دَنْيال 1:2 - الكتاب المقدس بالعربي الدارجي هنا تشاد

² وَ الرَّبّ سَلَّمْ يَهُويَقِمْ مَلِكْ يَهُوذَا فِي إِيدَيْن نَبُوخَدْنَصَرْ. وَ نَبُوخَدْنَصَرْ كَرَبْ الْمَلِكْ وَ شَالْ مِنْ الْمَوَاعِينْ الْقَاعِدِينْ فِي بَيْت اللّٰهْ وَ وَدَّاهُمْ فِي بَابِلْ فِي بَيْت إِلٰـهَاتَهْ. وَ خَطَّ الْمَوَاعِينْ دَوْل فِي الْمَخَزَنْ هَنَا بَيْت إِلٰـهَاتَهْ.

دَنْيال 1:2 Referenca të Kryqëzuara

2 أخبار 36:7

وَ نَبُوخَدْنَصَرْ وَدَّى فِي بَابِلْ مُعِدَّاتْ وَاحِدِينْ مِنْ بَيْت اللّٰهْ وَ خَطَّاهُمْ فِي قَصْرَهْ فِي بَابِلْ.

زَكَرِيَّا 5:11

وَ هُو قَالْ لَيِّ: «يِوَدَّنْهَا فِي بَلَدْ بَابِلْ الْفَسْلَةْ لِيَبْنُوا لَيْهَا بَيْت الْعِبَادَةْ. وَ هِنَاكْ يِسَوُّوا لَيْهَا أَسَاسْ وَ يُخُطُّوهَا فَوْقَهْ.»

قُضياء 4:2

وَ اللّٰهْ سَلَّمَاهُمْ لِيَابِينْ مَلِكْ كَنْعَانْ الْحَاكِمْ فِي مَدِينَةْ حَاصُورْ. وَ قَايِدْ دَيْشَهْ أُسْمَهْ سِيسْرَا وَ سِيسْرَا دَا سَاكِنْ فِي حَرُوشَةْ قُويِمْ.

قُضياء 3:8

وَ اللّٰهْ غِضِبْ غَضَبْ شَدِيدْ ضِدّ بَنِي إِسْرَائِيلْ وَ سَلَّمَاهُمْ لِكُوشَنْ رِشَعْتَايِمْ مَلِكْ أَرَامْ بَيْن الْنَّهْرَيْن. وَ بَنِي إِسْرَائِيلْ خَدَمَوْا عَبِيدْ لِكُوشَنْ رِشَعْتَايِمْ لِمُدَّةْ تَمَانَةْ سَنَةْ.

قُضياء 2:14

وَ غَضَبْ اللّٰهْ نَزَلْ فِي بَنِي إِسْرَائِيلْ وَ هُو سَلَّمَاهُمْ لِلنَّهَّابِينْ وَ نَهَبَوْهُمْ. هُو سَلَّمَاهُمْ لِعُدْوَانْهُمْ الْمُجَاوِرِينْهُمْ وَ مَا قِدْرَوْا يَقِيفُوا قِدَّامْهُمْ.

تَثْنِية 32:30

كِكَّيْف رَاجِلْ وَاحِدْ يَطْرُدْ أَلِفْ نَاسْ وَ رُجَالْ إِتْنَيْن يَطُرْدُوا عَشَرَةْ أَلِفْ كَنْ اللّٰهْ بَسْ مَا سَلَّمَاهُمْ وَ مَلْجَئْهُمْ مَا بَاعَاهُمْ؟

تكوين 11:2

وَ النَّاسْ حَوَّلَوْا مِنْ صَبَاحْ وَ لِقَوْا سَهَلَةْ وَسِيعَةْ فِي بَلَدْ شِنْعَارْ وَ سَكَنَوْا فَوْقهَا.

تكوين 10:10

وَ هُو بَدَا يَمْلُكْ مِنْ مَدِينَةْ بَابِلْ وَ أَرَكْ وَ أَكَّدْ وَ كَلْنَةْ فِي تُرَابْ شِنْعَارْ.

حَبَقُوق 1:16

وَ فِي شَانْ دَا، هُو دَبَحْ ضَحِيَّةْ لِشَرَكَهْ وَ حَرَّقْ بَخُورْ لِشَبَكَتَهْ. أَشَانْ بَيْهُمْ بَسْ، هُو كَبَّرْ قِسْمَهْ وَ كَتَّرْ مَعَاشَهْ.

دَنْيال 5:18

يَا الْمَلِكْ، اللّٰهْ الْعَالِي أَنْطَى أَبُوكْ نَبُوخَدْنَصَرْ مُلُكْ وَ عَظَمَةْ وَ شَرَفْ وَ مَجْد.

إرْمِيا 51:44

وَ اللّٰهْ قَالْ: «أَنَا نُقُمّ ضِدّ صَنَمْ بِيلْ فِي بَابِلْ وَ نَمْرُقْ اللُّقْمَةْ مِنْ خَشْمَهْ. وَ بَتَّانْ الْأُمَمْ مَا يَمْشُوا لَيَّهْ وَ دُرْدُرْ بَابِلْ يَقَعْ.

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

عَزْرا 1:7

وَ مُعِدَّاتْ بَيْت اللّٰهْ الْأَوَّلْ شَالَاهُمْ الْمَلِكْ نَبُوخَدْنَصَرْ مِنْ مَدِينَةْ الْقُدُسْ وَ جَابَاهُمْ، دَوْل قَاعِدِينْ فِي بَيْت إِلٰـهَاتَهْ. وَ الْمُعِدَّاتْ دَوْل كُورَشْ مَلِكْ بَلَدْ فَارِسْ أَنْطَى إِذِنْ لِمِتْرَدَاتْ مَسْؤُولْ الْمَخَازِنْ أَشَانْ يَمْرُقْهُمْ وَ يَحْسِبْهُمْ وَ يَنْطِيهُمْ لِشِشْبَصَرْ حَاكِمْ بَلَدْ يَهُوذَا.

1 صَمُوِيل 5:2

وَ جَابَوْه فِي بَيْت الْعِبَادَةْ هَنَا صَنَمْهُمْ دَقُون وَ خَطَّوْا صَنْدُوقْ الرَّبّ جَنْب الصَّنَمْ دَا.

إشَعْيا 42:24

يَاتُو السَّلَّمْ ذُرِّيَّةْ يَعْقُوبْ لِلنَّهَّابِينْ وَ بَنِي إِسْرَائِيلْ لِلْكَسَبَوْهُمْ؟ دَا مَا اللّٰهْ، الْأَنِحْنَ أَذْنَبْنَا ضِدَّهْ؟ وَ أَبَيْنَا مَا تَابَعْنَا دَرْبَهْ وَ مَا سِمِعْنَا شُرُوطَهْ هَنَا التَّوْرَاةْ.

2 مُلوك 24:1

وَ وَكِتْ يَهُويَقِمْ قَاعِدْ يَحْكِمْ، نَبُوخَدْنَصَرْ مَلِكْ بَابِلْ شَالْ مَمْلَكَةْ يَهُوذَا. وَ يَهُويَقِمْ قَعَدْ تِحِتْ حُكْمَهْ مُدَّةْ تَلَاتَةْ سَنَةْ وَ بَعَدْ دَا، أَتْمَرَّدْ ضِدَّهْ.

إرْمِيا 25:1

وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، اللّٰهْ حَجَّى لِإِرْمِيَا كَلَامْ بُخُصّ كُلَّ شَعَبْ يَهُوذَا. وَ دَا فِي أَوَّلْ سَنَةْ هَنَا حُكُمْ نَبُوخَدْنَصَرْ مَلِكْ بَابِلْ.

إرْمِيا 27:16

وَ أَنَا إِرْمِيَا قُلْت لِرُجَالْ الدِّينْ وَ لِكُلَّ الشَّعَبْ دَوْل: «دَاهُو اللّٰهْ قَالْ: ‹مَا تَسْمَعَوْا كَلَامْ الْأَنْبِيَاء الْيِتْنَبَّأَوْا وَ يُقُولُوا: ”مُعِدَّاتْ بَيْت اللّٰهْ الْأَوَّلْ نَهَبْهُمْ مَلِكْ بَابِلْ قَرِيبْ بَسْ يِقَبُّلُوهُمْ مِنْ بَلَدْ بَابِلْ.“ وَ كَنْ الْأَنْبِيَاء دَوْل أَتْنَبَّأَوْا لَيْكُو بِالْكَلَامْ دَا كُلَ، هُو كِدِبْ.

إرْمِيا 28:3

وَ بَعَدْ سَنْتَيْن، أَنَا نِقَبِّلْ كُلَّ مُعِدَّاتْ بَيْت اللّٰهْ الشَّالَاهُمْ نَبُوخَدْنَصَرْ مَلِكْ بَابِلْ وَ وَدَّاهُمْ فِي بَابِلْ وَ نِجِيبْهُمْ فِي الْبَكَانْ دَا.

إرْمِيا 35:11

وَ إِلَّا وَكِتْ نَبُوخَدْنَصَرْ مَلِكْ بَابِلْ قَمَّ هَجَمْ الْبَلَدْ دِي، أَنِحْنَ قُلْنَا نِسِيرُوا نِعَرُّدُوا مِنْ دَيْش الْبَابِلِيِّينْ وَ دَيْش أَرَامْ وَ نَجُوا وَ نَنْزُلُوا هِنِي فِي مَدِينَةْ الْقُدُسْ. وَ دَا بَسْ السَّبَبْ الْجَابَانَا وَ سَكَّنَانَا فِي مَدِينَةْ الْقُدُسْ.»

إرْمِيا 50:2

«بَلُّغُوا فِي أُسْط الْأُمَمْ! خَبُّرُوا بَيَّهْ وَ أَرْفَعَوْا الْعَلَامَةْ. خَبُّرُوا بَيَّهْ وَ مَا تِلَبُّدُوا شَيّءْ. وَ قُولُوا: ‹بَابِلْ وَقَعَتْ. وَ إِلٰـهُّمْ بِيلْ عَيَّبَوْه وَ إِلٰـهُّمْ مَرْدُوكْ كَسَّرَوْه. وَ أَصْنَامْهُمْ عَيَّبَوْهُمْ وَ إِلٰـهَاتْهُمْ كَسَّرَوْهُمْ.›

دَنْيال 5:13

وَ خَلَاصْ، جَابَوْا دَنْيَالْ قِدَّامْ الْمَلِكْ وَ الْمَلِكْ سَأَلَهْ وَ قَالْ: «إِنْتَ بَسْ دَنْيَالْ وَلَّا؟ إِنْتَ مِنْ النَّاسْ الْأَبُويِ كَرَبَاهُمْ وَ جَابَاهُمْ مِنْ بَلَدْ يَهُوذَا؟

2 أخبار 36:5

وَ يَهُويَقِمْ عِنْدَهْ 25 سَنَةْ وَكِتْ بِقِي مَلِكْ وَ حَكَمْ 11 سَنَةْ فِي مَدِينَةْ الْقُدُسْ. وَ هُو سَوَّى الْفَسَالَةْ قِدَّامْ اللّٰهْ إِلٰـهَهْ.