أعمال الرُسُل 1:16 - الكتاب المقدس بالعربي الدارجي هنا تشاد

¹⁶ «يَا الْأَخْوَانْ، الْكَلَامْ الْمَكْتُوبْ فِي الْكِتَابْ، وَاجِبْ يِتِمّ. زَمَانْ، الرُّوحْ الْقُدُّوسْ كَلَّمْ بِوَاسِطَةْ النَّبِي دَاوُدْ فِي يَهُوذَا. هُو الْوَدَّى النَّاسْ لِعِيسَى أَشَانْ يَكُرْبُوهْ.

أعمال الرُسُل 1:16 Referenca të Kryqëzuara

زَبُور 41:9

حَتَّى رَفِيقِي الْمُنْتَكِلْ عَلَيَّهْ وَ يَاكُلْ مَعَايِ خُبْزِتِي، هُو أَنْقَلَبْ ضِدِّي.

يُوحَنَّا 13:18

«وَ الْكَلَامْ الْقُلْتَهْ دَا، مَا لَيْكُو إِنْتُو كُلُّكُو. نَعَرِفْ النَّاسْ الْأَنَا عَزَلْتُهُمْ. وَ لَاكِنْ الْكَلَامْ الْمَكْتُوبْ فِي الْكِتَابْ لَابُدَّ يِتِمّ. مَكْتُوبْ: <الْيَاكُلْ مَعَايِ خُبْزِتِي، هُو أَنْقَلَبْ ضِدِّي.>

أعمال الرُسُل 1:20

وَ بُطْرُسْ قَالْ: «الْكَلَامْ الْمَكْتُوبْ فِي الزَّبُورْ بُقُولْ: <خَلِّي بَيْتَهْ يَخْرَبْ وَ نَادُمْ مَا يَسْكُنْ فَوْقَهْ.> وَ بَتَّانْ مَكْتُوبْ: <خَلِّي نَادُمْ آخَرْ يِبَدِّلَهْ.>

مَتَّى 26:56

وَ لَاكِنْ بِقِي مِثِلْ دَا أَشَانْ كُلَّ شَيّءْ الْأَنْبِيَاء كَتَبَوْه يِتِمّ.» وَ خَلَاصْ كُلَ تَلَامِيذَهْ خَلَّوْه وَ جَرَوْا.

مَتَّى 26:54

وَ لَاكِنْ كَنْ سَوَّيْت كَيْ، كِكَّيْف الْكَلَامْ الْمَكْتُوبْ فِي الْكِتَابْ يِتِمّ؟ الْكِتَابْ يُقُولْ الشَّيّءْ الْقَاعِدْ يَبْقَى هِنِي لَابُدَّ يِتِمّ.»

مَتَّى 26:47

وَ عِيسَى لِسَّاعْ مَا كَمَّلْ الْكَلَامْ دَا بَسْ، يَهُوذَا جَاءْ. هُو وَاحِدْ مِنْ التَّلَامِيذ الْأَتْنَا عَشَرْ وَ جَابْ مَعَايَهْ نَاسْ كَتِيرِينْ عِنْدُهُمْ سُيُوفْ وَ عِصَيْ. كُبَارَاتْ رُجَالْ الدِّينْ وَ الشُّيُوخْ رَسَّلَوْهُمْ.

1 بُطْرُس 1:11

وَ رُوحْ الْمَسِيحْ الْقَاعِدْ فِيهُمْ وَصَّفْ لَيْهُمْ مِنْ أَوَّلْ تَعَبْ الْمَسِيحْ وَ دَخُولَهْ فِي الْمَجْد الْبِقِي بَعَدْ التَّعَبْ. وَ سَأَلَوْا أَشَانْ يَعَرْفُوا الْأَشْيَاءْ دَوْل يَجُوا مَتَى وَ كِكَّيْف.

مَرْخُوس 14:43

وَ عِيسَى لِسَّاعْ مَا كَمَّلْ كَلَامَهْ بَسْ، يَهُوذَا الْمِنْ التَّلَامِيذ الْأَتْنَا عَشَرْ جَاءْ. وَ جَابْ مَعَايَهْ نَاسْ كَتِيرِينْ عِنْدُهُمْ سُيُوفْ وَ عِصَيْ. الرَّسَّلَوْهُمْ كُبَارَاتْ رُجَالْ الدِّينْ وَ الْعُلَمَاءْ وَ الشُّيُوخْ.

2 بُطْرُس 2:21

أَشَانْ كَنْ أَبَداً مَا عِرْفَوْا دَرِبْ الصَّالِحِينْ، دَا أَخَيْر لَيْهُمْ مِنْ عِرْفَوْه وَ خَلَّوْا وَصِيَّةْ اللّٰهْ الْعَلَّمَوْهَا لَيْهُمْ.

أعمال الرُسُل 23:6

وَ وَكِتْ بُولُسْ قَاعِدْ يِشِيفْ نَاسْ الْمَجْلَسْ، هُو عِرِفْ وَاحِدِينْ مِنْهُمْ صَدُّوقِيِّينْ وَ وَاحِدِينْ مِنْهُمْ فَرِيزِيِّينْ. وَ حَجَّى بِحِسّ عَالِي وَ قَالْ: «يَا الْأَخْوَانْ، أَنَا فَرِيزِي وِلَيْد هَنَا فَرِيزِيِّينْ! يِدَوْرُوا يِشَارُعُونِي أَشَانْ أَنَا مُؤمِنْ بِالشَّيّءْ النَّرْجَوْه بِعَشَمْ. أَنَا مُؤمِنْ بِالْبُعَاثْ.»

أعمال الرُسُل 23:1

وَ بُولُسْ قَاعِدْ يِشِيفْ نَاسْ الْمَجْلَسْ عَدِيلْ فِي عُيُونْهُمْ وَ قَالْ: «يَا الْأَخْوَانْ، كُلَّ حَيَاتِي أَنَا عِشْتَهَا بِنِيَّةْ مُخْلِصَةْ قِدَّامْ اللّٰهْ.»

أعمال الرُسُل 22:1

وَ قَالْ: «يَا أَخْوَانِي، يَا أَبَّهَاتِي، أَسْمَعَوْا كَلَامِي. خَلِّي نِدَافِعْ لِنَفْسِي.»

أعمال الرُسُل 15:7

وَ وَكِتْ الْمُنَاقَشَةْ بِقَتْ طَوِيلَةْ، بُطْرُسْ قَمَّ كَلَّمْ لَيْهُمْ وَ قَالْ: «يَا الْأَخْوَانْ، إِنْتُو تَعَرْفُوا مِنْ مُدَّةْ طَوِيلَةْ اللّٰهْ عَزَلَانِي مِنْ أُسُطْكُو وَ رَسَّلَانِي لِلنَّاسْ الْمَا يَهُودْ أَشَانْ هُمَّنْ يَسْمَعَوْا الْبِشَارَةْ مِنْ خَشْمِي وَ يِآمُنُوا بَيْهَا.

أعمال الرُسُل 13:38

«وَ أَشَانْ دَا، يَا الْأَخْوَانْ، خَلِّي تَعَرْفُوا كَدَرْ اللّٰهْ رَسَّلَانَا لِنِبَلُّغُوا لَيْكُو بِغُفْرَانْ الذُّنُوبْ. تَوْرَاةْ مُوسَى مَا قِدِرْ حَرَّرَاكُو مِنْ ذُنُوبْكُو،

أعمال الرُسُل 13:15

وَ بَعَدْ قَرَوْا مِنْ التَّوْرَاةْ وَ مِنْ كِتَابْ الْأَنْبِيَاء، مَسَائِيلْ هَنَا بَيْت الصَّلَاةْ رَسَّلَوْا لَيْهُمْ وَ قَالَوْا: «يَا الْأَخْوَانْ، كَنْ عِنْدُكُو كَلَامْ التِّشَجُّعُوا بَيَّهْ النَّاسْ، خَلَاصْ حَجُّوهْ.»

أعمال الرُسُل 7:2

وَ إِسْتِفَانْ رَدَّ لَيَّهْ وَ قَالْ: «يَا الْأَخْوَانْ وَ الْأَبَّهَاتْ، أَسْمَعَوْا كَلَامِي. اللّٰهْ الْمَجِيدْ بَانْ لِجِدِّنَا إِبْرَاهِيمْ وَكِتْ هُو قَاعِدْ فِي بَلَدْ بَيْن الْنَّهْرَيْن قُبَّالْ مَا مَشَى فِي حِلَّةْ حَارَانْ.

أعمال الرُسُل 2:37

وَ وَكِتْ النَّاسْ سِمْعَوْا الْكَلَامْ دَا، قَلِبْهُمْ أَنْجَرَحْ مَرَّةْ وَاحِدْ وَ سَأَلَوْا بُطْرُسْ وَ الرُّسُلْ الْآخَرِينْ وَ قَالَوْا: «يَا أَخْوَانَّا، وَاجِبْ نِسَوُّوا شُنُو؟»

أعمال الرُسُل 2:23

وَ مِنْ أَوَّلْ، اللّٰهْ عِرِفْ الشَّيّءْ الْيَبْقَى. وَ بِنِيّتَهْ الثَّابْتَةْ، اللّٰهْ سَلَّمْ لَيْكُو عِيسَى. وَ إِنْتُو أَسْتَفَقْتُوا مَعَ النَّاسْ الْفَسْلِينْ لِتَكْتُلُوهْ فِي الصَّلِيبْ.

يُوحَنَّا 19:36

وَ الشَّيّءْ دَا بِقِي أَشَانْ كَلَامْ الْمَكْتُوبْ فِي الْكِتَابْ وَاجِبْ يِتِمّ. وَ الْكَلَامْ دَا بُقُولْ: <وَاحِدْ مِنْ عُضَامَهْ كُلَ مَا يِنْكَسِرْ.>

يُوحَنَّا 10:35

وَ كِتَابْ اللّٰهْ دَايْماً صَحِيحْ. اللّٰهْ قَالْ: ‹إِنْتُو إِلٰـهَاتْ› لِلنَّاسْ الْكَلَامْ اللّٰهْ جَاءْ لَيْهُمْ.

لُوقا 22:47

وَ عِيسَى لِسَّاعْ مَا كَمَّلْ الْكَلَامْ دَا وَ نَاسْ جَوْا وَ النَّادُمْ الْأُسْمَهْ يَهُوذَا قَاعِدْ يُقُودْهُمْ. وَ هُو مِنْ التَّلَامِيذ الْأَتْنَا عَشَرْ. وَ قَرَّبْ لِعِيسَى أَشَانْ يِسَلِّمَهْ بِحُبّ.

مَرْخُوس 12:36

دَاوُدْ ذَاتَهْ كَلَّمْ بِقُدْرَةْ الرُّوحْ الْقُدُّوسْ وَ قَالْ: ‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>›

2 صَمُوِيل 23:2

وَ هُو قَالْ: «رُوحْ اللّٰهْ حَجَّى بِوَاسِطَتِي وَ كَلَّمْ بِخَشْمِي.

أعمال الرُسُل 28:25

وَ مَا أَسْتَفَقَوْا أَمْبَيْنَاتْهُمْ. وَ قُبَّالْ مَا يِشِتُّوا فِي بُيُوتْهُمْ، بُولُسْ قَالْ شَيّءْ وَاحِدْ بَسْ زِيَادَةْ: «أَكِيدْ، كَلَامْ الرُّوحْ الْقُدُّوسْ صَحِيحْ وَكِتْ حَجَّى لِجُدُودْكُو بِخَشُمْ النَّبِي إِشَعْيَا وَ قَالْ:

أعمال الرُسُل 28:17

وَ بَعَدْ تَلَاتَةْ يَوْم، بُولُسْ نَادَى كُبَارَاتْ الْيَهُودْ السَّاكْنِينْ فِي رَوْمَا أَشَانْ يَجُوا لَيَّهْ. وَ هُمَّنْ جَوْا لَيَّهْ وَ هُو حَجَّى لَيْهُمْ وَ قَالْ: «يَا الْأَخْوَانْ، أَنَا مَا سَوَّيْت شَيّءْ ضِدّ شَعَبْنَا وَ مَا سَوَّيْت شَيّءْ ضِدّ عَادَاتْ جُدُودْنَا لَاكِنْ كَرَبَوْنِي فِي مَدِينَةْ الْقُدُسْ وَ سَلَّمَوْنِي لِلرَّوْمَانِيِّينْ.

أعمال الرُسُل 15:13

وَ وَكِتْ كَمَّلَوْا كَلَامْهُمْ، يَعْقُوبْ قَالْ: «يَا الْأَخْوَانْ، أَسْمَعَوْا كَلَامِي.

مَتَّى 26:14

وَ فِي الْبَكَانْ دَا، وَاحِدْ مِنْ التَّلَامِيذ الْأَتْنَا عَشَرْ، أُسْمَهْ يَهُوذَا الْإِسْخَرِيَوْطِي، مَشَى لِكُبَارَاتْ رُجَالْ الدِّينْ.

يُوحَنَّا 17:12

وَكِتْ أَنَا قَاعِدْ مَعَاهُمْ أَنَا حَفَضْتُهُمْ بِأُسْمَكْ، الْأُسُمْ الْإِنْتَ أَنْطَيْتنِي. أَنَا حَرَسْتُهُمْ وَ مَا فِي نَادُمْ مِنْهُمْ هِلِكْ، إِلَّا النَّادُمْ اللَّابُدَّ يَهْلَكْ أَشَانْ الْكَلَامْ الْمَكْتُوبْ فِي الْكِتَابْ يِتِمّ.

2 بُطْرُس 1:21

أَشَانْ كَلَامْ الْأَنْبِيَاء أَبَداً مَا جَاءْ مِنْ نِيَّةْ إِنْسَانْ لَاكِنْ الرُّوحْ الْقُدُّوسْ بَسْ لَزَّ الرُّجَالْ دَوْل وَ هُمَّنْ حَجَّوْا كَلَامْ نَازِلْ مِنْ اللّٰهْ.

2 مُلوك 15:12

وَ حُكُمْ زَكَرِيَّا بِقِي حَسَبْ كَلَامْ اللّٰهْ لِيَاهُو. وَ هُو قَالْ: «عِيَالَكْ يَحْكُمُوا فِي مَمْلَكَةْ إِسْرَائِيلْ لَحَدِّي الذُّرِّيَّةْ الرَّابْعَةْ.» وَ بِقِي مِثِلْ هُو قَالَهْ.