كُلُوسِي 1:1 - الكتاب المقدس بالعربي الدارجي هنا تشاد

¹ جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ وَ دَاهُو نَكْتِبْ مَعَ أَخُونَا تِمُوتَاوُسْ

كُلُوسِي 1:1 Referenca të Kryqëzuara

2 كُرُنْتُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ دَاهُو نَكْتِبْ لَيْكُو مَعَ أَخُونَا تِمُوتَاوُسْ. وَ أَنِحْنَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ وَ لِكُلَّ الصَّالِحِينْ الْقَاعِدِينْ فِي أَيِّ بَكَانْ فِي بَلَدْ أَخَايَةْ.

فِلِمُون 1:1

جَوَابْ مِنِّي أَنَا بُولُسْ الْمَسْجُونْ فِي شَانْ الْمَسِيحْ عِيسَى وَ مِنْ أَخُونَا تِمُوتَاوُسْ. وَ نَكْتِبْ لَيْك إِنْتَ، يَا حَبِيبْنَا وَ رَفِيقْنَا فِي الْخِدْمَةْ فِلِمُونْ

1 كُرُنْتُس 1:1

جَوَابْ مِنِّي أَنَا بُولُسْ الْاللّٰهْ نَادَانِي أَشَانْ نَبْقَى بِإِذْنَهْ رَسُولْ هَنَا عِيسَى الْمَسِيحْ. وَ دَاهُو نَكْتِبْ لَيْكُو مَعَ أَخُونَا سُوسْتَانْ.

1 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، إِنْتُو شَعَبْ اللّٰهْ أَبُونَا وَ رَبِّنَا عِيسَى الْمَسِيحْ. عَلَيْكُمْ السَّلَامْ وَ الرَّحْمَةْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

1 تَسَلونِيكِي 3:2

وَ رَسَّلْنَا لَيْكُو أَخُونَا تِمُوتَاوُسْ الْيَخْدِمْ مَعَانَا سَوَا لِلّٰهْ فِي بَلِّغِينْ بِشَارَةْ الْمَسِيحْ. وَ رَسَّلْنَاهْ لِيِشَجِّعْكُو وَ يِقَوِّي إِيمَانْكُو

2 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، شَعَبْ هَنَا اللّٰهْ أَبُونَا وَ رَبِّنَا عِيسَى الْمَسِيحْ.

أفَسُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ نَكْتِبْ لَيْكُو إِنْتُو الصَّالِحِينْ الْفِي حِلَّةْ أَفَسُسْ الثَّابْتِينْ فِي إِيمَانْكُو بِالْمَسِيحْ عِيسَى.

أعمال الرُسُل 16:1

وَ بُولُسْ مَشَى قِدَّامْ لِحِلَّةْ دَرْبَةْ. وَ بَعَدَيْن جَاءْ فِي حِلَّةْ لِسْتَرَةْ. وَ فِي لِسْتَرَةْ، تِلْمِيذْ وَاحِدْ قَاعِدْ أُسْمَهْ تِمُوتَاوُسْ. أَمَّهْ يَهُودِيَّةْ مُؤمِنَةْ بِالْمَسِيحْ وَ أَبُوهْ يُونَانِي.

عِبْرَانِيِّين 13:23

نِدَوْر إِنْتُو تَعَرْفُوا كَدَرْ أَخُونَا تِمُوتَاوُسْ طَلَقَوْه مِنْ السِّجِنْ وَ كَنْ هُو يَجِي لَيِّ عَجَلَةْ، نَمْشُوا لَيْكُو مَعَايَهْ وَ نِشِيفُوكُو.