دَنْيال 12:3 - الكتاب المقدس بالعربي الدارجي هنا تشاد

³ وَ النَّاسْ الْعِنْدُهُمْ حِكْمَةْ يِضَوُّوا مِثِلْ ضَيّ النَّهَارْ أَشَانْ عَلَّمَوْا الْعَدَالَةْ لِنَاسْ كَتِيرِينْ. وَ هُمَّنْ يَبْقَوْا مِثِلْ نُجُومْ السَّمَاءْ الْيِضَوُّوا دَايْماً.

دَنْيال 12:3 Referenca të Kryqëzuara

مَتَّى 13:43

وَ فِي الْوَكِتْ دَاكْ، الصَّالِحِينْ يِرَارُوا مِثِلْ الْحَرَّايْ فِي مَمْلَكَةْ أَبُوهُمْ. وَ خَلَاصْ، أَيِّ نَادُمْ الْعِنْدَهْ أَدَانْ، خَلِّي يَسْمَعْ!

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

دَنْيال 11:33

«وَ النَّاسْ الْعِنْدُهُمْ حِكْمَةْ يِفَهُّمُوا كَتِيرِينْ مِنْ نَاسْهُمْ. وَ لَاكِنْ فِي مُدَّةْ شُهُورْ، سِيَادْ الْحِكْمَةْ دَوْل يَكْتُلُوهُمْ بِالْسَّيْف أَوْ يِحَرُّقُوهُمْ بِنَارْ أَوْ يِدِسُّوهُمْ فِي السِّجِنْ أَوْ يِشِيلُوا مَالْهُمْ.

دَنْيال 11:35

وَ النَّاسْ الْعِنْدُهُمْ حِكْمَةْ، كَتِيرِينْ مِنْهُمْ يُمُوتُوا وَ مَوْتهُمْ دَا يِطَهِّرْ الشَّعَبْ وَ يِصَفِّيهُمْ وَ يِجَهِّزْهُمْ لِلْوَكِتْ الْأَخِيرْ الْمُحَدَّدْ.

أمْثال 11:30

خِدْمَةْ الصَّالِحْ مِثِلْ شَدَرَةْ التَّنْطِي الْحَيَاةْ وَ الْعِنْدَهْ الْحِكْمَةْ يَجْبِدْ عَلَيَّهْ النَّاسْ.

عِبْرَانِيِّين 5:12

إِنْتُو الطَّوَّلْتُوا فِي الدَّرِبْ، وَاجِبْ تَبْقَوْا مُعَلِّمِينْ هَنَا الْإِيمَانْ لَاكِنْ بِالصَّحِيحْ، إِنْتُو حَوْجَانِينْ لِدُرُوسْ أَوَّلَانِيِّينْ هَنَا كَلَامْ اللّٰهْ. إِنْتُو بِقِيتُوا مِثِلْ الصَّغِيرْ اللِّسَّاعَهْ حَوْجَانْ لِلَبَنْ أَمَّهْ أَشَانْ هُو مَا جَاهِزْ لِلْأَكِلْ.

يُوحَنَّا 5:35

يَحْيَى هُو بِقِي لَيْكُو مِثِلْ فَانُوسْ مُوَلِّعْ وَ يَنْطِي نُورْ. وَ إِنْتُو فِرِحْتُوا بِنُورَهْ لِمُدَّةْ وَكِتْ.

يُوحَنَّا 4:36

هَسَّعْ بَسْ الْخَدَّامْ الْيَقْطَعْ الْغَلَّةْ يَلْقَى أُجُرْتَهْ وَ يِلِمّ الْغَلَّةْ وَ يَخْزِنْهَا لِلْآخِرَةْ. وَ بِمِثِلْ دَا، النَّادُمْ الْيِتَيْرِبْ وَ النَّادُمْ الْيَقْطَعْ، يَفْرَحَوْا سَوَا.

1 كُرُنْتُس 3:10

وَ أَنَا مِثِلْ بَنَّايْ الْيَعَرِفْ خِدِمْتَهْ وَ بِالرَّحْمَةْ الْاللّٰهْ أَنْطَانِي، أَنَا خَطَّيْت أَسَاسْ الْبَيْت وَ نَادُمْ آخَرْ جَاءْ بَنَى فَوْقَهْ. وَ أَيِّ نَادُمْ الْيَبْنِي فَوْقَهْ وَاجِبْ يُخُطّ بَالَهْ فِي خِدِمْتَهْ.

إرْمِيا 23:22

وَ كَنْ أَوَّلْ حِضْرَوْا فِي مَجْلَسِي، هُمَّنْ يَقْدَرَوْا يِخَبُّرُوا شَعَبِي بِكَلَامِي. وَ يِقَبُّلُوهُمْ مِنْ دَرِبْهُمْ الْهَوَانْ وَ يِرَجُّعُوهُمْ مِنْ عَمَلْهُمْ الْفَسِلْ.»

رُؤية 1:20

نِفَسِّرْ لَيْك السِّرّ هَنَا السَّبْعَةْ نُجُومْ الشِّفْتُهُمْ فِي إِيدِي الزَّيْنَةْ وَ السَّبْعَةْ فَانُوسْ هَنَا دَهَبْ. السَّبْعَةْ نُجُومْ دَوْل هُمَّنْ يِمَثُّلُوا الْمَلَائِكَةْ الْيَحْفَضَوْا جَمَاعَاتْ الْمُؤمِنِينْ السَّبْعَةْ. وَ السَّبْعَةْ فَانُوسْ، هُمَّنْ السَّبْعَةْ جَمَاعَاتْ ذَاتْهُمْ.»

2 بُطْرُس 3:15

فَكُّرُوا فِي الرُّوحْ الطَّوِيلَةْ هَنَا رَبِّنَا وَ أَعَرْفُوا كَدَرْ هُو يِأَخِّرْ جَيْتَهْ أَشَانْ النَّاسْ يَنْجَوْا. وَ الْكَلَامْ دَا مِثِلْ الْكَلَامْ الْأَخُونَا بُولُسْ النِّرِيدُوهْ كَتَبَهْ لَيْكُو مِنْ الْحِكْمَةْ الْاللّٰهْ أَنْطَاهَا لَيَّهْ.

أفَسُس 4:11

وَ هُو بَسْ الْأَنْطَى عَطَايَا لِلنَّاسْ. وَ نَاسْ وَاحِدِينْ، هُو جَعَلَاهُمْ رُسُلْ وَ وَاحِدِينْ جَعَلَاهُمْ أَنْبِيَاء وَ وَاحِدِينْ جَعَلَاهُمْ مُبَشِّرِينْ وَ وَاحِدِينْ جَعَلَاهُمْ شُيُوخْ وَ مُعَلِّمِينْ.

مَتَّى 24:45

«يَاتُو مِنْكُو يَبْقَى عَبِدْ أَمِينْ وَ فَاهِمْ؟ السِّيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ أَكِلْ فِي الْوَكِتْ الْوَاجِبْ.

مَتَّى 19:28

عِيسَى رَدَّ لَيْهُمْ وَ قَالْ: «نُقُولْ لَيْكُو الْحَقّ، وَكِتْ أَنَا إِبْن الْإِنْسَانْ نَقْعُدْ فِي الْكُرْسِي الْعَظِيمْ فِي الزَّمَنْ الْفَوْقَهْ اللّٰهْ يِسَوِّي كُلَّ شَيّءْ جَدِيدْ، إِنْتُو التَّابَعْتُونِي تَقْعُدُوا فِي كَرَاسِي 12 وَ تَحْكُمُوا قَبَايِلْ بَنِي إِسْرَائِيلْ الْأَتْنَا عَشَرْ.

أعمال الرُسُل 13:1

وَ فِي جَمَاعَةْ الْمُؤمِنِينْ الْقَاعِدِينْ فِي حِلَّةْ أَنْطَاكِيَةْ، فِي أَنْبِيَاء وَ مُعَلِّمِينْ. وَ هُمَّنْ بَرْنَابَا وَ سِمْعَانْ الْبِنَادُوهْ أَزْرَقْ وَ لُوكِيُسْ الْمِنْ حِلَّةْ الْقَيْرَوَانْ وَ مَنَايِنْ الرَّبَّوْه مَعَ هِرُودُسْ مُحَافِظْ دَارْ الْجَلِيلْ وَ شَاوُولْ.

أمْثال 3:35

الْحَكِيمْ يَوْرِثْ الشَّرَفْ وَ الْمَطْمُوسْ يَلْقَى إِلَّا الْعَيْب.

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

دَنْيال 12:10

وَ نَاسْ كَتِيرِينْ التَّعَبْ يِطَهِّرْهُمْ وَ يِصَفِّيهُمْ وَ يِنَضِّفْهُمْ. وَ الْعِنْدُهُمْ حِكْمَةْ يَفْهَمَوْا. وَ لَاكِنْ الْعَاصِيِينْ يِسَوُّوا الشَّرّ وَ وَاحِدْ مِنْهُمْ كُلَ مَا يَفْهَمْ.

خُروج 34:35

وَ فِي الْبَكَانْ دَا، بَنِي إِسْرَائِيلْ يِشِيفُوا وِجْهَهْ الْقَاعِدْ يِرَارِي. وَ بَعَدْ دَا، هُو يُخُطّ الْمِنْدِيلْ فِي وِجْهَهْ لَحَدِّي يَجِي يِكَلِّمْ مَعَ اللّٰهْ بَتَّانْ.

قُضياء 5:31

«يَا اللّٰهْ، خَلِّي كُلَّ عُدْوَانَكْ يِدَّمَّرَوْا مِثِلْ سِيسْرَا وَ الْيِحِبُّوكْ يَبْقَوْا مِثِلْ ضَيّ الْحَرَّايْ وَكِتْ تَطْلَعْ.» وَ بَعَدْ دَا، الْبَلَدْ قَاعِدَةْ فِي رَاحَةْ لِمُدَّةْ 40 سَنَةْ.

جامِعة 12:9

الْمُعَلِّمْ مَا حَكِيمْ بَسْ، هُو بَتَّانْ عَلَّمْ الْمَعْرَفَةْ لِلشَّعَبْ. هُو كَشَفْ بِمَعْرَفَةْ وَ وَزَنْ وَ نَظَّمْ عَدَدْ كَبِيرْ هَنَا أَمْثَالْ.