Biblia Todo Logo
Bibla në internet

- Reklamat -




أعمال الرُسُل 1:11 - الكتاب المقدس بالعربي الدارجي هنا تشاد

11 وَ قَالَوْا: «يَا رُجَالْ دَارْ الْجَلِيلْ، مَالْكُو إِنْتُو وَاقْفِينْ تِصَنْقُعُوا فَوْق فِي السَّمَاءْ؟ شِفْتُوا عِيسَى طَالِعْ مِنْكُو وَ فَاتْ فِي السَّمَاءْ. وَ بِنَفْس الطَّرِيقَةْ دِي، هُو يِقَبِّلْ مِنْ السَّمَاءْ فِي الْأَرْض!»

Shih kapitullin Kopjo të gjitha




أعمال الرُسُل 1:11
23 Referenca të Kryqëzuara  

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.


أَشَانْ الرَّبّ عِيسَى ذَاتَهْ يَنْزِلْ مِنْ السَّمَاءْ وَ يَامُرْ بِحِسّ عَالِي. وَ حِسّ هَنَا كَبِيرْ الْمَلَائِكَةْ يِنْسَمِعْ وَ مَعَايَهْ حِسّ هَنَا بُرُنْجِي اللّٰهْ. وَ أَوَّلْ شَيّءْ، الْمُؤمِنِينْ بِالْمَسِيحْ الْمَيْتِينْ يَبْعَثَوْا.


وَ فِي الْوَكِتْ دَا، يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.


وَ وَكِتْ مَشَيْت حَصَّلْت لَيْكُو بَكَانْ، نِقَبِّلْ نِوَدِّيكُو هِنَاكْ أَشَانْ تَقْعُدُوا مَعَايِ. وَ بِمِثِلْ دَا، تَقْعُدُوا فِي الْبَكَانْ الْأَنَا قَاعِدْ فَوْقَهْ.


«وَكِتْ إِبْن الْإِنْسَانْ يِقَبِّلْ بِقُدُرْتَهْ الْمَجِيدَةْ مَعَ كُلَّ مَلَائِكَتَهْ، هُو يَقْعُدْ فِي كُرْسِي حَقَّهْ وَ دَا الْكُرْسِي الْمَجِيدْ.


فِي الْوَكِتْ دَاكْ، عَلَامَةْ إِبْن الْإِنْسَانْ تِنْشَافْ فِي السَّمَاءْ وَ كُلَّ قَبَايِلْ الْأَرْض يَبْكُوا. وَ يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.


فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.


وَ تَرْجَوْا إِبْنَهْ الْيِقَبِّلْ مِنْ السَّمَاوَاتْ وَ هُو عِيسَى الْاللّٰهْ بَعَثَهْ مِنْ أُسْط الْمَيْتِينْ وَ يَفْزَعْنَا مِنْ الْغَضَبْ الْجَايِ.


وَ فِي الْوَكِتْ دَاكْ، يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.


وَ مُدَّةْ أَيَّامْ كَتِيرِينْ، عِيسَى قَاعِدْ يِبِينْ لِلنَّاسْ الرَّاغَوْا مَعَايَهْ مِنْ دَارْ الْجَلِيلْ لِمَدِينَةْ الْقُدُسْ. وَ هَسَّعْ هُمَّنْ قَاعِدِينْ يَشْهَدَوْا لَيَّهْ قِدَّامْ النَّاسْ.


وَ الْخَوْف كَرَبْ الْعَوِينْ وَ دَنْقَرَنْ وُجُوهِّنْ عَلَيْ الْأَرْض. وَ الرُّجَالْ حَجَّوْا لَيْهِنْ وَ قَالَوْا: «مَالَا تِفَتِّشَنْ نَادُمْ حَيّ فِي أُسْط الْمَيْتِينْ؟


بُطْرُسْ شَافْ كُلَّ النَّاسْ اللَّامِّينْ وَ حَجَّى لَيْهُمْ وَ قَالْ: «يَا بَنِي إِسْرَائِيلْ، مَالْكُو عَجَّبْتُوا فِي الشَّيّءْ دَا؟ وَ مَالْكُو تِحَمُّرُونَا؟ فِي فِكِرْكُو، الرَّاجِلْ دَا قَمَّ رَاغْ بِقُدْرِتْنَا أَنِحْنَ؟ وَلَّا أَشَانْ أَنِحْنَ صَالِحِينْ زِيَادَةْ وَلَّا؟


وَ بَرْجَلَوْا بِلْحَيْن وَ أَلْعَجَّبَوْا مَرَّةْ وَاحِدْ. وَ قَمَّوْا يِحَجُّوا أَمْبَيْنَاتْهُمْ وَ يُقُولُوا: «النَّاسْ الْيِحَجُّوا دَوْل مَا مِنْ دَارْ الْجَلِيلْ وَلَّا؟


وَ بَتَّانْ هُو نَكَرْ. وَ بَعَدْ شِيَّةْ النَّاسْ الْوَاقْفِينْ هِنَاكْ جَوْا لَيَّهْ وَ قَالَوْا: «أَكِيدْ إِنْتَ مِنْهُمْ أَشَانْ إِنْتَ كُلَ مِنْ دَارْ الْجَلِيلْ!»


وَ نُقُولْ لَيْكُو الْحَقّ. فِي نَاسْ وَاحِدِينْ الْقَاعِدِينْ هِنِي مَا يُمُوتُوا قُبَّالْ مَا يِشِيفُوا إِبْن الْإِنْسَانْ جَايِ فِي مَمْلَكَتَهْ.»


وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ.


لَحَدِّي الْيَوْم الْاللّٰهْ رَفَعَهْ فِي السَّمَاوَاتْ. وَ قُبَّالْ اللّٰهْ مَا يَرْفَعَهْ، عِيسَى حَجَّى لِلنَّاسْ الْعَزَلَاهُمْ لِيَبْقَوْا رُسُلْ وَ أَمَرَاهُمْ بِقُدْرَةْ الرُّوحْ الْقُدُّوسْ.


وَ بَعَدْ عِيسَى قَالْ الْكَلَامْ دَا، أَنْرَفَعْ فِي السَّمَاءْ وَ هُمَّنْ شَايْفِينْ عِيسَى طَالِعْ وَ سَحَابْ دَارَقَهْ مِنْهُمْ.


مِنْ يَحْيَى غَطَّسَهْ فِي أَلْمِي لَحَدِّي الْيَوْم الْاللّٰهْ رَفَعَهْ مِنِّنَا وَ شَالَهْ فِي السَّمَاءْ. وَ النَّادُمْ النَّعَزُلُوهْ يَبْقَى شَاهِدْ مَعَانَا فِي بُعَاثْ عِيسَى.»


وَاجِبْ يَقْعُدْ فِي السَّمَاءْ لَحَدِّي يَوْم الْفَوْقَهْ اللّٰهْ يِجَدِّدْ كُلَّ شَيّءْ. وَ دَا مِثِلْ هُو قَالَهْ مِنْ زَمَانْ بِوَاسِطَةْ الْأَنْبِيَاء الصَّالِحِينْ الرَّسَّلَاهُمْ.


وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.


Na ndiq:

Reklamat


Reklamat