دَنْيال 2:12 - الكتاب المقدس بالعربي الدارجي هنا تشاد

¹² وَ وَكِتْ الْمَلِكْ سِمِعْ كَلَامْهُمْ دَا، زِعِلْ زَعَلْ شَدِيدْ وَ أَمَرْ يَكْتُلُوا كُلَّ الْمُسْتَشَارِينْ هَنَا بَابِلْ.

دَنْيال 2:12 Referenca të Kryqëzuara

دَنْيال 3:13

وَ فِي الْبَكَانْ دَا، الْمَلِكْ نَبُوخَدْنَصَرْ زِعِلْ زَعَلْ شَدِيدْ وَ أَمَرْ يِجِيبُوا لَيَّهْ شَدْرَاكْ وَ مِشَاكْ وَ عَبْد الْنَغُو. وَ خَلَاصْ، جَابَوْهُمْ قِدَّامْ الْمَلِكْ.

مَتَّى 2:16

وَكِتْ هِرُودُسْ عِرِفْ الْمُنَجِّمِينْ غَشَّوْه، هُو بِقِي زَعْلَانْ بِلْحَيْن. وَ فَكَّرْ فِي الْكَلَامْ الْقَالَوْه لَيَّهْ فِي وَكِتْ النَّجْمَةْ بَانَتْ فَوْقَهْ وَ رَسَّلْ عَسْكَرَهْ فِي بَيْت لَحَمْ وَ الْحِلَّالْ الْجَنْبَهَا. وَ أَمَرَاهُمْ أَشَانْ يَكْتُلُوا أَيِّ وِلَيْد الْعُمْرَهْ نَاقِصْ مِنْ سَنْتَيْن.

دَنْيال 3:19

وَ وَكِتْ الْمَلِكْ نَبُوخَدْنَصَرْ سِمِعْ الْكَلَامْ دَا، زِعِلْ زَعَلْ شَدِيدْ وَ وِجْهَهْ أَلْغَيَّرْ. وَ قَمَّ ضِدّ شَدْرَاكْ وَ مِشَاكْ وَ عَبْد الْنَغُو وَ أَمَرْ يِحَمُّوا النَّارْ دِي سَبْعَةْ مَرَّاتْ زِيَادَةْ مِنْ أَوَّلْ.

زَبُور 76:10

حَتَّى زَعَلْ الْإِنْسَانْ يِوَصِّفْ مَجْدَكْ وَ الْمَا يِخَلُّوا زَعَلْهُمْ يَقْعُدُوا حَزْنَانِينْ.

دَنْيال 2:5

وَ الْمَلِكْ رَدَّ لَيْهُمْ وَ قَالْ: «أَنَا نِأَكِّدْ لَيْكُو! كَنْ مَا عَرَّفْتُونِي بِالرُّؤْيَةْ الْأَنَا رِئِيتْ بَيْهَا هِي ذَاتْهَا وَ بَتَّانْ مَعَنَاتْهَا، نِقَطِّعْ جِسِمْكُو لَحَمَايْ لَحَمَايْ وَ نِدَمِّرْ بُيُوتْكُو وَ يَبْقَوْا مِثِلْ دَنَاقِسْ.

أمْثال 29:22

الزَّعَّالْ يِجِيبْ الْهُرَاجْ وَ سِيدْ الْغَضَبْ يِكَتِّرْ الْفَسَالَةْ.

أمْثال 20:2

غَضَبْ الْمَلِكْ مِثِلْ قَرْقَرَانْ الدُّودْ. كَنْ تَلْعَبْ بَيَّهْ، تُمُوتْ.

أمْثال 19:12

غَضَبْ الْمَلِكْ مِثِلْ قَرْقَرَانْ الدُّودْ لَاكِنْ رِضَايَهْ مِثِلْ الْمَطَرْ لِلْقَشّ.

أمْثال 16:14

غَضَبْ الْمَلِكْ يِجِيبْ الْمَوْت وَ الرَّاجِلْ الْحَكِيمْ يِصَبِّرَهْ.

أيُّوب 5:2

أَشَانْ الزَّعَلْ يَكْتُلْ الْمُنَافِقْ وَ الْحُسُدْ يِكَمِّلْ الْمُغَفَّلْ.

مَتَّى 5:22

وَ لَاكِنْ أَنَا نُقُولْ لَيْكُو أَيِّ نَادُمْ الزَّعْلَانْ مِنْ أَخُوهْ، وَاجِبْ يِشَارُعُوهْ. وَ أَيِّ نَادُمْ الْيُقُولْ لِأَخُوهْ: ‹إِنْتَ عَجَمِي›، وَاجِبْ يِقَدُّمُوهْ قِدَّامْ الْمَجْلَسْ الْكَبِيرْ. وَ أَيِّ نَادُمْ الْيُقُولْ لِأَخُوهْ: ‹إِنْتَ جَاهِلْ›، وَاجِبْ يَزْقُلُوهْ فِي نَارْ جَهَنَّمْ.

دَنْيال 2:24

وَ بَعَدْ دَا، دَنْيَالْ مَشَى بَكَانْ أَرْيُوكْ النَّادُمْ الْمَلِكْ كَلَّفَهْ بِكَتِلْ كُلَّ الْمُسْتَشَارِينْ هَنَا بَابِلْ. وَ قَالْ لَيَّهْ: «مَا تَكْتُلْ الْمُسْتَشَارِينْ هَنَا بَابِلْ لَاكِنْ وَدِّينِي بَكَانْ الْمَلِكْ وَ نِفَسِّرْ لَيَّهْ رُؤْيِتَهْ.»

دَنْيال 5:19

وَ مِنْ شِدَّةْ الْعَظَمَةْ الْأَنْطَاهَا لَيَّهْ، كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ يَرْجُفُوا قِدَّامَهْ مِنْ الْخَوْف. الْهُو يِدَوْر يَكْتُلَهْ، يَكْتُلَهْ وَ الْيِدَوْر يِخَلِّيهْ، يِخَلِّيهْ. وَ الْيِدَوْر يَرْفَعَهْ، يَرْفَعَهْ وَ الْيِدَوْر يَرْمِيهْ، يَرْمِيهْ.