أعمال الرُسُل 1:10 - الكتاب المقدس بالعربي الدارجي هنا تشاد

¹⁰ وَ وَكِتْ هُمَّنْ قَاعِدِينْ يِصَنْقُعُوا فَوْق فِي السَّمَاءْ وَ عِيسَى مَاشِي مِنْهُمْ، رُجَالْ إِتْنَيْن خُلْقَانْهُمْ بُيُضْ بَانَوْا جَنْبُهُمْ

أعمال الرُسُل 1:10 Referenca të Kryqëzuara

لُوقا 24:4

وَ هِنَّ بَرْجَلَنْ بِلْحَيْن. وَ عَجَلَةْ كَيْ رُجَالْ إِتْنَيْن بَانَوْا جَنْبِهِنْ وَ خُلْقَانْهُمْ يِضَوُّوا ضَيّ شَدِيدْ.

يُوحَنَّا 20:12

وَ شَافَتْ مَلَائِكَةْ إِتْنَيْن خُلْقَانْهُمْ بُيُضْ. هُمَّنْ قَاعِدِينْ تِحِتْ فِي الْبَكَانْ الْأَوَّلْ جَنَازَةْ عِيسَى رَاقْدَةْ فَوْقَهْ، وَاحِدْ فِي بَكَانْ رَاسَهْ وَ وَاحِدْ فِي بَكَانْ رِجِلَيْنَهْ.

رُؤية 7:14

وَ رَدَّيْت لَيَّهْ وَ قُلْت: «يَا السَّيِّدْ، إِنْتَ بَسْ تَعَرْفَهْ.» وَ هُو قَالْ: «دَوْل النَّاسْ الْقَعَدَوْا ثَابْتِينْ وَ مَرَقَوْا مِنْ الضِّيقَةْ الْكَبِيرَةْ. هُمَّنْ النَّاسْ الْغَسَّلَوْا خُلْقَانْهُمْ بِدَمّ الْحَمَلْ وَ مِثِلْ دَا، سَوَّوْا خُلْقَانْهُمْ بُيُضْ.

مَرْخُوس 16:5

وَ دَخَلَنْ فِي الْقَبُرْ وَ شَافَنْ مَلَكْ يِشَابِهْ صَبِي، لَابِسْ خَلَقْ أَبْيَضْ وَ قَاعِدْ تِحِتْ فِي نُصِّهِنْ الزَّيْنَايْ. وَ هِنَّ خَافَنْ مَرَّةْ وَاحِدْ.

أعمال الرُسُل 10:30

وَ كَرْنِيلِي رَدَّ لَيَّهْ وَ قَالْ: «عِنْدِنَا أَرْبَعَةْ يَوْم، السَّاعَةْ مِثِلْ الْوَكِتْ دَا، أَنَا فِي بَيْتِي وَ قَاعِدْ نِصَلِّي صَلَاةْ هَنَا السَّاعَةْ تَلَاتَةْ. وَ فَجْأَةً، رَاجِلْ لَابِسْ خَلَقْ أَبْيَضْ مِثِلْ الْبَرَّاقَةْ بَانْ قِدَّامِي.

مَتَّى 28:3

وَ الْمَلَكْ يِرَارِي مِثِلْ بَرَّاقَةْ وَ خَلَقَهْ أَبْيَضْ كَرّ.

مَتَّى 17:2

وَ عِيسَى أَلْغَيَّرْ قِدَّامْهُمْ. وِجْهَهْ نَوَّرْ مِثِلْ نُورْ الْحَرَّايْ وَ خَلَقَهْ بِقِي أَبْيَضْ كَرّ مِثِلْ النُّورْ.

دَنْيال 7:9

وَ بَتَّانْ أَنَا شِفْت كَرَاسِي الْخَطَّوْهُمْ لِمَجْلَسْ الْقُضْيَاءْ. وَ شَايِبْ وَاحِدْ كَبِيرْ سِنّ جَاءْ وَ قَعَدْ فِي عَرْشَهْ وَ خَلَقَهْ أَبْيَضْ كَرّ مِثِلْ الْقَمَرْ وَ شَعَرْ رَاسَهْ مِثِلْ قُطُنْ النَّضِيفْ. وَ عَرْشَهْ نَارْ أَمْ لَهِيبْ وَ رِجْلَيْ عَرْشَهْ نَارْ مُقَرْقِرَةْ.

رُؤية 3:4

لَاكِنْ فِي سَارْدِسْ، نَاسَكْ وَاحِدِينْ مَا نَجَّسَوْا نُفُوسْهُمْ. وَ نُقُولْ لِلنَّاسْ دَوْل، هُمَّنْ يُرُوغُوا مَعَايِ لَابْسِينْ خُلْقَانْ بُيُضْ الْعِنْدُهُمْ حَقّ يَلْبَسَوْهُمْ.

أعمال الرُسُل 10:3

وَ يَوْم وَاحِدْ مِثِلْ السَّاعَةْ تَلَاتَةْ بَعَدْ الضُّهُرْ، رُؤْيَةْ جَاتْ لِكَرْنِيلِي. وَ فِي الرُّؤْيَةْ دِي، هُو شَافْ وَاحِدْ مِنْ مَلَائِكَةْ اللّٰهْ جَايِ لَيَّهْ فِي بَيْتَهْ. وَ الْمَلَكْ كَلَّمْ لَيَّهْ وَ قَالْ: «يَا كَرْنِيلِي!»

2 مُلوك 2:10

وَ إِلِيَاسْ قَالْ لَيَّهْ: «إِنْتَ طَلَبْت مِنِّي شَيّءْ قَاسِي. وَ لَاكِنْ وَكِتْ يَرْفَعَوْنِي مِنْ جَنْبَكْ، كَنْ قَاعِدْ تِشِيفْنِي، خَلَاصْ تَلْقَى طَلَبَكْ دَا. وَ كَنْ مَا تِشِيفْنِي كَمَانْ، طَلَبَكْ دَا مَا تَلْقَاهْ.»