أعمال الرُسُل 1:8 - الكتاب المقدس بالعربي الدارجي هنا تشاد

⁸ وَ لَاكِنْ وَكِتْ الرُّوحْ الْقُدُّوسْ يَنْزِلْ فَوْقكُو، تَلْقَوْا قُدْرَةْ أَشَانْ تَشْهَدَوْا لَيِّ فِي مَدِينَةْ الْقُدُسْ وَ فِي كُلَّ دَارْ الْيَهُودِيَّةْ وَ فِي دَارْ السَّامِرَةْ وَ لَحَدِّي آخِرْ الْأَرْض.»

أعمال الرُسُل 1:8 Referenca të Kryqëzuara

مَتَّى 28:19

أَشَانْ دَا، أَمْشُوا نَادُوا نَاسْ هَنَا كُلَّ الْأُمَمْ أَشَانْ يَبْقَوْا تَلَامِيذِي وَ غَطُّسُوهُمْ فِي أَلْمِي بِأُسُمْ اللّٰهْ الْأَبُو وَ إِبْنَهْ الْمَسِيحْ وَ الرُّوحْ الْقُدُّوسْ.

مَرْخُوس 16:15

وَ قَالْ لَيْهُمْ: «أَمْشُوا فِي كُلَّ الْأَرْض وَ بَلُّغُوا الْبِشَارَةْ لِكُلَّ النَّاسْ فِي كُلَّ بَكَانْ.

رَوْمَا 15:19

وَ بِقُدْرَةْ الْعَجَايِبْ وَ الْعَلَامَاتْ وَ بِقُدْرَةْ الرُّوحْ الْقُدُّوسْ. وَ مِثِلْ دَا، أَنَا بَلَّغْت بِشَارَةْ الْمَسِيحْ لِلنَّاسْ فِي كُلِّ بَكَانْ مِنْ مَدِينَةْ الْقُدُسْ لَحَدِّي بَلَدْ إِلِّرْكُونْ.

أعمال الرُسُل 5:32

وَ أَنِحْنَ شُهُودْ لِلْكَلَامْ دَا. وَ الرُّوحْ الْقُدُّوسْ الْاللّٰهْ يِنَزِّلَهْ فِي النَّاسْ الْيِتَابُعُوا كَلَامَهْ، هُو كُلَ شَاهِدْ مَعَانَا.»

أعمال الرُسُل 4:33

وَ الرُّسُلْ قَاعِدِينْ يَشْهَدَوْا لِبُعَاثْ الرَّبّ عِيسَى بِقُدْرَةْ كَبِيرَةْ بِلْحَيْن وَ رَحْمَةْ اللّٰهْ قَاعِدَةْ فِي كُلَّ الْمُؤمِنِينْ بِزِيَادَةْ.

أعمال الرُسُل 6:8

وَ إِسْتِفَانْ أَنْمَلَى بِرَحْمَةْ وَ قُدْرَةْ مِنْ اللّٰهْ وَ قَاعِدْ يِسَوِّي عَلَامَاتْ وَ عَجَايِبْ كُبَارْ مَرَّةْ وَاحِدْ فِي أُسْط النَّاسْ.

رَوْمَا 10:18

لَاكِنْ نَسْأَلْ شَيّءْ وَاحِدْ. صَحِيحْ، الْيَهُودْ لِسَّاعْ مَا سِمْعَوْا الْبِشَارَةْ دِي وَلَّا؟ لَا، هُمَّنْ سِمْعَوْهَا. الْكِتَابْ بُقُولْ: <حِسُّهُمْ أَنْسَمَعْ فِي كُلَّ الْأَرْض، أَيْوَى كَلَامْهُمْ لَحَدِّي آخِرْ الدُّنْيَا.>

يُوحَنَّا 15:27

وَ إِنْتُو كُلَ تَشْهَدَوْا لَيِّ أَشَانْ إِنْتُو قَاعِدِينْ مَعَايِ مِنْ الْبِدَايَةْ.»

لُوقا 10:19

أَنَا أَنْطَيْتكُو قُدْرَةْ أَشَانْ تِفَجُّقُوا الدَّبِيبْ وَ الْعَقَارِبْ. وَ أَنْطَيْتكُو قُدْرَةْ لَحَدِّي تِنَّصُرُوا فِي كُلَّ قُدْرَةْ إِبْلِيسْ الْعَدُو. مَا فِي شَيّءْ الْيِتَعِّبْكُو.

أعمال الرُسُل 1:5

يَحْيَى غَطَّسْ النَّاسْ فِي الْأَلْمِي وَ لَاكِنْ بَعَدْ أَيَّامْ بَسْ، اللّٰهْ يِغَطِّسْكُو بِالرُّوحْ الْقُدُّوسْ.»

مَتَّى 24:14

وَ يِبَلُّغُوا بِشَارَةْ مَمْلَكَةْ اللّٰهْ فِي كُلَّ الدُّنْيَا وَ يَشْهَدَوْا لَيْهَا لِكُلَّ الْأُمَمْ وَ بَعَدْ دَا بَسْ، كُمَالَةْ الدُّنْيَا.

أعمال الرُسُل 2:32

«وَ عِيسَى دَا، اللّٰهْ بَعَثَهْ وَ أَنِحْنَ شِفْنَاهْ وَ كُلِّنَا شُهُودْ لَيَّهْ.

زَكَرِيَّا 4:6

وَ خَلَاصْ، هُو قَالْ لَيِّ: «اللّٰهْ حَجَّى لِزَرُبَابِلْ وَ قَالْ: ‹الْخِدْمَةْ دِي مَا بِقُوَّةْ وَ لَا بِقُدْرَةْ وَ لَاكِنْ بِرُوحِي أَنَا. وَ دَا، اللّٰهْ الْقَادِرْ بَسْ قَالَهْ.

أعمال الرُسُل 22:15

أَشَانْ إِنْتَ تَبْقَى لَيَّهْ شَاهِدْ وَ تِحَجِّي فِي شَانَهْ لِكُلَّ النَّاسْ وَ تِأَوْرِيهُمْ بِكُلَّ شَيّءْ الشِّفْتَهْ وَ السِّمِعْتَهْ.

مِيخا 3:8

وَ لَاكِنْ أَنَا مَلَانْ بِقُدْرَةْ أَشَانْ رُوحْ اللّٰهْ نَزَلْ فَوْقِي. وَ عِنْدِي الْعَدَالَةْ وَ الْفَحَالِيَّةْ لِنِخَبِّرْ ذُرِّيَّةْ يَعْقُوبْ بِعِصْيَانْهُمْ وَ بَنِي إِسْرَائِيلْ بِذَنِبْهُمْ.

زَبُور 22:27

كُلَّ أُمَمْ الْأَرْض يِذَّكَّرَوْا اللّٰهْ وَ يَسْمَعَوْا كَلَامَهْ وَ كُلَّ الْعَايِلَاتْ وَ الْأُمَمْ يَسْجُدُوا قِدَّامَهْ.

أعمال الرُسُل 13:31

وَ مُدَّةْ أَيَّامْ كَتِيرِينْ، عِيسَى قَاعِدْ يِبِينْ لِلنَّاسْ الرَّاغَوْا مَعَايَهْ مِنْ دَارْ الْجَلِيلْ لِمَدِينَةْ الْقُدُسْ. وَ هَسَّعْ هُمَّنْ قَاعِدِينْ يَشْهَدَوْا لَيَّهْ قِدَّامْ النَّاسْ.

لُوقا 1:35

وَ الْمَلَكْ جِبْرِيلْ قَالْ لَيْهَا: «الرُّوحْ الْقُدُّوسْ يَجِي لَيْكِ وَ قُدْرَةْ اللّٰهْ الْعَالِي تَنْزِلْ فَوْقكِ وَ أَشَانْ دَا، الْوِلَيْد التَّلْدَيْه يُكُونْ قُدُّوسْ وَ يِنَادُوهْ إِبْن اللّٰهْ.

أعمال الرُسُل 3:15

وَ خَلَاصْ، كَتَلْتُوا النَّادُمْ الْيَنْطِيكُو الْحَيَاةْ. وَ لَاكِنْ اللّٰهْ بَعَثَهْ مِنْ أُسْط الْمَيْتِينْ وَ أَنِحْنَ شُهُودْ لِبُعَاثَهْ.

إشَعْيا 52:10

وَ اللّٰهْ بَيَّنْ إِيدَهْ الْمُقَدَّسَةْ لِكُلَّ الْأُمَمْ. وَ كُلَّ سُكَّانْ الْأَرْض يِشِيفُوا النَّجَاةْ الْيَنْطِيهَا إِلٰـهْنَا!

كُلُوسِي 1:23

وَ دَا كُلَ يَبْقَى لَيْكُو كَنْ تَقْعُدُوا ثَابْتِينْ وَ قَوِيِّينْ فِي الْإِيمَانْ وَ مَا خَلَّيْتُوا عَشَمْكُو الْأَوَّلْ لِقِيتُوهْ وَكِتْ سِمِعْتُوا بِشَارَةْ الْمَسِيحْ. وَ الْبِشَارَةْ دِي، بَلَّغَوْهَا لِكُلَّ مَخْلُوقْ فِي الْأَرْض وَ أَنَا بُولُسْ بِقِيتْ خَدَّامَهْ أَشَانْ نِبَلِّغْ الْبِشَارَةْ لِلنَّاسْ.

أعمال الرُسُل 1:22

مِنْ يَحْيَى غَطَّسَهْ فِي أَلْمِي لَحَدِّي الْيَوْم الْاللّٰهْ رَفَعَهْ مِنِّنَا وَ شَالَهْ فِي السَّمَاءْ. وَ النَّادُمْ النَّعَزُلُوهْ يَبْقَى شَاهِدْ مَعَانَا فِي بُعَاثْ عِيسَى.»

إشَعْيا 66:19

وَ نُخُطّ فِي لُبُّهُمْ عَلَامَةْ. وَ مِنْ الْفَضَّلَوْا، نِرَسِّلْ نَاسْ وَاحِدِينْ لِلْأُمَمْ الْيَعَرْفُوا يِسْتَعْمَلَوْا النُّشَّابْ يَعْنِي فِي تَرْشِيشْ وَ فُولْ وَ لُودْ. وَ نِرَسِّلْهُمْ بَتَّانْ لِنَاسْ تُوبَلْ وَ بَلَدْ يَوَانْ وَ بَعِيدْ فِي الْجَزَايِرْ فِي بَكَانْ الْفَوْقَهْ أَبَداً مَا سِمْعَوْا بَيِّ وَ لَا شَافَوْا مَجْدِي. وَ هِنَاكْ يِعَرُّفُوا مَجْدِي لِلْأُمَمْ دَوْل.»

إشَعْيا 49:6

وَ اللّٰهْ قَالْ: «دَا شِيَّةْ لَيْك تَبْقَى عَبْدِي وَ تِثَبِّتْ قَبَايِلْ يَعْقُوبْ وَ تِقَبِّلْ الْفَضَّلَوْا مِنْ بَنِي إِسْرَائِيلْ. زِيَادَةْ مِنْ دَا، أَنَا نِسَوِّيكْ نُورْ لِلْأُمَمْ أَشَانْ نَجَاتِي تَلْحَقْ لَحَدِّي طَرَفْ الْأَرْض.»

أعمال الرُسُل 8:1

وَ شَاوُولْ مُوَافِقْ بِكَتِلْ إِسْتِفَانْ. وَ فِي نَفْس الْيَوْم بَسْ، النَّاسْ قَمَّوْا يِتَعُّبُوا أُمَّةْ الْمَسِيحْ فِي مَدِينَةْ الْقُدُسْ تَعَبْ شَدِيدْ. وَ كُلَّ الْأَخْوَانْ جَرَوْا مِنْ الْمَدِينَةْ وَ شَتَّوْا فِي الْكَدَادَةْ هَنَا دَارْ الْيَهُودِيَّةْ وَ دَارْ السَّامِرَةْ. وَ إِلَّا الرُّسُلْ فَضَّلَوْا فِي الْمَدِينَةْ.

إشَعْيا 42:10

غَنُّوا لِلّٰهْ غِنَيْ جَدِيدْ. غَنُّوا بِحَمْدَهْ مِنْ طَرَفْ الْأَرْض لِطَرَفْهَا. غَنُّوا، إِنْتُو التُّشُقُّوا الْبَحَرْ وَ إِنْتُو الْمَخْلُوقِينْ السَّاكْنِينْ فَوْقَهْ وَ كُلَّ جَزَايِرْ الْبَحَرْ وَ سُكَّانْهُمْ!

زَبُور 98:3

هُو فَكَّرْ فِي رَحْمَتَهْ وَ صِدْقَهْ مَعَ بَنِي إِسْرَائِيلْ. لَحَدِّي آخِرْ الْأَرْض، شَافَوْا نَجَاتْنَا الْجَايَةْ مِنْ إِلٰـهْنَا.

لُوقا 24:29

لَاكِنْ النَّاسَيْن دَوْل عَصَّرَوْه وَ قَالَوْا: «أَقْعُدْ مَعَانَا. الْمَغْرِبْ جَاتْ وَ الْيَوْم قَرِيبْ يِكَمِّلْ.» وَ خَلَاصْ، هُو دَخَلْ فِي الْبَيْت أَشَانْ يِدَلِّي مَعَاهُمْ.

إرْمِيا 16:19

يَا اللّٰهْ! إِنْتَ قُدُرْتِي وَ بَكَانِي الْقَوِي وَ إِنْتَ مَلْجَئِي فِي يَوْم الضِّيقَةْ. لَيْك إِنْتَ يَجُوا الْأُمَمْ مِنْ آخِرْ الْأَرْض وَ يُقُولُوا: «جُدُودْنَا وَرَثَوْا إِلَّا إِلٰـهَاتْ غَشَّاشِينْ وَ هُمَّنْ الزَّايْلِينْ الْمَا عِنْدُهُمْ فَايْدَةْ.