أعمال الرُسُل 12:3 - الكتاب المقدس بالعربي الدارجي هنا تشاد

³ وَ وَكِتْ هُو شَافْ الْيَهُودْ فِرْحَوْا مِنْ الشَّيّءْ السَّوَّاهْ دَا، هُو شَالْ نِيَّةْ أَشَانْ يَكْرُبْ بُطْرُسْ كُلَ. وَ كَرَبَهْ فِي أُسْبُوعْ هَنَا عِيدْ الْخُبْزَةْ بَلَا تَوَّارَةْ.

أعمال الرُسُل 12:3 Referenca të Kryqëzuara

خُروج 23:15

عَيُّدُوا عِيدْ الْخُبْزَةْ بَلَا تَوَّارَةْ. فِي سَبْعَةْ يَوْم، تَاكُلُوا خُبْزَةْ بَلَا تَوَّارَةْ مِثِلْ أَنَا أَمَرْتُكُو. وَ دَا فِي وَكِتْ الْمُحَدَّدْ فِي شَهَرْ الْقَنَادِيلْ الشَّهَرْ الْإِنْتُو مَرَقْتُوا بَيَّهْ مِنْ بَلَدْ مَصِرْ. مَا تَجُوا قِدَّامِي إِيدَيْكُو يَابْسِينْ.

أعمال الرُسُل 24:27

لَاكِنْ بَعَدْ سَنْتَيْن، فِيلِكْس حَوَّلَوْه وَ خَطَّوْا بُرْكِيُوسْ فَسْتُسْ وَالِي فِي بَدَلَهْ. وَ فِيلِكْس مَا طَلَقْ بُولُسْ مِنْ السِّجِنْ أَشَانْ دَوَّرْ الْيَهُودْ يَرْضَوْا بَيَّهْ.

يُوحَنَّا 12:43

أَشَانْ دَوَّرَوْا رِضَى النَّاسْ زِيَادَةْ مِنْ رِضَى اللّٰهْ.

أعمال الرُسُل 25:9

وَ لَاكِنْ فَسْتُسْ دَوَّرْ يِسَوِّي نَفْسَهْ زَيْن قِدَّامْ الْيَهُودْ أَشَانْ هُمَّنْ يَرْضَوْا بَيَّهْ. وَ أَشَانْ دَا، هُو سَأَلْ بُولُسْ وَ قَالْ: «تِدَوْر تَمْشِي فِي مَدِينَةْ الْقُدُسْ وَ نَقْطَعْ لَيْك الشَّرِيعَةْ هِنَاكْ وَلَّا؟»

غَلاطِية 1:10

شُنُو فِكِرْكُو فِي الْكَلَامْ دَا؟ نِدَوْر نَلْقَى بَيَّهْ رِضَى مِنْ النَّاسْ وَلَّا رِضَى مِنْ اللّٰهْ؟ نِدَوْر نَعَجِبْ النَّاسْ وَلَّا؟ نُقُولْ لَيْكُو كَنْ أَنَا لِسَّاعْ نِدَوْر نَعَجِبْ النَّاسْ، خَلَاصْ أَنَا مَا عَبْد الْمَسِيحْ.

أعمال الرُسُل 20:6

وَ بَعَدْ أُسْبُوعْ هَنَا عِيدْ الْخُبْزَةْ بَلَا تَوَّارَةْ، أَنِحْنَ رِكِبْنَا فِي السَّفِينَةْ وَ سَافَرْنَا مِنْ مَدِينَةْ فِلِبِّي. وَ بَعَدْ خَمْسَةْ يَوْم، وِصِلْنَا فِي تُرُوَاسْ وَ لَمَّيْنَا مَعَاهُمْ. وَ قَعَدْنَا هِنَاكْ سَبْعَةْ يَوْم.

1 تَسَلونِيكِي 2:4

بِالْعَكْس، اللّٰهْ شَافْ قُلُوبْنَا وَ كَلَّفَانَا بِالْبِشَارَةْ وَ أَشَانْ دَا بَسْ، نِبَشُّرُوا النَّاسْ. وَ نِبَشُّرُوهُمْ دَا، مَا أَشَانْ نِدَوْرُوا رِضَى مِنْهُمْ لَاكِنْ أَشَانْ نِدَوْرُوا رِضَى مِنْ اللّٰهْ الْيَكْشِفْ قُلُوبْنَا.

يُوحَنَّا 21:18

أَسْمَعْ نُقُولْ لَيْك الْحَقّ، وَكِتْ إِنْتَ صَغَيَّرْ، إِنْتَ رَبَطْت صُلْبَكْ وَ مَشَيْت مِثِلْ دَوَّرْتَهْ. لَاكِنْ وَكِتْ تَبْقَى كَبِيرْ، تِمِدّ إِيدَيْنَكْ وَ نَادُمْ آخَرْ يَرْبُطَكْ وَ يِوَدِّيكْ فِي بَكَانْ الْإِنْتَ مَا تِدَوْر تَمْشِي فَوْقَهْ.»

يُوحَنَّا 19:11

وَ عِيسَى رَدَّ لَيَّهْ وَ قَالْ: «إِنْتَ مَا عِنْدَكْ سُلْطَةْ فَوْقِي إِلَّا السُّلْطَةْ الْاللّٰهْ أَنْطَاهَا لَيْك. وَ أَشَانْ دَا، النَّادُمْ السَّلَّمَانِي لَيْك هُو خَاطِي مِنَّكْ زِيَادَةْ.»

مَتَّى 26:17

وَ فِي أَوَّلْ يَوْم مِنْ أَيَّامْ عِيدْ الْخُبْزَةْ بَلَا تَوَّارَةْ، تَلَامِيذ عِيسَى جَوْا لَيَّهْ وَ قَالَوْا: «تِدَوْر أَنِحْنَ نَمْشُوا وَيْن أَشَانْ نِحَصُّلُوا لَيْك عَشَاءْ عِيدْ الْفِصْحَ؟»

زَبُور 76:10

حَتَّى زَعَلْ الْإِنْسَانْ يِوَصِّفْ مَجْدَكْ وَ الْمَا يِخَلُّوا زَعَلْهُمْ يَقْعُدُوا حَزْنَانِينْ.

أعمال الرُسُل 4:13

وَ نَاسْ الْمَجْلَسْ أَلْعَجَّبَوْا أَشَانْ بُطْرُسْ وَ يُوحَنَّا هُمَّنْ نَاسْ حِلَّةْ بَسْ وَ مَا عُلَمَاءْ وَ لَاكِنْ كَلَّمَوْا لِلْمَجْلَسْ بَلَا خَوْف. وَ عِرْفَوْا كَدَرْ بُطْرُسْ وَ يُوحَنَّا أَوَّلْ رَايْغِينْ مَعَ عِيسَى.

أعمال الرُسُل 2:14

بُطْرُسْ قَمَّ مَعَ الرُّسُلْ الْإِحْدَى عَشَرْ. وَ هُو كَلَّمْ لِلنَّاسْ بِحِسّ شَدِيدْ وَ قَالْ: «يَا أَخْوَانِي الْيَهُودْ وَ كُلَّ الضِّيفَانْ الْقَاعِدِينْ فِي مَدِينَةْ الْقُدُسْ، أَسْمَعَوْا كَلَامِي وَ نِفَسِّرْ لَيْكُو الشَّيّءْ الْبِقِي.

أعمال الرُسُل 12:4

وَ كَرَبْ بُطْرُسْ وَ دَسَّاهْ فِي السِّجِنْ. وَ كَلَّفْ بَيَّهْ 16 عَسْكَرْ وَ فِي أَيِّ وَكِتْ، 4 عَسْكَرْ قَاعِدِينْ مَعَايَهْ لِيَحَرْسُوهْ. وَ الْمَلِكْ دَوَّرْ يَمْرُقْ بُطْرُسْ وَ يِقَدِّمَهْ لِلشَّعَبْ بَعَدْ عِيدْ الْفِصْحَ.