دَنْيال 10:6 - الكتاب المقدس بالعربي الدارجي هنا تشاد

⁶ وَ جِسْمَهْ يِرَارِي مِثِلْ الْحَجَرْ الْغَالِي. وَ وِجْهَهْ يِضَوِّي مِثِلْ الْبَرَّاقَةْ وَ عُيُونَهْ يِضَوُّوا مِثِلْ مَشَاهِيبْ النَّارْ وَ إِيدَيْنَهْ وَ رِجِلَيْنَهْ يِرَارُوا مِثِلْ النَّحَاسْ الصَّفَّوْه. وَ حِسَّهْ مِثِلْ حَرَكَةْ هَنَا نَاسْ كَتِيرِينْ مَرَّةْ وَاحِدْ.

دَنْيال 10:6 Referenca të Kryqëzuara

رُؤية 19:12

وَ عُيُونَهْ مِثِلْ نَارْ مُقَرْقِرَةْ وَ فِي رَاسَهْ عِنْدَهْ تِيجَانْ كَتِيرِينْ. وَ أُسُمْ وَاحِدْ مَكْتُوبْ فَوْقَهْ وَ الْأُسُمْ دَا، مَا فِي نَادُمْ يَعَرْفَهْ إِلَّا هُو بَسْ.

مَتَّى 17:2

وَ عِيسَى أَلْغَيَّرْ قِدَّامْهُمْ. وِجْهَهْ نَوَّرْ مِثِلْ نُورْ الْحَرَّايْ وَ خَلَقَهْ بِقِي أَبْيَضْ كَرّ مِثِلْ النُّورْ.

حِزْقِيال 10:9

وَ دَاهُو أَنَا شِفْت أَرْبَعَةْ عَجَلَاتْ جَنْب الْمَخْلُوقِينْ السَّمَاوِيِّينْ، أَيِّ عَجَلَةْ جَنْب مَخْلُوقْ سَمَاوِي وَاحِدْ. وَ الْعَجَلَاتْ دَوْل بِرَارُوا مِثِلْ صَنَعَوْهُمْ بِحَجَرْ غَالِي.

حِزْقِيال 1:24

وَ وَكِتْ الْمَخْلُوقِينْ مَاشِينْ، أَنَا قَاعِدْ نَسْمَعْ حَرَكَةْ جَنَاحَيْهُمْ وَ دَا مِثِلْ حَرَكَةْ مَطَرَةْ تَقِيلَةْ وَ مِثِلْ حِسّ الْقَادِرْ وَ مِثِلْ حِسّ نَاسْ كَتِيرِينْ وَ مِثِلْ حَرَكَةْ دَيْش كَبِيرْ. وَ وَكِتْ يَقِيفُوا، يِدَلُّوا جَنَاحَيْهُمْ.

حِزْقِيال 1:16

وَ الْعَجَلَاتْ بِرَارُوا مِثِلْ صَنَعَوْهُمْ بِحَجَرْ غَالِي وَ الْعَجَلَاتْ الْأَرْبَعَةْ دَوْل بِشَّابَهَوْا. وَ مَصْنُوعِينْ مِثِلْ عَجَلَةْ وَاحِدَةْ فِي لُبّ عَجَلَةْ آخَرَةْ.

حِزْقِيال 1:14

وَ الْمَخْلُوقِينْ دَوْل يَمْشُوا وَ يَجُوا بِسُرْعَةْ مِثِلْ الْبَرَّاقَةْ.

رُؤية 21:20

وَ الْخَامِسْ عَقِيقْ أَزْرَقْ وَ السَّادِسْ مَرَجَانْ أَحْمَرْ وَ السَّابِعْ زَبَرْجَدْ أَصْفَرْ وَ التَّامِنْ عَقِيقْ ظَهْرِي وَ التَّاسِعْ يَاقُوتْ أَصْفَرْ وَ الْعَاشِرْ عَقِيقْ أَخْضَرْ وَ الْإِحْدَى عَشَرْ فَيْرُوزْ وَ الْأَتْنَا عَشَرْ يَاقُوتْ قَرَضِي.

رُؤية 10:1

وَ فِي الْبَكَانْ دَا، أَنَا شِفْت بَتَّانْ مَلَكْ آخَرْ نَازِلْ مِنْ السَّمَاءْ وَ هُو قَادِرْ. وَ هُو لَابِسْ سَحَابَايْ مِثِلْ خَلَقْ وَ عِنْدَهْ حَجَّازْ الْمَطَرْ فِي رَاسَهْ. وَ وِجْهَهْ يِرَارِي مِثِلْ الْحَرَّايْ وَ رِجِلَيْنَهْ يِشَابُهُوا مِثِلْ عَمُودْ هَنَا نَارْ.

لُوقا 9:29

وَ وَكِتْ هُو قَاعِدْ يِصَلِّي، وِجْهَهْ أَلْغَيَّرْ قِدَّامْهُمْ وَ خَلَقَهْ بِقِي أَبْيَضْ كَرّ مِثِلْ نُورْ شَدِيدْ.

حِزْقِيال 1:7

وَ رِجْلَيْهُمْ عُدُلْ وَ مَشَّايَاتْهُمْ مِثِلْ ضَلَافَيْ الْعِجِلْ وَ يِرَارُوا مِثِلْ نَحَاسْ صَافِي.

خُروج 28:20

وَ الرَّوْق الرَّابِعْ عِنْدَهْ زَبَرْجَدْ وَ عَقِيقْ وَ خَرَزْ. «‹وَ كُلَّ الْحُجَارْ دَوْل يُكُونُوا مُرَصَّصِينْ فِي الرِّيقَانْ هَنَا الدَّهَبْ.

مَتَّى 28:3

وَ الْمَلَكْ يِرَارِي مِثِلْ بَرَّاقَةْ وَ خَلَقَهْ أَبْيَضْ كَرّ.

رُؤية 2:18

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ ثِيَاتِيرَةْ. دَاهُو كَلَامِي، أَنَا إِبْن اللّٰهْ، الْعُيُونِي مِثِلْ جَمُرْ مُقَرْقِرْ وَ رِجِلَيْنِي يِرَارُوا مِثِلْ نَحَاسْ مُجُمَّرْ.

نشيد 5:14

وَ إِيدَيْنَهْ مِثِلْ عِصَيْ هَنَا دَهَبْ الْمُجَمَّلْ بِحَجَرْ غَالِي. وَ جِتِّتَهْ مِثِلْ لَوْح هَنَا عَاجْ الْمُجَمَّلْ بِيَاقُوتْ أَخْضَرْ.

حِزْقِيال 40:3

هُو وَدَّانِي هِنَاكْ وَ هِنَاكْ، أَنَا شِفْت رَاجِلْ الْجِلْدَهْ يِشَابِهْ نَحَاسْ. وَ عِنْدَهْ فِي إِيدَهْ حَبِلْ هَنَا كَتَّانْ وَ عُودْ هَنَا كِيَالْ. وَ هُو وَاقِفْ فِي خَشُمْ الْبَابْ.

حِزْقِيال 8:2

وَ طَوَّالِي، أَنَا شِفْت رُؤْيَةْ وَ دَاهُو أَنَا شِفْت شَيّءْ يِشَابِهْ إِنْسَانْ. وَ مِنْ صُلْبَهْ لَحَدِّي تِحِتْ، هُو هَنَا نَارْ. وَ مِنْ صُلْبَهْ لَحَدِّي فَوْق، يِرَارِي مِثِلْ النَّحَاسْ الصَّافِي.