دَنْيال 10:1 - الكتاب المقدس بالعربي الدارجي هنا تشاد

¹ وَ فِي السَّنَةْ التَّالْتَةْ هَنَا حُكُمْ كُورَشْ مَلِكْ الْفَارِسِيِّينْ، اللّٰهْ بَيَّنْ لِدَنْيَالْ الْبِنَادُوهْ بَلْطَشَاصَرْ الْأَشْيَاءْ الْأَكِيدْ يَبْقَوْا وَ مِنْهُمْ التَّعَبْ الشَّدِيدْ الْيَجِي. وَ بِرُؤْيَةْ، دَنْيَالْ فِهِمْ مَعَنَى الْأَشْيَاءْ دَوْل.

دَنْيال 10:1 Referenca të Kryqëzuara

دَنْيال 8:26

وَ كَنْ لِلرُّؤْيَةْ الْإِنْتَ شِفْتَهَا التُّخُصّ عَدَدْ الضَّحِيَّةْ هَنَا فَجُرْ وَ عَشِيَّةْ دِي، هِي صَحِيحَةْ. لَاكِنْ الرُّؤْيَةْ دِي سِرّ. مَا تِكَلِّمْ بِالرُّؤْيَةْ دِي أَشَانْ هِي تُخُصّ وَكِتْ لِسَّاعْ جَايِ بَعِيدْ.»

دَنْيال 6:28

وَ دَنْيَالْ نَجَحْ فِي أَيَّامْ حُكُمْ دَارِيُوسْ وَ حُكُمْ كُورَشْ الْفَارِسِي.

دَنْيال 1:21

وَ دَنْيَالْ قَعَدْ لَحَدِّي السَّنَةْ الْجَاءْ فَوْقهَا الْمَلِكْ كُورَشْ وَ شَالْ الْمُلُكْ.

دَنْيال 1:7

وَ كَبِيرْ الْخَدَّامِينْ خَطَّ لَيْهُمْ أَسَامَيْ آخَرِينْ. لِدَنْيَالْ سَمَّاهْ بَلْطَشَاصَرْ وَ لِحَنَنْيَا سَمَّاهْ شَدْرَاكْ وَ لِمِشَيِيلْ سَمَّاهْ مِشَاكْ وَ لِعَزَرْيَا سَمَّاهْ عَبْد الْنَغُو.

دَنْيال 1:17

وَ الرَّبّ أَنْطَاهُمْ لِلصُّبْيَانْ الْأَرْبَعَةْ دَوْل مَعْرَفَةْ وَ عَقُلْ فِي كُلَّ الْكُتُبْ وَ الْحِكْمَةْ. وَ دَنْيَالْ يَعَرِفْ يِفَسِّرْ الرُّؤْيَةْ وَ الْحِلِمْ كُلَ.

رُؤية 19:9

وَ الْمَلَكْ حَجَّى لَيِّ وَ قَالْ: «أَكْتِبْ: ‹عِرِسْ هَنَا الْحَمَلْ جَاءْ وَ مَبْرُوكْ لِكُلَّ الْمَعْزُومِينْ.›» وَ بَتَّانْ، حَجَّى لَيِّ وَ قَالْ: «صَحِيحْ، دَا كَلَامْ اللّٰهْ.»

دَنْيال 12:9

وَ هُو قَالْ لَيِّ: «يَا دَنْيَالْ، الْكَلَامْ دَا خَلِّيهْ أَشَانْ هُو سِرّ وَ مَخْتُومْ مَا يَفْتَحَوْه لَحَدِّي الْوَكِتْ الْأَخِيرْ.

دَنْيال 12:4

«وَ لَاكِنْ إِنْتَ، يَا دَنْيَالْ، الْكَلَامْ دَا سِرّ، أَحْفَضَهْ. وَ خُطّ فِي الْكِتَابْ دَا خِتِمْ أَشَانْ مَا يَفْتَحَوْه أَبَداً لَحَدِّي الْوَكِتْ الْأَخِيرْ يِتِمّ. وَ أَشَانْ دَا، نَاسْ كَتِيرِينْ يِفَتُّشُوهْ جَايْ وَ جَايْ لِيِزِيدُوا مَعْرَفَتْهُمْ.»

دَنْيال 10:14

وَ هَسَّعْ، جِيتْ نِفَسِّرْ لَيْك الشَّيّءْ الْيُكُونْ لِشَعَبَكْ بَعَدَيْن أَشَانْ الرُّؤْيَةْ دِي تُخُصّ آخِرْ الْوَكِتْ.»

دَنْيال 5:17

وَ دَنْيَالْ رَدَّ لِلْمَلِكْ وَ قَالْ: «خَلِّي هَدَايَاكْ يَقْعُدُوا لَيْك إِنْتَ. وَ كَنْ تَنْطِي، أَنْطِي الْآخَرِينْ. وَ لَاكِنْ أَنَا كَمَانْ نَقْرِي الْكِتَابَة دِي وَ نِفَسِّرْهَا لَيْك.

دَنْيال 2:21

هُو يِغَيِّرْ الْوَكِتْ وَ الزَّمَنْ وَ يِدَلِّي مُلُوكْ وَ يِرَكِّبْ مُلُوكْ. وَ هُو يِزِيدْ حِكْمَةْ لِلْحَكِيمِينْ وَ مَعْرَفَةْ لِلْعَارِفِينْ.

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»

عَزْرا 6:14

وَ الْأَنْبِيَاء زَكَرِيَّا الْمِنْ ذُرِّيَّةْ عِدُّو وَ حَقَّاي قَاعِدِينْ يِشَجُّعُوا شُيُوخْ الْيَهُودْ الْقَاعِدِينْ يَبْنُوا بَيْت اللّٰهْ. وَ خِدْمِتْهُمْ مَاشَةْ عَدِيلْ. وَ كَمَّلَوْا بُنَى الْبَيْت حَسَبْ قَرَارْ اللّٰهْ إِلٰـهْ بَنِي إِسْرَائِيلْ وَ حَسَبْ قَرَارْ مُلُوكْ بَلَدْ فَارِسْ الْهُمَّنْ كُورَشْ وَ دَارِيُوسْ وَ أَرْتَحَشْتَا.

عَزْرا 6:3

فِي السَّنَةْ الْأَوَّلْ هَنَا مُلْكَهْ، الْمَلِكْ كُورَشْ مَرَقْ قَرَارْ وَ قَالْ: بَيْت اللّٰهْ الْفِي مَدِينَةْ الْقُدُسْ وَاجِبْ يِنْبَنِي فِي أَسَاسَهْ الْأَوَّلْ أَشَانْ يِقَدُّمُوا فَوْقَهْ ضَحَايَا. وَ طُولَهْ الْفَوْق يَبْقَى 60 دُرَاعْ وَ عُرْضَهْ كُلَ 60 دُرَاعْ.

عَزْرا 4:5

وَ بَتَّانْ أَجَّرَوْا مُسْتَشَارِينْ ضِدُّهُمْ أَشَانْ يِفَشُّلُوا بَرْنَامِجْهُمْ هَنَا الْبُنَى. وَ دَا مِنْ وَكِتْ حُكُمْ كُورَشْ مَلِكْ بَلَدْ فَارِسْ لَحَدِّي وَكِتْ حُكُمْ دَارِيُوسْ مَلِكْ بَلَدْ فَارِسْ.

عَزْرا 4:3

وَ لَاكِنْ زَرُبَابِلْ وَ يَشُوعْ وَ كُبَارَاتْ آخَرِينْ هَنَا عَايِلَاتْ بَنِي إِسْرَائِيلْ رَدَّوْا لَيْهُمْ وَ قَالَوْا: «أَبَداً مَا تِشَارُكُوا مَعَانَا فِي بُنَى بَيْت إِلٰـهْنَا. أَنِحْنَ وِحَيْدنَا بَسْ نَبْنُوا بَيْت لِلّٰهْ إِلٰـهْ بَنِي إِسْرَائِيلْ مِثِلْ كُورَشْ مَلِكْ بَلَدْ فَارِسْ أَمَرَانَا.»

2 أخبار 36:22

وَ فِي السَّنَةْ الْأَوَّلْ هَنَا حُكُمْ كُورَشْ مَلِكْ بَلَدْ فَارِسْ، اللّٰهْ قَمَّ لِيِحَقِّقْ كَلَامَهْ الْأَوَّلْ قَالَهْ بِخَشُمْ النَّبِي إِرْمِيَا. وَ اللّٰهْ أَنْطَى فِكِرْ لِكُورَشْ مَلِكْ بَلَدْ فَارِسْ. وَ بَيْدَا، كُورَشْ قَرَّرْ فِي كُلَّ مَمْلَكَتَهْ وَ كَتَبْ مَكْتُوبْ وَ قَالْ:

تكوين 41:32

وَ حِلْمَكْ بِقِي إِتْنَيْن دَا أَشَانْ الرَّبّ شَالْ قَرَارْ كَدَرْ الشَّيّءْ دَا قَرِيبْ يُكُونْ.

لُوقا 1:20

وَ هَسَّعْ، إِنْتَ تَبْقَى أَبْكَمْ وَ مَا تِحَجِّي لَحَدِّي كُلَّ شَيّءْ الْقُلْتَهْ لَيْك يِتِمّ. أَشَانْ إِنْتَ مَا صَدَّقْت بِكَلَامِي الْأَكِيدْ يَبْقَى فِي وَكْتَهْ.»

دَنْيال 11:2

وَ بَتَّانْ هُو قَالْ لِدَنْيَالْ: «هَسَّعْ دَا، دَاهُو كَلَامْ الْحَقّ. فِي مَمْلَكَةْ الْفَارِسِيِّينْ، تَلَاتَةْ مُلُوكْ يِتَّابَعَوْا وَ الرَّابِعْ الْيَجِي بَعَدْهُمْ يَبْقَى غَنِيْ زِيَادَةْ مِنْهُمْ. وَ بِقُدْرَةْ مَالَهْ، هُو يُقُمّ ضِدّ مَمْلَكَةْ الْيُونَانْ.

دَنْيال 8:16

وَ سِمِعْت حِسّ إِنْسَانْ يِنَادِي مِنْ عَلَيْ الْبَحَرْ أُولَايْ وَ قَالْ لِلنَّادُمْ الْوَاقِفْ قِدَّامِي دَا: «يَا جِبْرِيلْ، فَسِّرْ الرُّؤْيَةْ دِي لِلرَّاجِلْ دَا.»

دَنْيال 5:12

وَ الرَّاجِلْ دَا أُسْمَهْ دَنْيَالْ وَ الْمَلِكْ سَمَّاهْ بَلْطَشَاصَرْ. وَ هُو عِنْدَهْ عَقُلْ كَبِيرْ وَ مَعْرَفَةْ وَ فِهِمْ الْبَيْهُمْ يِفَسِّرْ الْحِلِمْ وَ يَعَرِفْ الْحِجَيْ الْعِنْدَهْ مَعَنَى قَوِي وَ يِحِلّ الْمَشَاكِلْ الْقَاسِيِينْ. هَسَّعْ دَا، نَادِي دَنْيَالْ وَ هُو يِفَسِّرْ لَيْك الْكِتَابَة دِي.»

دَنْيال 4:8

وَ فِي الأَخِيرْ، جَاءْ قِدَّامِي دَنْيَالْ السَّمَّوْه بَلْطَشَاصَرْ حَسَبْ أُسُمْ إِلٰـهِي. وَ هُو، رُوحْ الْإِلٰـهَاتْ الْقُدُّوسِينْ قَاعِدَةْ فَوْقَهْ. وَ أَنَا حَجَّيْت لَيَّهْ بِالْحِلِمْ وَ قُلْت لَيَّهْ:

عَزْرا 3:7

وَ أَنْطَوْا فُضَّةْ لِلنَّاسْ الْقَطَعَوْا حُجَارْ الْبُنَى وَ لِلْخَشَّابِينْ. وَ رَسَّلَوْا مَعَاشْ وَ شَرَابْ وَ دِهِنْ لِنَاسْ مُدُنْ صَيْدَا وَ صُورْ أَشَانْ يِجِيبُوا لَيْهُمْ خَشَبْ هَنَا شَدَرْ الْأَرْز مِنْ بَلَدْ لُبْنَانْ وَ يِوَدُّوهْ بِالْبَحَرْ لَحَدِّي حِلَّةْ يَافَا. وَ دَا كُلَّ سَوَّوْه بِإِذِنْ كُورَشْ مَلِكْ بَلَدْ فَارِسْ.