أعمال الرُسُل 4:1 - الكتاب المقدس بالعربي الدارجي هنا تشاد

¹ وَ وَكِتْ بُطْرُسْ وَ يُوحَنَّا قَاعِدِينْ يِحَجُّوا لِلنَّاسْ اللَّامِّينْ، رُجَالْ الدِّينْ وَ نَاسْ مِنْ الصَّدُّوقِيِّينْ وَ كَبِيرْ الْعَسْكَرْ حُرَّاسْ بَيْت اللّٰهْ جَوْا لَيْهُمْ.

أعمال الرُسُل 4:1 Referenca të Kryqëzuara

لُوقا 22:4

وَ يَهُوذَا قَمَّ وَ مَشَى حَجَّى مَعَ كُبَارَاتْ رُجَالْ الدِّينْ وَ كُبَارَاتْ الْعَسْكَرْ حُرَّاسْ بَيْت اللّٰهْ. وَ شَاوَرَاهُمْ بِكِكَّيْف يَقْدَرْ يِسَلِّمْ لَيْهُمْ عِيسَى.

أعمال الرُسُل 6:12

وَ بِالتُّهْمَةْ دِي، حَرَّشَوْا النَّاسْ وَ الشُّيُوخْ وَ الْعُلَمَاءْ ضِدّ إِسْتِفَانْ. وَ كَرَبَوْه وَ وَدَّوْه قِدَّامْ الْمَجْلَسْ.

أعمال الرُسُل 5:26

وَ كَبِيرْ الْحُرَّاسْ مَشَى مَعَ حُرَّاسَهْ وَ جَابَوْا الرُّسُلْ وَ لَاكِنْ مَا جَابَوْهُمْ بِقُوءْ أَشَانْ هُمَّنْ خَايْفِينْ مِنْ الشَّعَبْ يَرْجُمُوهُمْ.

أعمال الرُسُل 5:24

وَ كَبِيرْ حُرَّاسْ بَيْت اللّٰهْ وَ كُبَارَاتْ رُجَالْ الدِّينْ سِمْعَوْا الْكَلَامْ دَا وَ مَا عِرْفَوْا يِسَوُّوا شُنُو. وَ أَسَّاءَلَوْا أَمْبَيْنَاتْهُمْ وَ قَالَوْا: «كِكَّيْف الْكَلَامْ دَا يِكَمِّلْ؟»

مَتَّى 3:7

وَ يَحْيَى شَافْ أَمْبَيْنَاتْهُمْ نَاسْ كَتِيرِينْ مِنْ الْفَرِيزِيِّينْ وَ الصَّدُّوقِيِّينْ. وَ هُمَّنْ مَاشِينْ لَيَّهْ أَشَانْ هُو يِغَطِّسْهُمْ. وَ قَالْ لَيْهُمْ: «يَا عِيَالْ الدَّابِي! يَاتُو الْقَالْ لَيْكُو أَجْرُوا مِنْ الْعَذَابْ الْجَايِ؟

أعمال الرُسُل 4:6

وَ لَمَّوْا مَعَ حَنَانْ كَبِيرْ رُجَالْ الدِّينْ وَ قَيَافَا وَ يُوحَنَّا وَ إِسْكَنْدَرْ وَ أَخْوَانْ آخَرِينْ هَنَا كُبَارَاتْ رُجَالْ الدِّينْ.

يُوحَنَّا 18:3

وَ يَهُوذَا جَاءْ فِي الْجِنَيْنَةْ مَعَ عَسْكَرْ رَوْمَانِيِّينْ وَ الْحُرَّاسْ الرَّسَّلَوْهُمْ كُبَارَاتْ رُجَالْ الدِّينْ وَ الْفَرِيزِيِّينْ. وَ هُمَّنْ مُسَلَّحِينْ وَ شَايْلِينْ فَوَانِيسْ وَ مَشَاهِيبْ يِضَوُّوا بَيْهُمْ.

يُوحَنَّا 15:20

فَكُّرُوا فِي الْكَلَامْ الْأَنَا قُلْتَهْ لَيْكُو. أَنَا قُلْت الْعَبِدْ مَا أَكْبَرْ مِنْ سِيدَهْ. وَ كَنْ تَعَّبَوْنِي أَنَا، يِتَعُّبُوكُو إِنْتُو كُلَ. وَ كَنْ قِبْلَوْا كَلَامِي، يَقْبَلَوْا كَلَامْكُو إِنْتُو كُلَ.

مَتَّى 27:41

وَ كُبَارَاتْ رُجَالْ الدِّينْ وَ الْعُلَمَاءْ وَ الشُّيُوخْ أَشَّمَّتَوْا لَيَّهْ وَ قَالَوْا:

مَتَّى 27:20

وَ لَاكِنْ كُبَارَاتْ رُجَالْ الدِّينْ وَ الشُّيُوخْ حَرَّشَوْا النَّاسْ اللَّمَّوْا أَشَانْ يَسْأَلَوْا بِلَاطُسْ يَمْرُقْ بَرَابَاسْ وَ يَكْتُلْ عِيسَى.

مَتَّى 22:16

وَ رَسَّلَوْا لِعِيسَى وَاحِدِينْ مِنْ تَلَامِيذْهُمْ مَعَ نَاسْ مِنْ حِزِبْ هِرُودُسْ. وَ قَالَوْا لَيَّهْ: «يَا مُعَلِّمْ، نَعَرْفُوا كَدَرْ كَلَامَكْ حَقّ وَ تِعَلِّمْ النَّاسْ فِي دَرِبْ اللّٰهْ بِكَلَامْ صَحِيحْ وَ إِنْتَ مَا خَايِفْ مِنْ أَيِّ نَادُمْ وَ مَا تَخَافْ مِنْ وِجِهْ النَّاسْ.

مَتَّى 16:12

وَ خَلَاصْ التَّلَامِيذ فِهْمَوْا هُو مَا قَاعِدْ يُقُولْ أَنْقَرْعُوا مِنْ تَوَّارَةْ هَنَا الْخُبْزَةْ لَاكِنْ أَنْقَرْعُوا مِنْ تَعْلِيمْ الْفَرِيزِيِّينْ وَ الصَّدُّوقِيِّينْ.

أعمال الرُسُل 6:7

وَ نَاسْ زِيَادَةْ سِمْعَوْا كَلَامْ اللّٰهْ وَ عَدَدْ التَّلَامِيذ زَادْ فِي مَدِينَةْ الْقُدُسْ. وَ كَتِيرِينْ مِنْ رُجَالْ الدِّينْ آمَنَوْا بِعِيسَى الْمَسِيحْ.

لُوقا 20:1

وَ يَوْم وَاحِدْ، عِيسَى قَاعِدْ يِعَلِّمْ النَّاسْ فِي فَضَايَةْ بَيْت اللّٰهْ وَ يِبَلِّغْ لَيْهُمْ الْبِشَارَةْ. وَ فِي الْبَكَانْ دَا، كُبَارَاتْ رُجَالْ الدِّينْ وَ الْعُلَمَاءْ وَ الشُّيُوخْ جَوْا لَيَّهْ.

أعمال الرُسُل 5:17

وَ لَاكِنْ كَبِيرْ رُجَالْ الدِّينْ وَ كُلَّ أَخْوَانَهْ الصَّدُّوقِيِّينْ أَنْحَسَدَوْا فِي الرُّسُلْ حُسُدْ شَدِيدْ.