أعمال الرُسُل 8:2 - الكتاب المقدس بالعربي الدارجي هنا تشاد

² وَ رُجَالْ تَقِيِّينْ شَالَوْا إِسْتِفَانْ وَ دَفَنَوْه. وَ حِزْنَوْا لَيَّهْ كَتِيرْ وَ فَرَشَوْا لَيَّهْ.

أعمال الرُسُل 8:2 Referenca të Kryqëzuara

أعمال الرُسُل 10:2

هُو نَادُمْ تَقِي وَ هُو وَ كُلَّ نَاسْ بَيْتَهْ خَايْفِينْ مِنْ اللّٰهْ. هُو يَنْطِي صَدَقَةْ كَتِيرْ لِلْمَسَاكِينْ وَ دَايْماً قَاعِدْ يَسْأَلْ اللّٰهْ.

أعمال الرُسُل 2:5

وَ فِي الْوَكِتْ دَا، مَدِينَةْ الْقُدُسْ مَلَانَةْ بِيَهُودْ تَقِيِّينْ الْجَوْا مِنْ كُلَّ بُلْدَانْ الدُّنْيَا.

لُوقا 2:25

وَ فِيَّهْ رَاجِلْ وَاحِدْ فِي مَدِينَةْ الْقُدُسْ أُسْمَهْ سَمْعَانْ وَ هُو نَادُمْ صَالِحْ وَ تَقِي. وَ هُو قَاعِدْ يَرْجَى بِعَشَمْ السَّلَامْ الْيِرَسِّلَهْ اللّٰهْ لِبَنِي إِسْرَائِيلْ. وَ الرُّوحْ الْقُدُّوسْ قَاعِدْ فَوْقَهْ.

إرْمِيا 22:18

وَ فِي شَانْ دَا، دَاهُو اللّٰهْ حَجَّى كَلَامْ الْبُخُصّ يَهُويَقِمْ وِلَيْد يُوشِيَّا مَلِكْ يَهُوذَا. هُو قَالْ: «وَكِتْ يُمُوتْ، مَا يُنُوحُوا لَيَّهْ وَ يُقُولُوا: ‹كَلَوَاةْ، يَا أَخُويِ، كَلَوَاةْ، يَا أَخْتِي.› وَ بَتَّانْ، مَا يُنُوحُوا لَيَّهْ وَ يُقُولُوا: ‹يَا خَسَارَةْ سِيدِي، يَا خَسَارَةْ الْمَلِكْ الْعَظِيمْ.›

إرْمِيا 22:10

يَا نَاسْ يَهُوذَا، مَا تَبْكُوا لِلْمَلِكْ يُوشِيَّا الْمَاتْ وَ مَا تَحْزَنَوْا لَيَّهْ كُلَ. وَ لَاكِنْ أَبْكُوا، أَبْكُوا زِيَادَةْ لِلْمَلِكْ يَحَازْ وِلَيْد يُوشِيَّا أَشَانْ هُو بَتَّانْ مَا يِقَبِّلْ فِي الْأَرْض الْوِلْدَوْه فَوْقهَا.

2 أخبار 35:25

وَ النَّبِي إِرْمِيَا كَتَبْ غِنَيْ هَنَا حِزِنْ لِيُوشِيَّا. وَ مِنْ الْوَكِتْ دَا، الْغَنَّايِينْ وَ الْغَنَّايَاتْ يِغَنُّوا بِيُوشِيَّا فِي غِنَيْهُمْ لَحَدِّي الْيَوْم. وَ الْغِنَيْ دَا بِقِي عَادَةْ فِي إِسْرَائِيلْ وَ مَكْتُوبْ فِي كِتَابْ النُّوَاحْ.

2 أخبار 32:33

وَ حِزْقِيَّا مَاتْ وَ لِحِقْ أَبَّهَاتَهْ وَ دَفَنَوْه قَرِيبْ لِلدَّرِبْ الطَّالِعْ عَلَيْ قُبُورْ ذُرِّيَّةْ دَاوُدْ. وَ فِي مَوْتَهْ، كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ شَرَّفَوْه. وَ وِلَيْدَهْ مَنَسَّى حَكَمْ فِي بَدَلَهْ.

2 صَمُوِيل 3:31

وَ فِي الْبَكَانْ دَا، دَاوُدْ قَالْ لِيُوَابْ وَ لِكُلَّ النَّاسْ الْمَعَايَهْ: «شَرُّطُوا خُلْقَانْكُو وَ أَلْبَسَوْا خُلْقَانْ هَنَا شُوَالَاتْ لِتِوَصُّفُوا حِزِنْكُو لِأَبْنِيرْ.» وَ دَاوُدْ مَشَى وَرَاءْ الْجَنَازَةْ.

1 صَمُوِيل 28:3

وَ صَمُوِيلْ مَاتْ وَ دَفَنَوْه فِي حِلِّتَهْ الرَّامَةْ وَ كُلَّ بَنِي إِسْرَائِيلْ حِزْنَوْا لَيَّهْ. وَ بَعَدْ دَا، شَاوُولْ قَمَّ طَرَدْ كُلَّ النَّاسْ الْيِكَلُّمُوا مَعَ الْمَيْتِينْ وَ النَّاسْ الْيِحَجُّوا مَعَ الْجُنُونْ مِنْ بَلَدْ إِسْرَائِيلْ.

تَثْنِية 34:8

وَ بَنِي إِسْرَائِيلْ حِزْنَوْا لِمُوسَى لِمُدَّةْ 30 يَوْم فِي كَدَادَةْ مُوَابْ وَ بَعَدْ دَا، أَيَّامْ حِزِنْهُمْ كَمَّلَوْا.

عَدد 20:29

وَ وَكِتْ كُلَّ مُجْتَمَعْ بَنِي إِسْرَائِيلْ عِرْفَوْا كَدَرْ هَارُونْ مَاتْ خَلَاصْ، هُمَّنْ بَكَوْا وَ حِزْنَوْا لَيَّهْ لِمُدَّةْ 30 يَوْم.

تكوين 23:2

وَ مَاتَتْ فِي قَرْيَةْ أَرْبَعَةْ الْمَعْرُوفَةْ بِحِبْرُونْ، فِي بَلَدْ كَنْعَانْ. وَ إِبْرَاهِيمْ سَوَّى فُرَاشْ لِمَرْتَهْ وَ بَكَى لَيْهَا.

أعمال الرُسُل 8:1

وَ شَاوُولْ مُوَافِقْ بِكَتِلْ إِسْتِفَانْ. وَ فِي نَفْس الْيَوْم بَسْ، النَّاسْ قَمَّوْا يِتَعُّبُوا أُمَّةْ الْمَسِيحْ فِي مَدِينَةْ الْقُدُسْ تَعَبْ شَدِيدْ. وَ كُلَّ الْأَخْوَانْ جَرَوْا مِنْ الْمَدِينَةْ وَ شَتَّوْا فِي الْكَدَادَةْ هَنَا دَارْ الْيَهُودِيَّةْ وَ دَارْ السَّامِرَةْ. وَ إِلَّا الرُّسُلْ فَضَّلَوْا فِي الْمَدِينَةْ.

أعمال الرُسُل 8:3

وَ لَاكِنْ شَاوُولْ دَوَّرْ يِدَمِّرْ أُمَّةْ الْمَسِيحْ مَرَّةْ وَاحِدْ وَ قَمَّ أَنْدَسَّ بَيْت لِبَيْت أَشَانْ يَكْرُبْ رُجَالْ وَ عَوِينْ وَ يِدِسُّهُمْ فِي السِّجِنْ.

تكوين 50:9

وَ مَشَوْا مَعَ يُوسُفْ عَرَبَاتْ وَ سِيَادْ الْخَيْل وَ نَاسْ كَتِيرِينْ.

مَرْخُوس 6:29

وَ وَكِتْ تَلَامِيذ يَحْيَى سِمْعَوْا الْخَبَرْ دَا، هُمَّنْ جَوْا وَ شَالَوْا جَنَازْتَهْ وَ دَفَنَوْهَا.