دَنْيال 10:5 - الكتاب المقدس بالعربي الدارجي هنا تشاد

⁵ أَنَا رَفَعْت رَاسِي وَ دَاهُو شِفْت رَاجِلْ وَاحِدْ بَانْ لَيِّ لَابِسْ خَلَقْ هَنَا قُمَاشْ سَمَحْ وَ فِي صُلْبَهْ، حِزَامْ مِنْ دَهَبْ صَافِي.

دَنْيال 10:5 Referenca të Kryqëzuara

حِزْقِيال 9:2

وَ دَاهُو أَنَا شِفْت سِتَّةْ رُجَالْ جَايِينْ مِنْ الْبَابْ الْعَالِي الْمُقَابِلْ مُنْشَاقْ وَ أَيِّ وَاحِدْ عِنْدَهْ سِلَاحَهْ هَنَا الْخَرَابْ فِي إِيدَهْ. وَ فِي أُسُطْهُمْ، فِيَّهْ رَاجِلْ وَاحِدْ لَابِسْ خَلَقْ هَنَا قُمَاشْ سَمَحْ وَ عِنْدَهْ قَلَمْ هَنَا كُتَّابْ فِي صُلْبَهْ. كُلُّهُمْ جَوْا وَ وَقَفَوْا جَنْب الْمَدْبَحْ هَنَا النَّحَاسْ.

إرْمِيا 10:9

وَ بِالْفُضَّةْ الْجَايْبِينْهَا مِنْ تَرْشِيشْ وَ بِالدَّهَبْ الْجَايْبِينَهْ مِنْ أُفَّازْ، الْحَدَّادِي وَ الصَّيَّاغِي يِجَمُّلُوا الْأَصْنَامْ. وَ يِلَبُّسُوهُمْ خُلْقَانْ لَوْنهُمْ ظَهْرِي وَ قَرَضِي السَّوَّاهُمْ خَيَّاطِي مَعْرُوفْ.

يَشُوع 5:13

وَ وَكِتْ يَشُوعْ قَاعِدْ جَنْب أَرِيحَا، هُو رَفَعْ رَاسَهْ وَ شَافْ نَادُمْ وَاقِفْ قِدَّامَهْ وَ سَيْفَهْ مَسْلُولْ فِي إِيدَهْ. وَ يَشُوعْ مَشَى لَيَّهْ وَ قَالْ: «إِنْتَ لَيْنَا أَنِحْنَ وَلَّا لِعَدُونَا؟»

أفَسُس 6:14

أَشَانْ دَا، أَقْعُدُوا ثَابْتِينْ، صُلُبْكُو مَرْبُوطْ بِالْحَقّ. خَلِّي الْحَالْ الصَّالْحَةْ تَبْقَى لَيْكُو دِرِعْ قَوِي فِي صَدُرْكُو.

زَكَرِيَّا 1:8

فِي اللَّيْلَةْ دِي، أَنَا شِفْت رُؤْيَةْ. أَنَا شِفْت رَاجِلْ رَاكِبْ فِي جُوَادْ أَحْمَرْ وَ وَاقِفْ فِي أُسُطْ شَدَرْ الْوَادِي. وَ وَرَايَهْ فِي خَيْل حُمُرْ وَ شُقُرْ وَ بُيُضْ بِرُكَّابْهُمْ.

إشَعْيا 11:5

وَ الْعَدَالَةْ مِثِلْ حِزَامْ صُلْبَهْ وَ الصَّحِيحْ مِثِلْ حِزَامْ بَطْنَهْ.