أعمال الرُسُل 8:3 - الكتاب المقدس بالعربي الدارجي هنا تشاد

³ وَ لَاكِنْ شَاوُولْ دَوَّرْ يِدَمِّرْ أُمَّةْ الْمَسِيحْ مَرَّةْ وَاحِدْ وَ قَمَّ أَنْدَسَّ بَيْت لِبَيْت أَشَانْ يَكْرُبْ رُجَالْ وَ عَوِينْ وَ يِدِسُّهُمْ فِي السِّجِنْ.

أعمال الرُسُل 8:3 Referenca të Kryqëzuara

1 تِمُوتَاوُس 1:13

وَ دَا عَجِيبْ، أَشَانْ أَوَّلْ أَنَا كَافِرْ بَيَّهْ وَ قَاعِدْ نِتَعِّبْ نَاسَهْ وَ أَنَا قَدُّومِي مُرّ مَرَّةْ وَاحِدْ. لَاكِنْ الرَّبّ رَحَمَانِي أَشَانْ سَوَّيْت الذُّنُوبْ دَوْل وَكِتْ لِسَّاعْنِي مَا عِرِفْت الْحَقّ وَ مَا عِنْدِي إِيمَانْ.

فِلِبِّي 3:6

وَ أَنَا بِقِيتْ مُنْكَرِبْ بِلْحَيْن فِي دِينِي الْيَهُودِي لَحَدِّي حَاوَلْت نِدَمِّرْ أُمَّةْ الْمَسِيحْ. وَ حَسَبْ كَلَامْهُمْ فِي شُرُوطْ التَّوْرَاةْ، أَنَا بِقِيتْ نَادُمْ صَالِحْ وَ مَا عِنْدِي عَيْب.

غَلاطِية 1:13

أَكِيدْ تَعَرْفُوا حَالِي وَكِتْ أَنَا لِسَّاعْ نِتَابِعْ دِينْ الْيَهُودْ. سِمِعْتُوا أَنَا تَعَّبْت بِشِدَّةْ نَاسْ اللّٰهْ أُمَّةْ الْمَسِيحْ وَ دَوَّرْت نِدَمِّرْهُمْ مَرَّةْ وَاحِدْ.

1 كُرُنْتُس 15:9

وَ مِنْ كُلَّ الرُّسُلْ، أَنَا بَسْ صَغَيَّرْ مَرَّةْ وَاحِدْ لَحَدِّي مَا وَاجِبْ يِنَادُونِي رَسُولْ كُلَ أَشَانْ أَوَّلْ أَنَا تَعَّبْت نَاسْ اللّٰهْ أُمَّةْ الْمَسِيحْ.

أعمال الرُسُل 22:19

وَ قُلْت: ‹يَا رَبِّي، هُمَّنْ يَعَرْفُوا أَنَا قَمَّيْت مَشَيْت فِي كُلَّ بُيُوتْ الصَّلَاةْ وَ كَرَبْت فِي السِّجِنْ النَّاسْ الْمُؤمِنِينْ بَيْك وَ جَلَدْتُهُمْ.

أعمال الرُسُل 9:21

وَ كُلَّ النَّاسْ السِّمْعَوْا كَلَامَهْ أَلْعَجَّبَوْا مَرَّةْ وَاحِدْ وَ قَالَوْا: «دَا بَسْ النَّادُمْ الْقَمَّ فِي مَدِينَةْ الْقُدُسْ وَ تَعَّبْ النَّاسْ الْيَدْعُوا بِأُسُمْ عِيسَى. وَ دَاهُو جَاءْ هِنِي أَشَانْ يَكْرُبْهُمْ وَ يِوَدِّيهُمْ فِي بَكَانْ كُبَارَاتْ رُجَالْ الدِّينْ.»

أعمال الرُسُل 7:58

وَ مَرَقَوْه بَرَّا مِنْ الْمَدِينَةْ وَ قَمَّوْا يَرْجُمُوهْ. وَ الشُّهُودْ الْقَاعِدِينْ يَرْجُمُوهْ سَلَّوْا خُلْقَانْهُمْ الْبَرَّانِيِّينْ وَ خَلَّوْهُمْ مَعَ صَبِي أُسْمَهْ شَاوُولْ لِيَحْرِسْهُمْ.

يَعْقُوب 2:6

لَاكِنْ إِنْتُو حَقَرْتُوا الْمِسْكِينْ دَا. يَاتُمَّنْ الْيَظُلْمُوكُو؟ يَاتُمَّنْ الْيَكُرْبُوكُو وَ يَتْهَمَوْكُو قِدَّامْ الشَّرِيعَةْ؟ مَا سِيَادْ الْمَالْ وَلَّا؟

أعمال الرُسُل 8:2

وَ رُجَالْ تَقِيِّينْ شَالَوْا إِسْتِفَانْ وَ دَفَنَوْه. وَ حِزْنَوْا لَيَّهْ كَتِيرْ وَ فَرَشَوْا لَيَّهْ.

أعمال الرُسُل 16:19

وَ وَكِتْ سِيَادْهَا شَافَوْا الْقُرُسْ الْيَلْقَوْه مِنْهَا أَنْقَطَعْ، كَرَبَوْهُمْ لِبُولُسْ وَ سِيلَا وَ كَرَّوْهُمْ فِي أُسْط الْحِلَّةْ فِي بَكَانْ الْمَلَمَّةْ، قِدَّامْ الْكُبَارَاتْ.