دَنْيال 11:3 - الكتاب المقدس بالعربي الدارجي هنا تشاد

³ «وَ فِي الْيُونَانْ كُلَ، يَرْكَبْ مَلِكْ شَدِيدْ الْيَحْكِمْ بِقُدْرَةْ وَ يِسَوِّي كُلَّ شَيّءْ الْقَلْبَهْ بِدَوْرَهْ.

دَنْيال 11:3 Referenca të Kryqëzuara

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

دَنْيال 11:16

وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ أَشَانْ نَادُمْ وَاحِدْ يَقْدَرْ لَيَّهْ كَيْ مَا فِيهْ. هُو يِشِيلْ الْبَلَدْ الْجَمِيلَةْ وَ يِجِيبْ الدَّمَارْ فِيهَا.

دَنْيال 8:21

وَ التَّيْس كَمَانْ يِمَثِّلْ مَلِكْ الْيُونَانِيِّينْ. وَ الْقَرِنْ الْكَبِيرْ الْقَمَّ أَمْبَيْنَاتْ عُيُونَهْ دَا يِمَثِّلْ مَلِكْهُمْ الْأَوَّلْ.

دَنْيال 7:6

وَ بَعَدْ دَا، شِفْت بَتَّانْ حَيْوَانْ آخَرْ تَالِتْ وَ هُو مِثِلْ النِّمِرْ وَ عِنْدَهْ جَنَاحَيْ أَرْبَعَةْ فِي ضَهَرَهْ مِثِلْ جَنَاحَيْ الطُّيُورْ. وَ الْحَيْوَانْ دَا عِنْدَهْ أَرْبَعَةْ رَاسْ وَ أَنْطَوْه سُلْطَةْ لِيَحْكِمْ.

دَنْيال 5:19

وَ مِنْ شِدَّةْ الْعَظَمَةْ الْأَنْطَاهَا لَيَّهْ، كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ يَرْجُفُوا قِدَّامَهْ مِنْ الْخَوْف. الْهُو يِدَوْر يَكْتُلَهْ، يَكْتُلَهْ وَ الْيِدَوْر يِخَلِّيهْ، يِخَلِّيهْ. وَ الْيِدَوْر يَرْفَعَهْ، يَرْفَعَهْ وَ الْيِدَوْر يَرْمِيهْ، يَرْمِيهْ.

يَعْقُوب 1:18

بِوَاسِطَةْ كَلَامْ الْحَقّ، اللّٰهْ أَنْطَانَا الْحَيَاةْ الْجَدِيدَةْ بِنِيّتَهْ أَشَانْ أَنِحْنَ نَبْقَوْا مُهِمِّينْ مِنْ كُلَّ مَخْلُوقِينَهْ.

عِبْرَانِيِّين 2:4

وَ اللّٰهْ كُلَ شَهَدْ لَيْهَا بِعَلَامَاتْ وَ عَجَايِبْ وَ مُعْجِزَاتْ شِقْ شِقْ وَ بِالْقُدْرَةْ الْهُو أَنْطَاهَا لِلنَّاسْ بِالرُّوحْ الْقُدُّوسْ حَسَبْ الْهُو يِدَوْرَهْ.

أفَسُس 1:11

وَ بِعَلَاقِتْنَا مَعَ الْمَسِيحْ، اللّٰهْ جَعَلَانَا شَعَبَهْ الْيَلْقَوْا الْوَرَثَةْ. اللّٰهْ عَزَلَانَا مِنْ أَوَّلْ حَسَبْ نِظَامَهْ. هُو يِسَوِّي كُلَّ شَيّءْ حَسَبْ نِيّتَهْ وَ مُرَادْتَهْ.

دَنْيال 4:35

وَ كُلَّ سُكَّانْ الْأَرْض مَا يِتِمُّوا شَيّءْ فِي قِدَّامَهْ. وَ هُو يِسَوِّي كُلَّ شَيّءْ الْيِدَوْرَهْ فِي سُكَّانْ السَّمَاءْ وَ سُكَّانْ الْأَرْض. وَ مَا فِي وَاحِدْ يَقْدَرْ يَمْنَعَهْ وَ لَا يُقُولْ لَيَّهْ: ‹سَوَّيْت شُنُو؟›