دَنْيال 10:8 - الكتاب المقدس بالعربي الدارجي هنا تشاد

⁸ وَ أَنَا دَنْيَالْ فَضَّلْت وِحَيْدِي قَاعِدْ نِشِيفْ الرُّؤْيَةْ الْعَجِيبَةْ دِي. وَ أَنَا أَنْبَهَتْ وَ وِجْهِي أَلْغَيَّرْ وَ قُدُرْتِي بِقَتْ مَا فِيهَا.

دَنْيال 10:8 Referenca të Kryqëzuara

دَنْيال 7:28

وَ خَلَاصْ، الرُّؤْيَةْ دِي كَمَّلَتْ. وَ أَنَا دَنْيَالْ أَفْكَارِي خَوَّفَوْنِي مَرَّةْ وَاحِدْ وَ وِجْهِي أَلْغَيَّرْ وَ قَاعِدْ نِفَكِّرْ فِي الرُّؤْيَةْ دِي.

حَبَقُوق 3:16

مِنْ أَنَا سِمِعْت بِجَيْتَكْ، قَلْبِي رَجَفْ وَ مِنْ سِمِعْت حِسَّكْ، شَلَالِيفِي رَجَفَوْا وَ عُضَامِي مَاعَوْا. وَ أَنَا وَقَفْت بَكَانْ وَاحِدْ وَ قَاعِدْ نَرْجِفْ. وَ هَسَّعْ، نَرْجَى يَوْم الضِّيقَةْ الْيَجِي فَوْق عَدُونَا.

دَنْيال 8:27

وَ أَنَا دَنْيَالْ ضِعِفْت وَ مِرِضْت مُدَّةْ أَيَّامْ. وَ بَعَدَيْن لِقِيتْ الْعَافَيْ وَ قَمَّيْت نِسَوِّي خِدْمَةْ الْمَلِكْ. وَ بَيْدَا كُلَ، أَنَا هَمَّيْت زِيَادَةْ مِنْ الرُّؤْيَةْ الشِّفْتَهَا وَ مَا فِهِمْت مَعَنَاتْهَا.

رُؤية 1:17

وَ وَكِتْ أَنَا شِفْتَهْ، وَقَعْت قِدَّامَهْ مِثِلْ نَادُمْ مَيِّتْ. وَ هُو خَطَّ إِيدَهْ الزَّيْنَةْ فَوْقِي وَ قَالْ: «مَا تَخَافْ. أَنَا الْأَوَّلْ وَ الْأَخِيرْ.

مَرْخُوس 9:6

وَ بُطْرُسْ حَجَّى مِثِلْ دَا أَشَانْ هُو أَلْعَجَّبْ وَ مَا عِرِفْ يُقُولْ شُنُو. وَ كُلُّهُمْ خَافَوْا مَرَّةْ وَاحِدْ.

مَتَّى 17:6

وَ التَّلَامِيذ سِمْعَوْا الْحِسّ وَ خَافَوْا مَرَّةْ وَاحِدْ وَ وَقَعَوْا بِوُجُوهُّمْ فِي الْأَرْض.

2 كُرُنْتُس 12:7

أَكِيدْ، أَنَا شِفْت رُؤْيَةْ عَجِيبَةْ بِلْحَيْن وَ اللّٰهْ مَا يِدَوْر أَنَا نِسْتَكْبَرْ بِسَبَبْهَا. وَ أَشَانْ دَا، اللّٰهْ أَنْطَانِي شَيّءْ وَاحِدْ الْقَاعِدْ يِتَعِّبْنِي مِثِلْ شَوْك فِي لَحَمِي وَ مِثِلْ مُرْسَالْ هَنَا الشَّيْطَانْ الْقَاعِدْ يُدُقِّنِي. وَ أَنْطَانِي التَّعَبْ دَا أَشَانْ مَا نِسْتَكْبَرْ.

دَنْيال 8:7

وَ شِفْت التَّيْس دَا هَجَمْ الْكَبِشْ بِزَعَلْ وَ ضَرَبَهْ وَ كَسَّرْ قُرُونَهْ الْإِتْنَيْن. وَ الْكَبِشْ مَا قِدِرْ لَيَّهْ وَ التَّيْس دَا رَمَاهْ وَ فَجَّقَهْ وَ شَيّءْ الْيَقْدَرْ يِنَجِّي الْكَبِشْ مِنَّهْ كُلَ مَا فِيهْ.

تكوين 32:31

وَ الْحَرَّايْ طَلَعَتْ لَيَّهْ وَكِتْ هُو فَاتْ مِنْ فَنُوِيلْ. وَ قَاعِدْ يَضْلَعْ أَشَانْ وِرْكَهْ مَرَقْ.

يُوحَنَّا 16:32

لَاكِنْ وَكِتْ وَاحِدْ يَجِي وَ هَسَّعْ الْوَكِتْ دَا جَاءْ خَلَاصْ. وَ فِي الْوَكِتْ دَا بَسْ، يِشَتُّتُوكُو أَيِّ وَاحِدْ يَمْشِي لِبَيْتَهْ. إِنْتُو تِخَلُّونِي وِحَيْدِي. لَاكِنْ بِالصَّحِيحْ، أَنَا مَا وِحَيْدِي أَشَانْ أَبُويِ قَاعِدْ مَعَايِ.

خُروج 3:3

وَ مُوسَى قَالْ: «خَلِّي نَمْشِي نِشِيفْ الشَّيّءْ الْعَجِيبْ دَا. مَالَا الشِّدَيْرَةْ دِي مَا حِرْقَتْ؟»

دَنْيال 10:16

وَ لَاكِنْ جَاءْ وَاحِدْ بِشَابِهْ إِبْن الْإِنْسَانْ لِمِسْ شَلَالِيفِي وَ خَلَاصْ، أَنَا قِدِرْت فَتَحْت خَشْمِي. وَ قُلْت لِلْوَاقِفْ قِدَّامِي: «يَا سَيِّدِي، الرُّؤْيَةْ دِي بَرْجَلَتْنِي زِيَادَةْ وَ بَتَّانْ مَا عِنْدِي قُدْرَةْ.

دَنْيال 10:17

يَا سَيِّدِي، كِكَّيْف أَنَا عَبْدَكْ نَقْدَرْ نِكَلِّمْ لَيْك كَنْ قُدُرْتِي مَا فِيهَا وَ مَا نَقْدَرْ نِنَفِّسْ عَدِيلْ؟»