أعمال الرُسُل 16:3 - الكتاب المقدس بالعربي الدارجي هنا تشاد

³ وَ بُولُسْ دَوَّرْ تِمُوتَاوُسْ يَجِي يَخْدِمْ مَعَايَهْ. كُلَّ الْيَهُودْ فِي الْبَكَانْ دَا عِرْفَوْا كَدَرْ أَبُو تِمُوتَاوُسْ يُونَانِي وَ أَشَانْ دَا، بُولُسْ قَمَّ طَهَّرَهْ حَسَبْ عَادَاتْ الْيَهُودْ.

أعمال الرُسُل 16:3 Referenca të Kryqëzuara

غَلاطِية 2:3

وَ تِيطُسْ الْقَاعِدْ مَعَايِ هُو يُونَانِي، مَا يَهُودِي وَ لَاكِنْ مَا جَبَرَوْنَا لِنِطَهُّرُوهْ.

1 كُرُنْتُس 9:20

كَنْ أَنَا قَاعِدْ فِي أُسْط الْيَهُودْ، أَنَا نِتَابِعْ عَادَاتْ الْيَهُودْ لِنِجِيبْهُمْ فِي دَرِبْ النَّجَاةْ. أَيْوَى، كَنْ أَنَا قَاعِدْ أَمْبَيْنَاتْ النَّاسْ الْيِتَابُعُوا شُرُوطْ التَّوْرَاةْ، أَنَا كُلَ نَبْقَى مِثِلْ نَادُمْ يِتَابِعْ شُرُوطْ التَّوْرَاةْ. وَ بِالصَّحِيحْ، أَنَا مَا تِحِتْ شُرُوطْ التَّوْرَاةْ لَاكِنْ نِدَوْر نِجِيبْ النَّاسْ الْقَاعِدِينْ تِحِتْ شُرُوطْ التَّوْرَاةْ فِي دَرِبْ النَّجَاةْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

غَلاطِية 2:8

وَ مِثِلْ اللّٰهْ عَزَلْ بُطْرُسْ وَ سَوَّاهْ رَسُولْ لِلْيَهُودْ، هُو عَزَلَانِي أَنَا كُلَ وَ سَوَّانِي رَسُولْ لِلْمَا يَهُودْ.

1 كُرُنْتُس 7:19

كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. لَاكِنْ الْمُهِمّ، النَّادُمْ يِتَابِعْ وَصَايَا اللّٰهْ.

أعمال الرُسُل 15:40

وَ بُولُسْ عَزَلْ سِيلَا أَشَانْ يَمْشِي مَعَايَهْ. وَ الْأَخْوَانْ أَمَّنَوْه لِرَحْمَةْ الرَّبّ عِيسَى وَ خَلَاصْ بُولُسْ مَشَى.

أعمال الرُسُل 15:37

وَ بَرْنَابَا دَوَّرْ يُوحَنَّا الْبِنَادُوهْ مَرْخُوسْ كُلَ يَمْشِي مَعَاهُمْ.

أعمال الرُسُل 15:20

لَاكِنْ خَلِّي نَكْتُبُوا لَيْهُمْ جَوَابْ وَ نُقُولُوا لَيْهُمْ وَاجِبْ يِخَلُّوا مِنْهُمْ كُلَّ شَيّءْ نِجِسْ بِسَبَبْ عِبَادَةْ الْأَصْنَامْ وَ مَا وَاجِبْ يَزْنَوْا وَ مَا يَاكُلُوا لَحَمْ الْفَطِيسْ وَ مَا يَاكُلُوا دَمّ.

فِلِبِّي 2:22

لَاكِنْ أَكِيدْ إِنْتُو تَعَرْفُوا كِكَّيْف تِمُوتَاوُسْ وَصَّفْ ثَبَاتَهْ. مِنْ وَكِتْ طَوِيلْ، هُو قَاعِدْ يَخْدِمْ مَعَايِ فِي بَلِّغِينْ بِشَارَةْ الْمَسِيحْ مِثِلْ وِلَيْد الْيَخْدِمْ مَعَ أَبُوهْ.