أعمال الرُسُل 1:9 - الكتاب المقدس بالعربي الدارجي هنا تشاد

⁹ وَ بَعَدْ عِيسَى قَالْ الْكَلَامْ دَا، أَنْرَفَعْ فِي السَّمَاءْ وَ هُمَّنْ شَايْفِينْ عِيسَى طَالِعْ وَ سَحَابْ دَارَقَهْ مِنْهُمْ.

أعمال الرُسُل 1:9 Referenca të Kryqëzuara

دَنْيال 7:13

وَ بِاللَّيْل فِي رُؤْيِتِي، أَنَا شِفْت وَاحِدْ بِشَابِهْ إِبْن الْإِنْسَانْ جَايِ فِي لُبّ السَّحَابْ. وَ وَصَّلْ بَكَانْ الشَّايِبْ كَبِيرْ السِّنّ وَ قَدَّمَوْه لَيَّهْ.

مَرْخُوس 16:19

وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ.

أعمال الرُسُل 1:2

لَحَدِّي الْيَوْم الْاللّٰهْ رَفَعَهْ فِي السَّمَاوَاتْ. وَ قُبَّالْ اللّٰهْ مَا يَرْفَعَهْ، عِيسَى حَجَّى لِلنَّاسْ الْعَزَلَاهُمْ لِيَبْقَوْا رُسُلْ وَ أَمَرَاهُمْ بِقُدْرَةْ الرُّوحْ الْقُدُّوسْ.

خُروج 19:9

وَ اللّٰهْ قَالْ لِمُوسَى: «دَاهُو أَنَا نِقَابِلَكْ فِي سَحَابَايْ مُضَلِّمَةْ أَشَانْ كُلَّ الشَّعَبْ يَسْمَعَوْنِي وَكِتْ أَنَا نِكَلِّمْ مَعَاكْ. وَ بِمِثِلْ دَا، هُمَّنْ يِآمُنُوا بَيْك دَايْماً.» وَ فِي الْوَكِتْ دَا، مُوسَى حَجَّى كَلَامْ الشَّعَبْ لِلّٰهْ.

رُؤية 11:12

وَ حِسّ شَدِيدْ مِنْ السَّمَاءْ أَنْسَمَعْ وَ كَلَّمْ لَيْهُمْ وَ قَالْ: «تَعَالُوا فَوْق.» وَ الشُّهُودْ الْإِتْنَيْن طَلَعَوْا فِي لُبّ سَحَابَايْ قِدَّامْ عُدْوَانْهُمْ وَ فَاتَوْا فِي السَّمَاوَاتْ.

يُوحَنَّا 6:62

تِسَوُّوا شُنُو كَنْ تِشِيفُوا إِبْن الْإِنْسَانْ طَالِعْ فِي الْبَكَانْ الْأَوَّلْ قَاعِدْ فَوْقَهْ؟

لُوقا 21:27

وَ فِي الْوَكِتْ دَاكْ، يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

زَبُور 68:18

يَا اللّٰهْ الرَّبّ! إِنْتَ طَلَعْت فِي الْعَالِي وَ كَرَبْت مَسَاجِينْ وَ شِلْت هَدَايَا مِنْ النَّاسْ حَتَّى مِنْ الْحَرَامِيِّينْ كُلَ وَ سَوَّيْت مَسْكَنَكْ فِي جَبَلْ صَهْيُون.

رُؤية 14:4

هُمَّنْ مَا نَجَّسَوْا نُفُوسْهُمْ مَعَ الْعَوِينْ وَ لَاكِنْ قَاعِدِينْ طَاهِرِينْ مَرَّةْ وَاحِدْ. وَ دَوْل هُمَّنْ الْيِتَابُعُوا الْحَمَلْ فِي أَيِّ بَكَانْ الْهُو يَمْشِي فَوْقَهْ. وَ دَوْل بَسْ النَّاسْ الْهُو فَدَاهُمْ مِنْ أُسْط النَّاسْ وَ هُمَّنْ بِقَوْا خَاصّ لِلّٰهْ وَ لِلْحَمَلْ مِثِلْ أَوَّلْ إِنْتَاجْ هَنَا زَرَعْ هُو خَاصّ لِلّٰهْ.

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

خُروج 34:5

وَ خَلَاصْ، اللّٰهْ نَزَلْ فِي عَمُودْ السَّحَابْ فِي الْبَكَانْ الْمُوسَى وَاقِفْ فَوْقَهْ. وَ عَالَنْ أُسْمَهْ هُو اللّٰهْ.

أعمال الرُسُل 1:11

وَ قَالَوْا: «يَا رُجَالْ دَارْ الْجَلِيلْ، مَالْكُو إِنْتُو وَاقْفِينْ تِصَنْقُعُوا فَوْق فِي السَّمَاءْ؟ شِفْتُوا عِيسَى طَالِعْ مِنْكُو وَ فَاتْ فِي السَّمَاءْ. وَ بِنَفْس الطَّرِيقَةْ دِي، هُو يِقَبِّلْ مِنْ السَّمَاءْ فِي الْأَرْض!»

1 تَسَلونِيكِي 4:17

وَ بَعَدْ دَا، أَنِحْنَ الْحَيِّينْ اللِّسَّاعْنَا مَا مُتْنَا، اللّٰهْ يَرْفَعْنَا مَعَاهُمْ سَوَا فِي السَّحَابْ وَ نِلِمُّوا مَعَ الرَّبّ فَوْق فِي السَّمَاءْ. وَ خَلَاصْ، نَقْعُدُوا دَايْماً مَعَ الرَّبّ.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.