أعمال الرُسُل 7:2 - الكتاب المقدس بالعربي الدارجي هنا تشاد

² وَ إِسْتِفَانْ رَدَّ لَيَّهْ وَ قَالْ: «يَا الْأَخْوَانْ وَ الْأَبَّهَاتْ، أَسْمَعَوْا كَلَامِي. اللّٰهْ الْمَجِيدْ بَانْ لِجِدِّنَا إِبْرَاهِيمْ وَكِتْ هُو قَاعِدْ فِي بَلَدْ بَيْن الْنَّهْرَيْن قُبَّالْ مَا مَشَى فِي حِلَّةْ حَارَانْ.

أعمال الرُسُل 7:2 Referenca të Kryqëzuara

تكوين 11:31

وَ فِي الْوَكِتْ دَا، تَارَحْ شَالْ مَعَايَهْ وِلَيْدَهْ أَبْرَامْ وَ لُوطْ وِلَيْد وِلَيْدَهْ هَرَّانْ وَ سَارَايْ مَرِةْ وِلَيْدَهْ أَبْرَامْ. وَ مَرَقَوْا سَوَا مِنْ أُورْ الْكَلْدَانِيِّينْ وَ مَشَوْا عَلَيْ دَارْ كَنْعَانْ. وَ وَصَّلَوْا فِي حِلَّةْ حَارَانْ الْقَاعِدَةْ فِي دَرِبْ كَنْعَانْ وَ سَكَنَوْا فَوْقهَا.

أعمال الرُسُل 22:1

وَ قَالْ: «يَا أَخْوَانِي، يَا أَبَّهَاتِي، أَسْمَعَوْا كَلَامِي. خَلِّي نِدَافِعْ لِنَفْسِي.»

زَبُور 29:3

حِسّ اللّٰهْ فِي رَاسْ الْأَلْمِي أَيْوَى، الرَّبّ الْمَجِيدْ دَقْدَقْ. اللّٰهْ يَحْكِمْ كُلَّ أَلْمِي الْبُحُورْ.

عِبْرَانِيِّين 1:3

وَ إِبْن اللّٰهْ هُو نُورْ اللّٰهْ الْمَجِيدْ وَ صُورَةْ طَبِيعْتَهْ وَ هُو يَحْفَضْ كُلَّ شَيّءْ بِقُدْرَةْ كَلَامَهْ. وَ وَكِتْ هُو طَهَّرْ النَّاسْ مِنْ ذُنُوبْهُمْ خَلَاصْ، هُو طَلَعْ فِي الْبَكَانْ الْعَالِي وَ قَاعِدْ جَنْب اللّٰهْ الْعَظِيمْ فِي نُصَّهْ الزَّيْنَايْ.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

نَحَمْيا 9:7

«إِنْتَ اللّٰهْ الرَّبّ الْعَزَلْت أَبْرَامْ وَ مَرَقْتَهْ مِنْ مَدِينَةْ أُورْ الْكَلْدَانِيِّينْ وَ سَمَّيْتَهْ إِبْرَاهِيمْ.

تكوين 15:7

وَ قَالْ لَيَّهْ: «أَنَا اللّٰهْ الْمَرَقْتَكْ مِنْ أُورْ حِلَّةْ الْكَلْدَانِيِّينْ لِنَنْطِيكْ الْبَلَدْ دِي لِتَبْقَى لَيْك وَرَثَةْ.»

رُؤية 4:11

«يَا رَبِّنَا اللّٰهْ، كُلَّ شَيّءْ هَنَا الْمَجْد وَ الْإِكْرَامْ وَ الْقُدْرَةْ وَاجِبْ لَيْك إِنْتَ أَشَانْ إِنْتَ بَسْ خَلَقْت كُلَّ شَيّءْ وَ بِنِيّتَكْ إِنْتَ بَسْ، كُلَّ شَيّءْ بِقِي وَ قَاعِدْ.»

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

1 كُرُنْتُس 2:8

وَ مَا فِي نَادُمْ مِنْ كُبَارَاتْ الدُّنْيَا دِي فِهِمْ حِكْمَةْ اللّٰهْ. كَنْ أَوَّلْ فِهْمَوْهَا، مَا يَكْتُلُوا رَبِّنَا الْمَجِيدْ فِي الصَّلِيبْ.

أعمال الرُسُل 23:7

وَ وَكِتْ بُولُسْ قَالْ الْكَلَامْ دَا، نَاسْ الْمَجْلَسْ بَدَوْا يِلْغَالَطَوْا أَمْبَيْنَاتْهُمْ. الْفَرِيزِيِّينْ وَ الصَّدُّوقِيِّينْ أَنْخَلَفَوْا.

يُوحَنَّا 12:41

وَ إِشَعْيَا قَالْ الْكَلَامْ دَا أَشَانْ هُو شَافْ مَجْد الْمَسِيحْ وَ حَجَّى بَيَّهْ.

لُوقا 2:14

«مَجُّدُوا اللّٰهْ فِي الْأَعَالِي! وَ السَّلَامْ فِي الْأَرْض لِكُلَّ النَّاسْ، أَشَانْ اللّٰهْ رَاضِي بَيْهُمْ!»

مَتَّى 6:13

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

إشَعْيا 51:2

أَذَّكَّرَوْا أَبُوكُو إِبْرَاهِيمْ وَ سَارَةْ أَمُّكُو الْوِلْدَتْكُو. أَشَانْ وَكِتْ أَنَا نَادَيْتَهْ، هُو قَاعِدْ وِحَيْدَهْ وَ أَنَا بَارَكْتَهْ وَ كَتَّرْت ذُرِّيّتَهْ.»

إشَعْيا 6:3

وَ الْوَاحِدْ يِنَادِي الْآخَرْ وَ يُقُولْ: «قُدُّوسْ! قُدُّوسْ! قُدُّوسْ! اللّٰهْ الْقَادِرْ! مَجْدَهْ يَمْلَا كُلَّ الْأَرْض.»

زَبُور 24:10

يَاتُو الْمَلِكْ الْعَظِيمْ؟ هُو اللّٰهْ الْقَادِرْ، هُو الْمَلِكْ الْعَظِيمْ. وَقْفَةْ.

زَبُور 24:7

أَنْفَتْحُوا، يَا بِيبَانْ! أَنْفَتْحُوا، يَا مَدَاخِلْ الدَّايْمِينْ! وَ خَلِّي يَدْخُلْ فَوْقكُو الْمَلِكْ الْعَظِيمْ.

يَشُوع 24:2

وَ يَشُوعْ قَالْ لِكُلَّ الشَّعَبْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹زَمَانْ، جُدُودْكُو سَكَنَوْا غَادِي لِبَحَرْ الْفُرَاتْ وَ عَبَدَوْا إِلٰـهَاتْ آخَرِينْ. وَ تَارَحْ أَبُو إِبْرَاهِيمْ وَ نَاحُورْ كُلَ أَمْبَيْنَاتْهُمْ.

تكوين 29:4

وَ يَعْقُوبْ قَالْ لِلرُّعْيَانْ: «يَا أَخْوَانِي، إِنْتُو مِنْ وَيْن؟» وَ هُمَّنْ قَالَوْا لَيَّهْ: «أَنِحْنَ مِنْ حَارَانْ.»

تكوين 12:5

وَ شَالْ مَعَايَهْ مَرْتَهْ سَارَايْ وَ لُوطْ وِلَيْد أَخُوهْ وَ كُلَّ الْمَالْ وَ الْعَبِيدْ الشَّرَاهُمْ فِي حِلَّةْ حَارَانْ. وَ خَلَاصْ، شَالَوْا دَرِبْ بَلَدْ كَنْعَانْ. وَكِتْ وَصَّلَوْا فِي بَلَدْ كَنْعَانْ،

تكوين 12:1

وَ بَعَدْ دَا، اللّٰهْ قَالْ لِأَبْرَامْ: «أَمْرُقْ مِنْ بَلَدَكْ وَ مِنْ أَهَلَكْ وَ حَوِّلْ مِنْ بَيْت أَبُوكْ وَ أَمْشِي فِي الْبَلَدْ النِّوَصِّفْهَا لَيْك.

إشَعْيا 37:12

وَ إِلٰـهَاتْ الْأُمَمْ الدَّمَّرَوْهُمْ جُدُودِي، هَلْ قِدْرَوْا نَجَّوْا حِلَّالْ قُزَانْ وَ حَارَانْ وَ رَصَفْ وَ ذُرِّيَّةْ عَدَنْ السَّاكْنِينْ فِي تَلَسَّارْ وَلَّا؟

أعمال الرُسُل 7:1

وَ كَبِيرْ رُجَالْ الدِّينْ سَأَلْ إِسْتِفَانْ وَ قَالْ: «كَلَامْهُمْ دَا صَحِيحْ وَلَّا؟»

أفَسُس 1:17

وَ نَدْعِي اللّٰهْ أَبُونَا الْمَجِيدْ الرَّسَّلْ رَبِّنَا عِيسَى الْمَسِيحْ وَ نَسْأَلَهْ لَيْكُو كَدَرْ هُو يَنْطِيكُو بِالرُّوحْ الْقُدُّوسْ فِكِرْ عَدِيلْ وَ عِرْفَةْ أَشَانْ تَعَرْفُوا اللّٰهْ بِزِيَادَةْ.

عِبْرَانِيِّين 11:8

وَ بِالْإِيمَانْ، إِبْرَاهِيمْ سِمِعْ كَلَامْ اللّٰهْ وَ قَمَّ مَشَى فِي الْبَكَانْ الْبَعَدَيْن يَبْقَى وَرَثَتَهْ. وَ هُو مَشَى قُبَّالْ مَا يَعَرِفْ الْبَكَانْ الْوَاجِبْ يَمْشِي لَيَّهْ.

يَعْقُوب 2:1

يَا أَخْوَانِي، إِنْتُو مُؤمِنِينْ بِرَبِّنَا الْمَجِيدْ عِيسَى الْمَسِيحْ وَ فِي دَرْبَهْ هُو، مَا وَاجِبْ تِشِيفُوا الْوَاحِدْ أَخَيْر مِنْ الْآخَرْ.