أعمال الرُسُل 10:3 - الكتاب المقدس بالعربي الدارجي هنا تشاد

³ وَ يَوْم وَاحِدْ مِثِلْ السَّاعَةْ تَلَاتَةْ بَعَدْ الضُّهُرْ، رُؤْيَةْ جَاتْ لِكَرْنِيلِي. وَ فِي الرُّؤْيَةْ دِي، هُو شَافْ وَاحِدْ مِنْ مَلَائِكَةْ اللّٰهْ جَايِ لَيَّهْ فِي بَيْتَهْ. وَ الْمَلَكْ كَلَّمْ لَيَّهْ وَ قَالْ: «يَا كَرْنِيلِي!»

أعمال الرُسُل 10:3 Referenca të Kryqëzuara

أعمال الرُسُل 3:1

وَ يَوْم وَاحِدْ، بُطْرُسْ وَ يُوحَنَّا مَاشِينْ فِي بَيْت اللّٰهْ أَشَانْ يِصَلُّوا صَلَاةْ هَنَا السَّاعَةْ تَلَاتَةْ.

أعمال الرُسُل 5:19

وَ لَاكِنْ فِي أُسْط اللَّيْل، وَاحِدْ مِنْ مَلَائِكَةْ اللّٰهْ جَاءْ فَكَّ بِيبَانْ السِّجِنْ وَ مَرَقَاهُمْ مِنَّهْ. وَ قَالْ لَيْهُمْ:

عِبْرَانِيِّين 1:14

وَ الْمَلَائِكَةْ هُمَّنْ كُلُّهُمْ أَرْوَاحْ خَدَّامِينْ بَسْ وَ اللّٰهْ يِرَسِّلْهُمْ أَشَانْ يَخْدُمُوا فِي شَانْ النَّاسْ الْيَلْقَوْا النَّجَاةْ.

عِبْرَانِيِّين 1:4

وَ اللّٰهْ أَنْطَاهْ دَرَجَةْ كَبِيرَةْ زِيَادَةْ مِنْ الْمَلَائِكَةْ مِثِلْ الْأُسُمْ الْاللّٰهْ أَنْطَاهْ لَيَّهْ أَفْضَلْ زِيَادَةْ مِنْ أَسَامَيْهُمْ.

أعمال الرُسُل 27:23

فِي لَيْلَةْ دِي، اللّٰهْ الْأَنَا نَعَبُدَهْ وَ أَنَا هَنَايَهْ هُو بَسْ، هُو رَسَّلْ لَيِّ وَاحِدْ مِنْ مَلَائِكَتَهْ. وَ الْمَلَكْ جَاءْ وَقَفْ فِي جَنْبِي

أعمال الرُسُل 11:13

هُو أَوْرَانَا بِكِكَّيْف هُو شَافْ وَاحِدْ مِنْ الْمَلَائِكَةْ وَاقِفْ فِي بَيْتَهْ. وَ الْمَلَكْ قَالْ لَيَّهْ: ‹رَسِّلْ رُجَالْ فِي يَافَا أَشَانْ يِنَادُوا سِمْعَانْ الْبِنَادُوهْ بُطْرُسْ يَجِي لَيْك.

أعمال الرُسُل 10:30

وَ كَرْنِيلِي رَدَّ لَيَّهْ وَ قَالْ: «عِنْدِنَا أَرْبَعَةْ يَوْم، السَّاعَةْ مِثِلْ الْوَكِتْ دَا، أَنَا فِي بَيْتِي وَ قَاعِدْ نِصَلِّي صَلَاةْ هَنَا السَّاعَةْ تَلَاتَةْ. وَ فَجْأَةً، رَاجِلْ لَابِسْ خَلَقْ أَبْيَضْ مِثِلْ الْبَرَّاقَةْ بَانْ قِدَّامِي.

أعمال الرُسُل 10:19

وَكِتْ بُطْرُسْ قَاعِدْ يِفَكِّرْ فِي مَعَنَى الرُّؤْيَةْ دِي بَسْ، الرُّوحْ الْقُدُّوسْ كَلَّمْ لَيَّهْ وَ قَالْ: «أَسْمَعْ، فِي تَلَاتَةْ رُجَالْ قَاعِدِينْ فِي خَشُمْ الْبَيْت. يَسْأَلَوْا مِنَّكْ.

أعمال الرُسُل 10:17

وَ بُطْرُسْ أَلْعَجَّبْ وَ بَدَا يَسْأَلْ فِي نَفْسَهْ شُنُو مَعَنَى الرُّؤْيَةْ الشَّافَاهَا. وَ فِي الْوَكِتْ دَا بَسْ، الرُّجَالْ الْكَرْنِيلِي رَسَّلَاهُمْ لِقَوْا بَيْت سِمْعَانْ الدَّبَّاغِي وَ جَوْا وَقَفَوْا فِي خَشُمْ الْبَيْت.

أعمال الرُسُل 9:10

وَ نَادُمْ وَاحِدْ قَاعِدْ فِي دِمَشْق أُسْمَهْ حَنَانِيَّا وَ هُو تِلْمِيذْ الْمَسِيحْ. الرَّبّ عِيسَى بَانْ لَيَّهْ فِي رُؤْيَةْ وَ قَالْ: «يَا حَنَانِيَّا!» وَ حَنَانِيَّا رَدَّ لَيَّهْ وَ قَالْ: «نَعَمْ، يَا رَبّ.»

أعمال الرُسُل 9:4

وَ شَاوُولْ وَقَعْ فِي التُّرَابْ وَ سِمِعْ حِسّ نَادُمْ قَاعِدْ يِكَلِّمْ لَيَّهْ وَ يُقُولْ: «يَا شَاوُولْ، يَا شَاوُولْ! مَالَكْ تِتَعِّبْنِي؟»

لُوقا 2:13

وَ طَوَّالِي، بَانَوْا مَعَ الْمَلَكْ دَا مَلَائِكَةْ كَتِيرِينْ بِلْحَيْن مِنْ جُنُودْ اللّٰهْ. وَ هُمَّنْ قَاعِدِينْ يَشْكُرُوا اللّٰهْ وَ يُقُولُوا:

لُوقا 1:11

وَ وَكِتْ زَكَرِيَّا دَخَلْ فِي بَيْت اللّٰهْ، طَوَّالِي وَاحِدْ مِنْ مَلَائِكَةْ اللّٰهْ بَانْ لَيَّهْ. وَ هُو شَافْ الْمَلَكْ وَاقِفْ بِنُصّ الزَّيْنَايْ لِمُخْبَرْ الْبَخُورْ.

مَتَّى 27:46

وَ قَرِيبْ السَّاعَةْ تَلَاتَةْ، عِيسَى عَاطْ بِحِسّ عَالِي بِكَلَامْ عِبْرَانِي وَ قَالْ: «إِيلِي إِيلِي لَمَا شَبَقْتَنِي» وَ مَعَنَاتَهْ <إِلٰـهِي، إِلٰـهِي مَالَا خَلَّيْتنِي؟>

إشَعْيا 45:4

فِي شَانْ يَعْقُوبْ عَبْدِي وَ فِي شَانْ إِسْرَائِيلْ الْأَنَا عَزَلْتَهْ، أَنَا نَادَيْتَكْ بِأُسْمَكْ وَ دَرَّجْتَكْ قَبُلْ مَا تَعَرِفْنِي.

خُروج 33:17

وَ اللّٰهْ قَالْ لِمُوسَى: «الشَّيّءْ الْإِنْتَ طَلَبْتَهْ دَا، أَنَا نِسَوِّيهْ أَشَانْ أَنَا رِضِيتْ لَيْك وَ أَنَا بَسْ عَزَلْتَكْ.»

زَبُور 55:17

وَ بِفَجُرْ وَ قَايْلَةْ وَ عَشِيَّةْ، أَنَا نَشْكِي وَ نَقْنِتْ وَ هُو سِمِعْ حِسِّي.

أعمال الرُسُل 10:9

وَ أَمْبَاكِرْ بِضُهُرْ وَكِتْ الرُّجَالْ التَّلَاتَةْ دَوْل مَاشِينْ فِي الدَّرِبْ قَرَّبَوْا لِحِلَّةْ يَافَا، بُطْرُسْ طَلَعْ فِي رَاسْ الْبَيْت أَشَانْ يِصَلِّي.