أعمال الرُسُل 13:2 - الكتاب المقدس بالعربي الدارجي هنا تشاد

² وَ يَوْم وَاحِدْ، هُمَّنْ قَاعِدِينْ يَعَبُدُوا الرَّبّ وَ يُصُومُوا، الرُّوحْ الْقُدُّوسْ كَلَّمْ لَيْهُمْ وَ قَالْ: «خَصُّصُوا لَيِّ بَرْنَابَا وَ شَاوُولْ أَشَانْ يِسَوُّوا لَيِّ الْخِدْمَةْ النَّادَيْتهُمْ لَيْهَا.»

أعمال الرُسُل 13:2 Referenca të Kryqëzuara

غَلاطِية 1:15

لَاكِنْ مِنْ أَنَا فِي بَطُنْ أَمِّي، اللّٰهْ عَزَلَانِي وَ بِنِعْمَتَهْ، نَادَانِي. وَ فِي الْوَكِتْ الْاللّٰهْ قَطَعَهْ لَيِّ،

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

2 تِمُوتَاوُس 1:11

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ وَ مُعَلِّمْ.

1 كُرُنْتُس 12:11

وَ نَفْس الرُّوحْ الْقُدُّوسْ الْوَاحِدْ، هُو بَسْ الْيِجِيبْ كُلَّ الْعَطَايَا دَوْل وَ يِقَسِّمْهُمْ لِأَيِّ نَادُمْ مِثِلْ هُو يِدَوْرَهْ.

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

1 تِمُوتَاوُس 2:7

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.

أعمال الرُسُل 22:21

وَ لَاكِنْ هُو قَالْ لَيِّ: ‹أَمْشِي. أَنَا نِرَسِّلَكْ بَعِيدْ مِنْ هِنِي. نِرَسِّلَكْ لِلنَّاسْ الْمَا يَهُودْ.›»

أعمال الرُسُل 14:26

وَ هِنَاكْ رِكْبَوْا فِي سَفِينَةْ وَ شَقَّوْا الْبَحَرْ أَشَانْ يِقَبُّلُوا فِي حِلَّةْ أَنْطَاكِيَةْ فِي سُورِيَا. وَ فِي الْحِلَّةْ دِي، أَوَّلْ سَأَلَوْا لَيْهُمْ اللّٰهْ أَشَانْ يَحْفَضْهُمْ بِرَحْمَتَهْ وَكِتْ هُمَّنْ مَاشِينْ يِسَوُّوا الْخِدْمَةْ الْهَسَّعْ كَمَّلَوْهَا.

دَنْيال 9:3

وَ فِي الْبَكَانْ دَا، طَوَّالِي أَنَا وَجَّهْت لِلرَّبّ إِلٰـهِي وَ شَحَدْتَهْ بِالصَّلَاةْ وَ الصِّيَامْ. وَ لِبِسْت خَلَقْ التَّوْبَةْ وَ صَبَّيْت رُمَادْ فِي رَاسِي.

كُلُوسِي 4:17

وَ كَلُّمُوا لِأَرْخِبَّا وَ قُولُوا لَيَّهْ: «خُطّ بَالَكْ أَشَانْ تِتَمِّمْ الْخِدْمَةْ الرَّبِّنَا أَنْطَاهَا لَيْك.»

لُوقا 2:37

وَ بَتَّانْ مَا أَخَدَتْ رَاجِلْ وَ عِنْدَهَا 84 سَنَةْ وَ قَاعِدَةْ دَايْماً فِي فَضَايَةْ بَيْت اللّٰهْ. وَ قَاعِدَةْ تَعَبُدْ اللّٰهْ لَيْل وَ نَهَارْ بِالصَّلَاةْ وَ الصِّيَامْ.

1 صَمُوِيل 2:11

وَ بَعَدْ دَا، أَلِقَانَى وَ عَايِلْتَهْ قَبَّلَوْا بَيْتهُمْ فِي حِلَّةْ الرَّامَةْ. وَ الْوِلَيْد صَمُوِيلْ قَاعِدْ يَخْدِمْ لِلّٰهْ تِحِتْ مُرَاقَبَةْ عَالِي رَاجِلْ الدِّينْ.

2 تِمُوتَاوُس 2:2

وَ الْكَلَامْ الْإِنْتَ سِمِعْتَهْ مِنْ خَشْمِي قِدَّامْ شُهُودْ كَتِيرِينْ، كَلِّفْ بَيَّهْ نَاسْ أَمِينِينْ الْيَقْدَرَوْا يِعَلُّمُوا بَيَّهْ نَاسْ آخَرِينْ بَتَّانْ.

أفَسُس 3:7

اللّٰهْ نَزَّلْ فَوْقِي نِعْمَتَهْ وَ جَعَلَانِي خَدَّامَهْ بِقُدُرْتَهْ أَشَانْ نِبَلِّغْ الْبِشَارَةْ دِي.

أعمال الرُسُل 13:3

وَ خَلَاصْ بَعَدْ صَامَوْا وَ صَلَّوْا، خَطَّوْا إِيدَيْهُمْ فَوْقهُمْ وَ رَسَّلَوْهُمْ.

أعمال الرُسُل 10:30

وَ كَرْنِيلِي رَدَّ لَيَّهْ وَ قَالْ: «عِنْدِنَا أَرْبَعَةْ يَوْم، السَّاعَةْ مِثِلْ الْوَكِتْ دَا، أَنَا فِي بَيْتِي وَ قَاعِدْ نِصَلِّي صَلَاةْ هَنَا السَّاعَةْ تَلَاتَةْ. وَ فَجْأَةً، رَاجِلْ لَابِسْ خَلَقْ أَبْيَضْ مِثِلْ الْبَرَّاقَةْ بَانْ قِدَّامِي.

أعمال الرُسُل 10:19

وَكِتْ بُطْرُسْ قَاعِدْ يِفَكِّرْ فِي مَعَنَى الرُّؤْيَةْ دِي بَسْ، الرُّوحْ الْقُدُّوسْ كَلَّمْ لَيَّهْ وَ قَالْ: «أَسْمَعْ، فِي تَلَاتَةْ رُجَالْ قَاعِدِينْ فِي خَشُمْ الْبَيْت. يَسْأَلَوْا مِنَّكْ.

أعمال الرُسُل 8:29

وَ الرُّوحْ الْقُدُّوسْ كَلَّمْ لِفِلِبُّسْ وَ قَالْ: «أَمْشِي قِدَّامْ وَ رُوغْ جَنْب الْعَرَبِيَّةْ.»

مَتَّى 9:38

أَشَانْ دَا، أَطُلْبُوا مِنْ سِيدْ الزَّرَعْ هُو يِرَسِّلْ خَدَّامِينَهْ يِلِمُّوا غَلِّتَهْ.»

مَتَّى 6:16

«وَ وَكِتْ تُصُومُوا، مَا تَرْبُطُوا وُجُوهْكُو مِثِلْ الْمُنَافِقِينْ. هُمَّنْ يِكَرْشُمُوا وُجُوهُّمْ أَشَانْ يِدَوْرُوا النَّاسْ يَعَرْفُوا هُمَّنْ صَايْمِينْ. نُقُولْ لَيْكُو الْحَقّ، مَا يَلْقَوْا أَجُرْ إِلَّا الشُّكُرْ اللِّقَوْه مِنْ النَّاسْ.

تَثْنِية 10:8

وَ فِي الْوَكِتْ دَاكْ، اللّٰهْ عَزَلْ قَبِيلَةْ اللَّاوِيِّينْ لِيِشِيلُوا صَنْدُوقْ مُعَاهَدَةْ اللّٰهْ وَ لِيَقِيفُوا قِدَّامَهْ وَ يَخْدُمُوا لَيَّهْ وَ يِبَارُكُوا الشَّعَبْ بِأُسْمَهْ. وَ دَا مِثِلْ هُمَّنْ قَاعِدِينْ يِسَوُّوهْ لَحَدِّي الْيَوْم.

عِبْرَانِيِّين 5:4

وَ نَادُمْ مَا يِدَرِّجْ نَفْسَهْ لِلْخِدْمَةْ الْمُشَرَّفَةْ هِنْت رُجَالْ الدِّينْ. اللّٰهْ بَسْ يِنَادِيهْ لَيْهَا مِثِلْ زَمَانْ هُو نَادَى لَيْهَا هَارُونْ.

2 تِمُوتَاوُس 4:11

وَ مِثِلْ دَا، إِلَّا أَخُونَا لُوقَا وِحَيْدَهْ قَاعِدْ مَعَايِ. أَمْشِي لِأَخُونَا مَرْخُوسْ وَ جِيبَهْ مَعَاكْ. هُو يِسَاعِدْنِي زِيَادَةْ فِي خِدْمَةْ الرَّبّ.

2 تِمُوتَاوُس 4:5

لَاكِنْ إِنْتَ، أَقْعُدْ دَايْماً ثَابِتْ وَ أَحْمَلْ التَّعَبْ وَ بَشِّرْ النَّاسْ بِالْبِشَارَةْ وَ أَخْدِمْ عَدِيلْ الْخِدْمَةْ الْاللّٰهْ أَنْطَاهَا لَيْك.

2 كُرُنْتُس 11:27

أَنَا خَدَمْت بِدُرَاعِي وَ تِعِبْت وَ فَقَدْت دَايْماً النَّوْم وَ الْأَكِلْ وَ الشَّرَابْ. وَ كَتِيرْ كَيْ الْبَرِدْ لِحِقَانِي وَ خُلْقَانْ قَصَّرَوْا لَيِّ.

2 كُرُنْتُس 6:5

فَرَشَوْنَا وَ سَجَنَوْنَا وَ لِقِينَا نُفُوسْنَا فِي أُسْط الْبَرْجَلَةْ. خَدَمْنَا بِدُرَاعْنَا. فَقَدْنَا النَّوْم وَ الْأَكِلْ.

1 كُرُنْتُس 7:5

خَلِّي الرَّاجِلْ مَا يَابَى مَرْتَهْ وَ الْمَرَةْ مَا تَابَى رَاجِلْهَا. لَاكِنْ كَنْ تِدَوْرُوا تِوَقُّفُوا الْعَلَاقَةْ الْجِنْسِيَّةْ أَمْبَيْنَاتْكُو لِمُدَّةْ مُحَدَّدَةْ، مَثَلاً وَكِتْ تِنْكَرْبُوا فِي الصَّلَاةْ، أَوَّلاً كَيْ أَسْتَفُقُوا فَوْقَهْ سَوَا. وَ وَكِتْ الْمُدَّةْ دِي كَمَّلَتْ، لِمُّوا بَتَّانْ. وَ قُلْت الْكَلَامْ دَا أَشَانْ كَنْ مَا تَقْدَرَوْا تَلْزَمَوْا شَهْوَاتْكُو، أَكُونْ إِبْلِيسْ يِلِزُّكُو فِي الذَّنِبْ.

رَوْمَا 15:16

لِنَبْقَى خَدَّامْ لِلْمَسِيحْ عِيسَى. وَ خِدِمْتِي هِي بَلِّغِينْ بِشَارَةْ اللّٰهْ لِلْأُمَمْ الْمَا يَهُودْ. أَنَا نَبْقَى مِثِلْ رَاجِلْ دِينْ وَكِتْ نِبَلِّغْ بِشَارَةْ اللّٰهْ لِلْأُمَمْ الْمَا يَهُودْ لِيَبْقَوْا مِثِلْ ضَحِيَّةْ الْاللّٰهْ يَرْضَى بَيْهَا. وَ الضَّحِيَّةْ دِي تَبْقَى خَاصَّة لِلّٰهْ بِقُدْرَةْ الرُّوحْ الْقُدُّوسْ.

رَوْمَا 10:15

وَ كِكَّيْف يِبَلُّغُوا لَيْهُمْ الْبِشَارَةْ، كَنْ مَا رَسَّلَوْهُمْ؟ أَشَانْ دَا، الْكِتَابْ بُقُولْ: <مَرْحَباً بِجَيَّةْ الْمُرْسَالْ الْيِبَلِّغْ الْبِشَارَةْ.>

أعمال الرُسُل 20:28

«فَكُّرُوا فِي نُفُوسْكُو وَ فِي كُلَّ جَمَاعَةْ الْمُؤمِنِينْ هَنَا اللّٰهْ أَشَانْ الرُّوحْ الْقُدُّوسْ خَطَّاكُو فَوْقهُمْ رُعْيَانْ. أَيْوَى، أَسْرَحَوْا بِجَمَاعَةْ الْمُؤمِنِينْ الْاللّٰهْ شَرَاهُمْ بِدَمّ إِبْنَهْ.

أعمال الرُسُل 6:4

وَ لَاكِنْ كَنْ لَيْنَا أَنِحْنَ، نِنْكَرْبُوا فِي الصَّلَاةْ وَ فِي تَعْلِيمْ كَلَامْ اللّٰهْ.»

1 أخبار 16:4

وَ دَاوُدْ كَلَّفْ وَاحِدِينْ مِنْ اللَّاوِيِّينْ يَقْعُدُوا قِدَّامْ صَنْدُوقْ اللّٰهْ لِيَشْكُرُوا وَ يَحْمُدُوا وَ يِمَجُّدُوا اللّٰهْ إِلٰـهْ بَنِي إِسْرَائِيلْ.

لُوقا 10:1

وَ بَعَدَيْن الرَّبّ عِيسَى عَزَلْ مِنْ تَلَامِيذَهْ سَبْعِينْ وَ تِنَيْن نَادُمْ وَ رَسَّلَاهُمْ إِتْنَيْن إِتْنَيْن قِدَّامَهْ فِي أَيِّ بَكَانْ الْهُو يِدَوْر يَمْشِي لَيَّهْ.

أعمال الرُسُل 4:36

وَ نَادُمْ وَاحِدْ مِنْ النَّاسْ الْبَاعَوْا خُمَامْهُمْ أُسْمَهْ يُوسُفْ. وَ الرُّسُلْ خَطَّوْا لَيَّهْ أُسُمْ بَرْنَابَا مَعَنَاتَهْ الْيِشَجِّعْ. وَ هُو مِنْ قَبِيلَةْ لَاوِي وَ حِلِّتَهْ فِي جَزِيرَةْ قُبْرُصْ.

أعمال الرُسُل 13:4

بِمِثِلْ دَا، الرُّوحْ الْقُدُّوسْ رَسَّلْ بَرْنَابَا وَ شَاوُولْ. وَ خَلَاصْ، هُمَّنْ مَشَوْا لِحِلَّةْ سَلُوكِيَةْ فِي خَشُمْ الْبَحَرْ وَ رِكْبَوْا فِي سَفِينَةْ وَ مَشَوْا لِجَزِيرَةْ قُبْرُصْ.

مَتَّى 17:21

وَ لَاكِنْ الشَّيْطَانْ النَّفَرْ دَا، مَا يِنْطَرِدْ إِلَّا بِالدُّعَا وَ الصِّيَامْ.»