أعمال الرُسُل 2:1 - الكتاب المقدس بالعربي الدارجي هنا تشاد

¹ وَ فِي يَوْم هَنَا عِيدْ الْخَمْسِينْ، كُلَّ الْأَخْوَانْ قَاعِدِينْ سَوَا لَامِّينْ فِي بَكَانْ وَاحِدْ.

أعمال الرُسُل 2:1 Referenca të Kryqëzuara

رَوْمَا 15:6

لَحَدِّي كُلُّكُو تِمَجُّدُوا اللّٰهْ أَبُو رَبِّنَا عِيسَى الْمَسِيحْ بِنِيَّةْ وَاحِدَةْ وَ بِحِسّ وَاحِدْ.

فِلِبِّي 2:2

خَلَاصْ، زِيدُوا فَرْحِتِي وَ خَلِّي فِكِرْكُو يَبْقَى وَاحِدْ. أَرَّايَدَوْا أَمْبَيْنَاتْكُو بِمَحَبَّةْ وَاحِدَةْ. وَ أَسْتَفُقُوا أَمْبَيْنَاتْكُو مَرَّةْ وَاحِدْ بِهَدَفْ وَاحِدْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

1 كُرُنْتُس 16:8

وَ نَقْعُدْ هِنِي فِي حِلَّةْ أَفَسُسْ لَحَدِّي عِيدْ الْخَمْسِينْ

صَفَنْيا 3:9

«وَ خَلَاصْ، نِطَهِّرْ لِسَانْ الشُّعُوبْ أَشَانْ كُلُّهُمْ يِنَادُوا بِأُسْمِي أَنَا اللّٰهْ وَ يَعَبُدُونِي بِقَلِبْ وَاحِدْ.

أعمال الرُسُل 4:32

وَ كُلَّ الْمُؤمِنِينْ عِنْدُهُمْ قَلِبْ وَاحِدْ وَ فِكِرْ وَاحِدْ. وَ مَا فِي نَادُمْ يُقُولْ خُمَامَهْ حَقَّهْ حَلَالَهْ. وَ أَيِّ نَادُمْ مِنْهُمْ يَجْعَلْ مَالَهْ مِثِلْ مَالْ الْأَخْوَانْ.

خُروج 23:16

«وَ بَعَدْ دَا، عَيُّدُوا عِيدْ الْقَطِعْ وَ قَدُّمُوا لَيِّ أَوَّلْ إِنْتَاجْ الْقَطَعْتُوهْ مِنْ زِرَاعِتْكُو التَّيْرَبْتُوهُمْ. وَ بَعَدْ دَا، عَيُّدُوا عِيدْ اللَّمِّينْ فِي كُمَالَةْ السَّنَةْ وَكِتْ إِنْتُو تِلِمُّوا فَوْقَهْ إِنْتَاجْ زِرَاعِتْكُو.

أعمال الرُسُل 20:16

وَ مَا وَقَفْنَا فِي أَفَسُسْ أَشَانْ بُولُسْ مَا دَوَّرْ يِأَخِّرْ فِي بَلَدْ آسِيَا. هُو دَوَّرْ يَمْشِي عَجَلَةْ. وَ كَنْ مُمْكِنْ، يَلْحَقْ مَدِينَةْ الْقُدُسْ قُبَّالْ عِيدْ الْخَمْسِينْ.

أعمال الرُسُل 4:24

وَ كُلُّهُمْ سَأَلَوْا اللّٰهْ بِنِيَّةْ وَاحِدَةْ وَ قَالَوْا: «يَا سِيدْنَا، خَالِقْ السَّمَاوَاتْ وَ الْأَرْض وَ الْبُحُورْ وَ كُلَّ شَيّءْ الْفِيهُمْ.

إرْمِيا 32:39

وَ أَنَا نِوَحِّدْ قَلِبْهُمْ وَ دَرِبْهُمْ أَشَانْ يَخَافَوْا مِنِّي دَايْماً. وَ بَيْدَا، يَقْعُدُوا فِي رَاحَةْ، هُمَّنْ وَ عِيَالْهُمْ مِنْ بَعَدْهُمْ.

خُروج 34:22

«عَيُّدُوا عِيدْ الْقَطِعْ وَ قَدُّمُوا لَيِّ أَوَّلْ إِنْتَاجْ الْقَمَحْ الْإِنْتُو قَطَعْتُوهْ مِنْ الزَّرَعْ. وَ بَعَدْ دَا، عَيُّدُوا عِيدْ اللَّمِّينْ وَ دَا يَبْقَى فِي آخِرْ خِدْمَةْ الزِّرَاعَةْ.

أعمال الرُسُل 5:12

وَ الرُّسُلْ سَوَّوْا عَجَايِبْ وَ عَلَامَةْ كَتِيرِينْ فِي أُسْط النَّاسْ. وَ كُلَّ الْمُؤمِنِينْ عِنْدُهُمْ قَلِبْ وَاحِدْ وَ قَاعِدِينْ يِلِمُّوا فِي رَاكُوبَةْ سُلَيْمَانْ فِي فَضَايَةْ بَيْت اللّٰهْ.

2 أخبار 30:12

وَ فِي بَلَدْ يَهُوذَا كُلَ، الرَّبّ أَنْطَاهُمْ قَلِبْ وَاحِدْ لِيِطَبُّقُوا أَمُرْ الْمَلِكْ وَ مَسَائِيلَهْ حَسَبْ كَلَامْ اللّٰهْ.

زَبُور 133:1

دَا عَدِيلْ وَ سَمَحْ لِلْأَخْوَانْ كَنْ يُكُونُوا سَوَا!

2 أخبار 5:13

وَ النَّاسْ الْيَضُرْبُوا الْبُرُنْجِي وَ الْغَنَّايِينْ كُلُّهُمْ لَمَّوْا حِسُّهُمْ سَوَا لِيَحْمُدُوا اللّٰهْ وَ يَشْكُرُوهْ. وَكِتْ ضَرَبَوْا الْبُرُنْجِي وَ النَّقَاقِيرْ وَ الْآلَاتْ الْآخَرِينْ هَنَا الْمُسِيقَى، قَالَوْا: «اللّٰهْ هُو رَحِيمْ وَ رَحْمَتَهْ دَايْمَةْ إِلَى الْأَبَدْ.» وَ طَوَّالِي كَيْ، بَيْت اللّٰهْ أَنْمَلَى بِسَحَابَايْ.

أعمال الرُسُل 2:46

وَ كُلَّ يَوْم، قَاعِدِينْ يِلِمُّوا فِي بَيْت اللّٰهْ وَ يِلْعَشَّوْا سَوَا فِي بُيُوتْهُمْ بِفَرَحْ وَ قَلِبْ مُخْلِصْ.

أعمال الرُسُل 1:5

يَحْيَى غَطَّسْ النَّاسْ فِي الْأَلْمِي وَ لَاكِنْ بَعَدْ أَيَّامْ بَسْ، اللّٰهْ يِغَطِّسْكُو بِالرُّوحْ الْقُدُّوسْ.»

أعمال الرُسُل 1:8

وَ لَاكِنْ وَكِتْ الرُّوحْ الْقُدُّوسْ يَنْزِلْ فَوْقكُو، تَلْقَوْا قُدْرَةْ أَشَانْ تَشْهَدَوْا لَيِّ فِي مَدِينَةْ الْقُدُسْ وَ فِي كُلَّ دَارْ الْيَهُودِيَّةْ وَ فِي دَارْ السَّامِرَةْ وَ لَحَدِّي آخِرْ الْأَرْض.»

أعمال الرُسُل 4:31

وَ بَعَدْ سَأَلَوْا اللّٰهْ، الْبَكَانْ اللَّامِّينْ فَوْقَهْ أَنْهَزَّ وَ كُلُّهُمْ أَنْمَلَوْا بِالرُّوحْ الْقُدُّوسْ وَ قَمَّوْا يِبَلُّغُوا كَلَامْ اللّٰهْ بَلَا خَوْف.