كُلُوسِي 1:2 - الكتاب المقدس بالعربي الدارجي هنا تشاد

² لَيْكُو إِنْتُو أَخْوَانَّا فِي الْمَسِيحْ الصَّالِحِينْ وَ أَمِينِينْ السَّاكْنِينْ فِي حِلَّةْ كُلُوسِي. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا.

كُلُوسِي 1:2 Referenca të Kryqëzuara

2 بُطْرُس 1:2

عَلَيْكُمْ السَّلَامْ وَ الرَّحْمَةْ بِكَتَرَةْ بِسَبَبْ عِرْفِتْكُو لِلّٰهْ وَ رَبِّنَا عِيسَى.

أفَسُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ نَكْتِبْ لَيْكُو إِنْتُو الصَّالِحِينْ الْفِي حِلَّةْ أَفَسُسْ الثَّابْتِينْ فِي إِيمَانْكُو بِالْمَسِيحْ عِيسَى.

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

1 كُرُنْتُس 1:2

وَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ، إِنْتُو الْاللّٰهْ خَصَّصَاكُو بِعَلَاقِتْكُو مَعَ الْمَسِيحْ عِيسَى. اللّٰهْ نَادَاكُو فِي دَرْبَهْ أَشَانْ تَبْقَوْا خَاصِّينْ سَوَا مَعَ كُلَّ النَّاسْ الْيَدْعُوا فِي أَيِّ بَكَانْ بِأُسُمْ رَبِّنَا عِيسَى الْمَسِيحْ وَ هُو رَبُّهُمْ وَ رَبِّنَا.

رُؤية 1:4

وَ دَاهُو أَنَا يُوحَنَّا نَكْتِبْ وَ نِرَسِّلْ الْكَلَامْ دَا لِجَمَاعَاتْ الْمُؤمِنِينْ السَّبْعَةْ الْفِي بَلَدْ آسِيَا. عَلَيْكُمْ السَّلَامْ وَ الرَّحْمَةْ مِنْ اللّٰهْ الْقَاعِدْ فِي الْوَكِتْ الْفَاتْ وَ الْوَكِتْ الْحَاضِرْ وَ الْوَكِتْ الْجَايِ. وَ السَّلَامْ مِنْ الْأَرْوَاحْ السَّبْعَةْ الْقَاعِدِينْ قِدَّامْ عَرْشَهْ

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

غَلاطِية 1:3

عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ

أفَسُس 6:21

وَ خَلَاصْ، أَخُونَا تِشِيكُسْ يِأَوْرِيكُو بِكُلَّ خَبَرِي. هُو أَخُونَا النِّحِبُّوهْ وَ يَخْدِمْ لِرَبِّنَا بِأَمَانْ.

زَبُور 16:3

الصَّالِحِينْ الْقَاعِدِينْ فِي الْبَلَدْ، هُمَّنْ دَوْل قَوِيِّينْ وَ أَنَا نَفْرَحْ بَيْهُمْ زِيَادَةْ.

يَهُوذَا 1:2

عَلَيْكُمْ السَّلَامْ وَ الرَّحْمَةْ وَ الْمَحَبَّةْ بِكَتَرَةْ.

غَلاطِية 3:9

وَ بِمِثِلْ دَا، النَّاسْ الْكَرَبَوْا الْإِيمَانْ، هُمَّنْ يَلْقَوْا بَرَكَةْ مَعَ إِبْرَاهِيمْ الْمُؤمِنْ.

1 كُرُنْتُس 4:17

وَ فِي شَانْ دَا بَسْ، أَنَا رَسَّلْت لَيْكُو تِمُوتَاوُسْ الْبِقِي لَيِّ وِلَيْدِي مَحْبُوبْ وَ أَمِينْ فِي الرَّبّ. هُو يِذَكِّرْكُو بِحَيَاتِي فِي دَرِبْ عِيسَى الْمَسِيحْ وَ دِي بَسْ الْحَيَاةْ النِّعَلِّمْهَا لِأُمَّةْ الْمَسِيحْ فِي أَيِّ بَكَانْ.

أعمال الرُسُل 9:13

وَ حَنَانِيَّا رَدَّ لَيَّهْ وَ قَالْ: «يَا رَبِّنَا، سِمِعْت خَبَرْ مِنْ نَاسْ كَتِيرِينْ يُقُولُوا الرَّاجِلْ دَا سَوَّى عَمَلْ شَيْن فِي نَاسَكْ الصَّالِحِينْ فِي مَدِينَةْ الْقُدُسْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.