أعمال الرُسُل 1:3 - الكتاب المقدس بالعربي الدارجي هنا تشاد

³ بَعَدْ مَوْتَهْ، عِيسَى ثَبَّتْ لَيْهُمْ بِدَلَايِلْ كَتِيرِينْ كَدَرْ هُو حَيّ. وَ قَاعِدْ يِبِينْ لَيْهُمْ فِي مُدَّةْ أَرْبَعِينْ يَوْم وَ يِكَلِّمْ لَيْهُمْ بِمَمْلَكَةْ اللّٰهْ.

أعمال الرُسُل 1:3 Referenca të Kryqëzuara

أعمال الرُسُل 13:31

وَ مُدَّةْ أَيَّامْ كَتِيرِينْ، عِيسَى قَاعِدْ يِبِينْ لِلنَّاسْ الرَّاغَوْا مَعَايَهْ مِنْ دَارْ الْجَلِيلْ لِمَدِينَةْ الْقُدُسْ. وَ هَسَّعْ هُمَّنْ قَاعِدِينْ يَشْهَدَوْا لَيَّهْ قِدَّامْ النَّاسْ.

يُوحَنَّا 20:26

وَ بَعَدْ أُسْبُوعْ، تَلَامِيذ عِيسَى لَمَّوْا بَتَّانْ فِي نَفْس الْبَيْت وَ تُومَا مَعَاهُمْ. وَ الْبِيبَانْ مُقَفَّلِينْ وَ لَاكِنْ عِيسَى جَاءْ وَ بَانْ فِي أُسُطْهُمْ. وَ عِيسَى سَلَّمَاهُمْ وَ قَالْ: «السَّلَامْ عَلَيْكُمْ.»

1 يُوحَنَّا 1:1

الْكَلَامْ النِّبَلُّغُوهْ لَيْكُو قَاعِدْ مِنْ الْبِدَايَةْ وَ أَنِحْنَ سِمِعْنَاهْ وَ شِفْنَاهْ بِعُيُونَّا لَحَدِّي عِرِفْنَاهْ عَدِيلْ كَيْ وَ لَمَّسْنَاهْ بِإِيدَيْنَّا وَ هُو كَلَامْ الْحَيَاةْ.

يُوحَنَّا 21:14

وَ دِي تَالِتْ مَرَّةْ عِيسَى بَانْ لِتَلَامِيذَهْ مِنْ هُو بَعَثْ مِنْ أُسْط الْمَيْتِينْ.

يُوحَنَّا 21:1

وَ بَعَدَيْن عِيسَى بَانْ بَتَّانْ لِتَلَامِيذَهْ جَنْب بَحَرْ طِبِرِيَاسْ. وَ دَاهُو كِكَّيْف هُو بَانْ لَيْهُمْ.

مَتَّى 28:9

وَكِتْ مَاشَاتْ أَشَانْ يِخَبِّرَنْ التَّلَامِيذ، عِيسَى ذَاتَهْ لَاقَاهِنْ وَ قَالْ لَيْهِنْ: «السَّلَامْ عَلَيْكَنْ.» الْعَوِينْ قَرَّبَنْ لَيَّهْ وَ كَرَبَنْ رِجِلَيْنَهْ وَ سَجَدَنْ لَيَّهْ.

أعمال الرُسُل 28:31

وَ قَاعِدْ يِبَلِّغْ بِشَارَةْ مَمْلَكَةْ اللّٰهْ وَ يِعَلِّمْ كُلَّ النَّاسْ بِالرَّبّ عِيسَى الْمَسِيحْ بَلَا خَوْف. وَ نَادُمْ وَاحِدْ مَا دَحَرَهْ.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

كُلُوسِي 1:13

أَيْوَى، اللّٰهْ فَزَعَانَا وَ مَرَقَانَا مِنْ مُلُكْ الضَّلَامْ وَ وَدَّانَا فِي مَمْلَكَةْ إِبْنَهْ الْيِرِيدَهْ.

رَوْمَا 14:17

أَشَانْ الْمُهِمّ فِي مَمْلَكَةْ اللّٰهْ مَا الْأَكِلْ وَ الشَّرَابْ، لَاكِنْ هُو الْعَدَالَةْ وَ السَّلَامْ وَ الْفَرْحَةْ فِي الرُّوحْ الْقُدُّوسْ.

مَتَّى 21:43

«وَ أَشَانْ دَا، نُقُولْ لَيْكُو اللّٰهْ يِشِيلْ مَمْلَكَتَهْ مِنْكُو وَ يَنْطِيهَا لِلْأُمَّةْ التِّجِيبْ لَيَّهْ فَايْدَةْ.

تَثْنِية 9:9

وَ وَكِتْ أَنَا طَلَعْت فِي الْجَبَلْ لِنِشِيلْ اللِّيحَانْ هَنَا الْحَجَرْ الْفَوْقهُمْ الْمُعَاهَدَةْ السَّوَّاهَا اللّٰهْ مَعَاكُو، أَنَا قَعَدْت 40 يَوْم وَ 40 لَيْلَةْ وَ لَا أَكَلْت وَ لَا شِرِبْت.

مَتَّى 4:2

وَ هُو صَايِمْ لَيْل وَ نَهَارْ 40 يَوْم وَ بَعَدْ دَا، جُوعْ سَوَّاهْ.

مَتَّى 3:2

وَ يُقُولْ: «يَلَّا! تُوبُوا مِنْ ذُنُوبْكُو! أَشَانْ مَمْلَكَةْ اللّٰهْ قَرَّبَتْ.»

1 مُلوك 19:8

وَ إِلِيَاسْ قَمَّ أَكَلْ وَ شِرِبْ. وَ بَعَدْ لِقِي قُدْرَةْ مِنْ الْأَكِلْ دَا، رَاغْ مُدَّةْ 40 لَيْلَةْ وَ 40 نَهَارْ لَحَدِّي وِصِلْ فِي جَبَلْ اللّٰهْ الْأُسْمَهْ حُورِيبْ.

تَثْنِية 9:18

وَ أَنَا وَقَعْت وَ سَجَدْ قِدَّامْ اللّٰهْ مِثِلْ أَوَّلْ لِمُدَّةْ 40 يَوْم وَ 40 لَيْلَةْ وَ لَا أَكَلْت وَ لَا شِرِبْت. وَ دَا بِسَبَبْ كُلَّ ذُنُوبْكُو وَكِتْ سَوَّيْتُوا الْفَسَالَةْ قِدَّامْ اللّٰهْ لِتِغَضُّبُوهْ.

مَرْخُوس 16:19

وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ.

أعمال الرُسُل 8:12

وَ فِلِبُّسْ بَشَّرَاهُمْ بِعِيسَى الْمَسِيحْ وَ مَمْلَكَةْ اللّٰهْ وَ السَّامِرِيِّينْ آمَنَوْا بِكَلَامَهْ. وَ هُمَّنْ جَوْا لِفِلِبُّسْ، رُجَالْ وَ عَوِينْ، أَشَانْ هُو يِغَطِّسْهُمْ.

أعمال الرُسُل 19:8

وَ بُولُسْ دَخَلْ فِي بَيْت الصَّلَاةْ وَ بَدَا يِحَجِّي لِلنَّاسْ بَلَا خَوْف. وَ مُدَّةْ تَلَاتَةْ شَهَرْ، هُو يِنَاقِشْ مَعَاهُمْ فِي مَمْلَكَةْ اللّٰهْ أَشَانْ يِجِيبْهُمْ فِي الدَّرِبْ.

أعمال الرُسُل 28:23

وَ قَطَعَوْا لَيَّهْ يَوْم أَشَانْ يِحَجِّي لَيْهُمْ. وَ فِي الْيَوْم دَا، نَاسْ كَتِيرِينْ بِلْحَيْن جَوْا لَمَّوْا فِي بَيْتَهْ. وَ مِنْ الْفَجُرْ لَحَدِّي الْمَغْرِبْ، بُولُسْ قَاعِدْ يَشْهَدْ لِمَمْلَكَةْ اللّٰهْ وَ قَاعِدْ يِحَجِّي لَيْهُمْ بِكَلَامْ تَوْرَاةْ مُوسَى وَ الْأَنْبِيَاء أَشَانْ يِجِيبْهُمْ فِي دَرِبْ عِيسَى.