدَارَةْ هَنَا وُلَايَةْ بَابِلْ وَ هُمَّنْ شَدْرَاكْ وَ مِشَاكْ وَ عَبْد الْنَغُو. وَ الرُّجَالْ دَوْل مَا كَرَّمَوْا أَمْرَكْ وَ مَا عَبَدَوْا إِلٰـهَاتَكْ وَ مَا سَجَدَوْا لِصَنَمَكْ هَنَا الدَّهَبْ الْإِنْتَ خَطَّيْتَهْ.»

دَنْيال 3:12 Referenca të Kryqëzuara

دَنْيال 6:13

وَ هُمَّنْ قَالَوْا لِلْمَلِكْ: «يَا الْمَلِكْ! دَنْيَالْ الْجَابَوْه مِنْ بَلَدْ يَهُوذَا مَا عِنْدَهْ حَاجَةْ بَيْك إِنْتَ وَ لَا بِقَرَارَكْ الْإِنْتَ مَضَيْتَهْ. هُو يِقَدِّمْ طَلَبْ لِإِلٰـهَهْ تَلَاتَةْ مَرَّاتْ فِي الْيَوْم.»

دَنْيال 2:49

وَ دَنْيَالْ طَلَبْ مِنْ الْمَلِكْ يَنْطِي الْإِدَارَةْ هَنَا وُلَايَةْ بَابِلْ لِشَدْرَاكْ وَ مِشَاكْ وَ عَبْد الْنَغُو. وَ دَنْيَالْ كُلَ بِقِي وَاحِدْ مِنْ أَجَاوِيدْ الْمَلِكْ.

أعمال الرُسُل 17:7

وَ يَاسُونْ دَا ضَيَّفَاهُمْ. هُمَّنْ مَا يِتَابُعُوا وَصِيَّةْ سُلْطَانْ الرَّوْمَانِيِّينْ وَ يِبَلُّغُوا لِلنَّاسْ بِمَلِكْ آخَرْ أُسْمَهْ عِيسَى!»

أمْثال 27:4

الزَّعَلْ يِخَوِّفْ وَ الْغَضَبْ يَقْلِبْ مِثِلْ السَّيْل. وَ لَاكِنْ يَاتُو يَقْدَرْ يَقِيفْ قِدَّامْ الْحُسُدْ؟

أعمال الرُسُل 5:28

وَ قَالْ: «أَنِحْنَ أَمَرْنَاكُو بِكَلَامْ شَدِيدْ وَ قُلْنَا لَيْكُو مَا تِعَلُّمُوا النَّاسْ بِأُسُمْ عِيسَى. لَاكِنْ إِنْتُو مَلَيْتُوا مَدِينَةْ الْقُدُسْ بِتَعْلِيمْكُو وَ النَّاسْ قَاعِدِينْ يِحَجُّوا فَوْقَهْ. وَ إِنْتُو تِدَوْرُوا تُخُطُّوا فِي رَاسْنَا دِمَّةْ الرَّاجِلْ دَا!»

جامِعة 4:4

أَنَا شِفْت كَدَرْ كُلَّ الْخِدْمَةْ وَ كُلَّ نَجَاحْ الْعَمَلْ جَايِ مِنْ حُسُدْ الْإِنْسَانْ لِأَخُوهْ. وَ دَا كُلَ زَايِلْ سَاكِتْ مِثِلْ الْجَرِي وَرَاءْ الرِّيحْ.

أسْتِير 3:8

وَ خَلَاصْ، هَمَانْ قَالْ لِلْمَلِكْ أَشَوِرُوشْ: «فِيَّهْ شَعَبْ مُشَتَّتْ وَ مُفَرَّقْ فِي لُبّ الشُّعُوبْ هَنَا كُلَّ وُلَايَاتْ مَمْلَكَتَكْ. وَ قَوَانِينْهُمْ شِقْ مِنْ قَوَانِينْ كُلَّ الشُّعُوبْ الْآخَرِينْ وَ هُمَّنْ مَا قَاعِدِينْ يِطَبُّقُوا قَانُونَكْ، يَا الْمَلِكْ. وَ دَا مَا وَاجِبْ الْمَلِكْ يِخَلِّيهُمْ فِي رَاحَةْ.

دَنْيال 1:7

وَ كَبِيرْ الْخَدَّامِينْ خَطَّ لَيْهُمْ أَسَامَيْ آخَرِينْ. لِدَنْيَالْ سَمَّاهْ بَلْطَشَاصَرْ وَ لِحَنَنْيَا سَمَّاهْ شَدْرَاكْ وَ لِمِشَيِيلْ سَمَّاهْ مِشَاكْ وَ لِعَزَرْيَا سَمَّاهْ عَبْد الْنَغُو.

دَنْيال 2:48

وَ خَلَاصْ، الْمَلِكْ أَنْطَاهْ لِدَنْيَالْ شَرَفْ وَ أَنْطَاهْ هَدَايَا كَتِيرِينْ وَ مُهِمِّينْ. وَ دَرَّجَهْ حَاكِمْ فِي وُلَايَةْ بَابِلْ كُلَّهَا وَ خَطَّاهْ مُحَافِظْ كَبِيرْ فِي كُلَّ الْمُسْتَشَارِينْ هَنَا بَابِلْ.

دَنْيال 3:11

وَ كَنْ نَادُمْ أَبَى مَا يِدَنْقِرْ وَ يَسْجُدْ لِلصَّنَمْ، يِشِيلُوهْ وَ يَرْمُوهْ فِي نَارْ أَمْ لَهِيبْ الشَّدِيدَةْ.

دَنْيال 3:16

وَ شَدْرَاكْ وَ مِشَاكْ وَ عَبْد الْنَغُو رَدَّوْا وَ قَالَوْا لِلْمَلِكْ: «أَنِحْنَ مَا نَقْدَرَوْا نِحَجُّوا لَيْك شَيّءْ فِي الْكَلَامْ دَا.

دَنْيال 3:29

أَسْمَعَوْا، يَا النَّاسْ! مِنْ بَعَدْ الْيَوْم، أَيِّ نَادُمْ مِنْ أَيِّ شَعَبْ أَوْ أُمَّةْ أَوْ لُغَّةْ كَنْ قَالْ كَلَامْ ضِدّ إِلٰـهْ شَدْرَاكْ وَ مِشَاكْ وَ عَبْد الْنَغُو، نِقَطِّعَهْ لَحَمَايْ لَحَمَايْ وَ نِدَمِّرْ بَيْتَهْ وَ يَبْقَى مِثِلْ دُنْقُسْ أَشَانْ مَا فِي إِلٰـهْ آخَرْ الْيَقْدَرْ يِنَجِّي بِطَرِيقَةْ مِثِلْ دِي.»

دَنْيال 3:30

وَ بَعَدْ دَا، الْمَلِكْ أَنْطَى قِيمَةْ لِشَدْرَاكْ وَ مِشَاكْ وَ عَبْد الْنَغُو فِي وُلَايَةْ بَابِلْ.

دَنْيال 6:14

وَ وَكِتْ الْمَلِكْ سِمِعْ الْكَلَامْ دَا، هُو حِزِنْ شَدِيدْ وَ شَالْ نِيَّةْ أَشَانْ يِنَجِّي دَنْيَالْ. وَ لَحَدِّي الْمَغْرِبْ، قَاعِدْ يِحَاوِلْ لِيِنَجِّيهْ.