أعمال الرُسُل 5:3 - الكتاب المقدس بالعربي الدارجي هنا تشاد

³ وَ بُطْرُسْ سَأَلَهْ وَ قَالْ: «يَا حَنَانِيَّا، مَالَكْ خَلَّيْت الشَّيْطَانْ يَلْعَبْ بِعَقْلَكْ؟ مَالَكْ كَدَبْت لِلرُّوحْ الْقُدُّوسْ وَ شِلْت لِنَفْسَكْ نُصّ تَمَنْ الزَّرَعْ؟

أعمال الرُسُل 5:3 Referenca të Kryqëzuara

إرْمِيا 23:24

وَ هَلْ فِي إِنْسَانْ الْيِلَّبَّدْ فِي بَكَانْ وَ أَنَا مَا نِشِيفَهْ وَلَّا؟ وَ دَا كَلَامْ اللّٰهْ. هَلْ أَنَا مَا نَمْلَا السَّمَاوَاتْ وَ الْأَرْض وَلَّا؟» وَ دَا كَلَامْ اللّٰهْ.

إشَعْيا 29:15

الْعَذَابْ لِلْيِبَعُّدُوا لِيِلَبُّدُوا خِطِّتْهُمْ مِنْ اللّٰهْ وَ فِي بَكَانْ أَضْلَمْ، يِلَبُّدُوا خِدْمِتْهُمْ. وَ يُقُولُوا: «يَاتُو يِشِيفْنَا وَ يَاتُو يَعَرِفْ خِدْمِتْنَا؟»

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

أعمال الرُسُل 5:9

وَ بُطْرُسْ قَالْ لَيْهَا: «مَالَا أَسْتَفَقْتِ مَعَ رَاجِلْكِ أَشَانْ تِجَرُّبُوا رُوحْ اللّٰهْ؟ أَسْمَعَيْ الْحَرَكَةْ دِي. دَوْل الصُّبْيَانْ جَايِينْ فِي خَشُمْ الْبَيْت. هُمَّنْ دَفَنَوْا رَاجِلْكِ وَ يِوَدُّوكِ إِنْتِ كُلَ!»

يُوحَنَّا 13:27

وَ يَهُوذَا شَالْ اللُّقْمَةْ وَ خَلَاصْ إِبْلِيسْ دَخَلْ فِي قَلْبَهْ. وَ عِيسَى حَجَّى لَيَّهْ وَ قَالْ: «الشَّيّءْ التِّدَوْر تِسَوِّيهْ، سَوِّيهْ عَجَلَةْ.»

يُوحَنَّا 13:2

وَ عِيسَى وَ تَلَامِيذَهْ قَاعِدِينْ فِي الْعَشَاءْ. وَ فِي الْوَكِتْ دَا، خَلَاصْ إِبْلِيسْ دَسَّ نِيَّةْ الْخِيَانَةْ فِي قَلِبْ يَهُوذَا وِلَيْد سِمْعَانْ الْإِسْخَرِيَوْطِي أَشَانْ يُخُونْ عِيسَى.

يَعْقُوب 4:7

فِي شَانْ دَا، أَسْمَعَوْا كَلَامْ اللّٰهْ وَ أَقِيفُوا ضِدّ إِبْلِيسْ وَ إِبْلِيسْ يَجْرِي بَعِيدْ مِنْكُو.

جامِعة 5:4

وَكِتْ تِسَوِّي نَذِرْ لِلرَّبّ، مَا تِأَخِّرْ لِتِتِمَّهْ. أَشَانْ الرَّبّ مَا يَرْضَى بِالْمَطَامِيسْ. خَلَاصْ، حَقِّقْ كُلَّ نَذْرَكْ السَّوَّيْتَهْ.

أيُّوب 22:13

وَ فِي شَانْ دَا، إِنْتَ قُلْت: «الرَّبّ يَعَرِفْ شُنُو؟ هُو يَقْدَرْ يِحَاكِمْنَا مِنْ الضَّلَامْ الْهَالِكْ وَلَّا؟

أعمال الرُسُل 5:4

كَنْ أَوَّلْ مَا بِعْتَهْ، كُلَّ الزَّرَعْ دَا هَنَاكْ. وَ بَعَدْ بِعْتَهْ كُلَ، كَنْ دَوَّرْت تِشِيلْ كُلَّ الْقُرُسْ هُو هَنَاكْ حَلَالَكْ. مَالَا شِلْت نِيَّةْ لِتَكْدِبْ؟ بِمِثِلْ دَا، مَا كَدَبْت لِلنَّاسْ. إِنْتَ كَدَبْت لِلّٰهْ!»

أعمال الرُسُل 5:2

وَ شَالْ نُصّ تَمَنْ الزَّرَعْ لِنَفْسَهْ وَ سَلَّمْ الْقُرُسْ الْفَضَّلْ لِلرُّسُلْ فِي شَانْ الْأَخْوَانْ. وَ قَالْ دَا بَسْ تَمَنَهْ. وَ كُلَّ شَيّءْ السَّوَّاهْ دَا، مَرْتَهْ عِرْفَتَهْ.

لُوقا 22:3

وَ فِي الْبَكَانْ دَا، الشَّيْطَانْ دَخَلْ فِي قَلِبْ يَهُوذَا الْأُسْمَهْ الْإِسْخَرِيَوْطِي. وَ هُو مِنْ التَّلَامِيذ الْأَتْنَا عَشَرْ.

تَثْنِية 23:21

وَ كَنْ سَوَّيْتُوا نَذِرْ لِلّٰهْ إِلٰـهْكُو، مَا تِأَخُّرُوا فِي حَقِّقِينَهْ أَشَانْ كَنْ مَا حَقَّقْتُوهْ، اللّٰهْ إِلٰـهْكُو يَسْأَلْكُو مِنَّهْ. وَ دَا ذَنِبْ إِنْتُو سَوَّيْتُوهْ.

عَدد 30:2

كَنْ رَاجِلْ يِسَوِّي نَذِرْ لِلّٰهْ وَ يَحْلِفْ وَ يُقُولْ يِتِمّ حَلِيفْتَهْ، وَاجِبْ الرَّاجِلْ دَا مَا يَفْشُلْ مِنْ النَّذِرْ وَ يِطَبِّقْ سَوَا سَوَا الْكَلَامْ الْهُو قَالَهْ.

مَتَّى 13:19

أَيِّ نَادُمْ الْيَسْمَعْ بِشَارَةْ الْمَمْلَكَةْ وَ مَا يَفْهَمْهَا، إِبْلِيسْ الشَّرِيرْ يَجِي وَ يِشِيلْ الْكَلَامْ مِنْ قَلْبَهْ. وَ دَا مِثِلْ التَّيْرَابْ الْوَقَعْ فَوْق الدَّرِبْ.

هُوشَع 11:12

«قَبِيلَةْ أَفْرَايِمْ حَوَّقَتْنِي بِكِدِبْ، أَيْوَى، بَنِي إِسْرَائِيلْ حَوَّقَتْنِي بِغَشّ. وَ لَاكِنْ بَنِي يَهُوذَا يَمْشُوا وَرَايِ وَ عِنْدُهُمْ أَمَانْ لَيِّ أَنَا الْقُدُّوسْ.»

أمْثال 20:25

وَكِتْ تِسَوِّي مُعَاهَدَةْ بَلَا فِكِرْ مَعَ اللّٰهْ، دَا شَرَكْ لَيْك. أَشَانْ بَعَدَيْن تِفَكِّرْ فِي مُعَاهَدَتَكْ وَ تَنْدَمْ.