2 تِمُوتَاوُس 4:5 - الكتاب المقدس بالعربي الدارجي هنا تشاد

⁵ لَاكِنْ إِنْتَ، أَقْعُدْ دَايْماً ثَابِتْ وَ أَحْمَلْ التَّعَبْ وَ بَشِّرْ النَّاسْ بِالْبِشَارَةْ وَ أَخْدِمْ عَدِيلْ الْخِدْمَةْ الْاللّٰهْ أَنْطَاهَا لَيْك.

2 تِمُوتَاوُس 4:5 Referenca të Kryqëzuara

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

1 بُطْرُس 1:13

أَشَانْ دَا، خُطُّوا بَالْكُو. أَقْعُدُوا ثَابْتِينْ. خُطُّوا عَشَمْكُو كُلَّ كَيْ فِي النِّعْمَةْ التَّلْقَوْهَا فِي الْيَوْم الْعِيسَى الْمَسِيحْ يِبِينْ فَوْقَهْ.

2 تِمُوتَاوُس 2:3

أَقْبَلْ التَّعَبْ مِثِلْ عَسْكَرِي عَدِيلْ هَنَا الْمَسِيحْ عِيسَى.

كُلُوسِي 4:17

وَ كَلُّمُوا لِأَرْخِبَّا وَ قُولُوا لَيَّهْ: «خُطّ بَالَكْ أَشَانْ تِتَمِّمْ الْخِدْمَةْ الرَّبِّنَا أَنْطَاهَا لَيْك.»

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

أعمال الرُسُل 21:8

وَ أَمْبَاكِرْ، مَشَيْنَا فِي حِلَّةْ قَيْصَرِيَّةْ وَ دَلَّيْنَا فِي بَيْت فِلِبُّسْ الْمُبَشِّرْ. هُو وَاحِدْ مِنْ الرُّجَالْ السَّبْعَةْ الْعَاوَنَوْا الرُّسُلْ.

1 تِمُوتَاوُس 4:15

أنْكَرِبْ فِي الْوَاجِبَاتْ دَوْل وَ جَاهِدْ فِي شَانْهُمْ أَشَانْ كُلَّ النَّاسْ يِشِيفُوا نَجَاحَكْ.

1 تَسَلونِيكِي 5:6

أَشَانْ دَا، خَلِّي مَا نَبْقَوْا مِثِلْ النَّاسْ الْآخَرِينْ. هُمَّنْ مِثِلْ نَاسْ نَايْمِينْ أَشَانْ مَا يَعَرْفُوا الشَّيّءْ الْيَجِي فَوْقهُمْ. خَلِّي نَقْعُدُوا وَاعِيِّينْ وَ نُخُطُّوا بَالْنَا.

رُؤية 3:2

يَلَّا أَبْقَى حَضِيرْ وَ ثَبِّتْ الْإِيمَانْ الْفَضَّلْ لَيْك الْيِدَوْر يُمُوتْ. أَشَانْ أَنَا لِقِيتْ خِدِمْتَكْ السَّوَّيْتهَا مَا كَامِلَةْ قِدَّامْ اللّٰهْ رَبِّي.

أفَسُس 4:11

وَ هُو بَسْ الْأَنْطَى عَطَايَا لِلنَّاسْ. وَ نَاسْ وَاحِدِينْ، هُو جَعَلَاهُمْ رُسُلْ وَ وَاحِدِينْ جَعَلَاهُمْ أَنْبِيَاء وَ وَاحِدِينْ جَعَلَاهُمْ مُبَشِّرِينْ وَ وَاحِدِينْ جَعَلَاهُمْ شُيُوخْ وَ مُعَلِّمِينْ.

عِبْرَانِيِّين 13:17

أَسْمَعَوْا كُبَارَاتْكُو وَ تَابُعُوا كَلَامْهُمْ عَدِيلْ. أَشَانْ هُمَّنْ قَاعِدِينْ يِفَكُّرُوا فَوْقكُو وَ يَعَرْفُوا كَدَرْ هُمَّنْ مَسْؤُولِينْ مِنْكُو قِدَّامْ اللّٰهْ الْيِحَاسِبْهُمْ. خَلِّي خِدْمِتْهُمْ دِي تَبْقَى لَيْهُمْ فَرْحَةْ. كَنْ تَبْقَى لَيْهُمْ قَاسِيَةْ، إِنْتُو كُلَ مَا تَلْقَوْا مِنْهَا فَايْدَةْ.

2 تِمُوتَاوُس 2:10

وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

لُوقا 12:37

مَبْرُوكْ لِلْعَبِيدْ السِّيدْهُمْ يَلْقَاهُمْ وَاعِيِّينْ وَكِتْ هُو يَجِي. نُقُولْ لَيْكُو الْحَقّ، سِيدْهُمْ ذَاتَهْ يَرْبُطْ صُلْبَهْ وَ يِقَعِّدْهُمْ قِدَّامْ الصُّفْرَةْ وَ يَنْطِيهُمْ الْأَكِلْ.

مَرْخُوس 13:37

وَ الْكَلَامْ النُّقُولَهْ لَيْكُو دَا، نُقُولَهْ لِكُلَّ النَّاسْ. نُقُولْ أَقْعُدُوا وَاعِيِّينْ.»

كُلُوسِي 1:25

أَنَا بِقِيتْ خَدَّامْ لِجَمَاعَةْ الْمُؤمِنِينْ أَشَانْ اللّٰهْ كَلَّفَانِي بِالْخِدْمَةْ دِي وَ نَخْدِمْ فِي شَانْكُو. وَ خِدِمْتِي هِي نِبَلِّغْ كَلَامْ اللّٰهْ الْكَامِلْ.

رَوْمَا 15:19

وَ بِقُدْرَةْ الْعَجَايِبْ وَ الْعَلَامَاتْ وَ بِقُدْرَةْ الرُّوحْ الْقُدُّوسْ. وَ مِثِلْ دَا، أَنَا بَلَّغْت بِشَارَةْ الْمَسِيحْ لِلنَّاسْ فِي كُلِّ بَكَانْ مِنْ مَدِينَةْ الْقُدُسْ لَحَدِّي بَلَدْ إِلِّرْكُونْ.

مَرْخُوس 13:34

أَيْوَى، دَا يَبْقَى مِثِلْ نَادُمْ وَاحِدْ الْيِدَوْر يِسَافِرْ. وَ قُبَّالْ مَا يُقُمّ مِنْ بَيْتَهْ هُو يِكَلِّفْ عَبِيدَهْ بِمَالَهْ وَ أَيِّ وَاحِدْ مِنْهُمْ عِنْدَهْ مَسْؤُولِيَّةْ. وَ سِيدْ الْبَيْت يَامُرَهْ لِحَارِسْ الْبَابْ أَشَانْ يَقْعُدْ وَاعِي فِي الْبَابْ.

حِزْقِيال 33:2

«يَا إِبْن آدَمْ، حَجِّي لِشَعَبَكْ وَ قُولْ لَيْهُمْ: ‹وَكِتْ نِجِيبْ الْحَرِبْ فِي أَيِّ بَلَدْ، الشَّعَبْ يِشِيلُوا مِنْهُمْ نَادُمْ وَ يُخُطُّوهْ حَرَسْ.

حِزْقِيال 3:17

«يَا إِبْن آدَمْ، أَنَا نُخُطَّكْ حَرَسْ فِي بَنِي إِسْرَائِيلْ. كَنْ سِمِعْت كَلَامْ مِنْ خَشْمِي، تِحَذِّرْهُمْ بَيَّهْ.

إرْمِيا 6:17

أَنَا خَطَّيْت فَوْقكُو أَنْبِيَاء مِثِلْ حُرَّاسْ وَ قُلْت لَيْكُو خُطُّوا بَالْكُو وَكِتْ تَسْمَعَوْا حِسّ الْبُوقْ. لَاكِنْ إِنْتُو رَدَّيْتُوا وَ قُلْتُوا: ‹أَنِحْنَ مَا نَسْمَعَوْا.›

إشَعْيا 62:6

وَ فِي دَرَادِرْكِ، يَا مَدِينَةْ الْقُدُسْ، أَنَا خَطَّيْت حُرَّاسْ بِاللَّيْل وَ النَّهَارْ وَ أَبَداً مَا يَسْكُتُوا. إِنْتُو التِّذَّكَّرَوْا اللّٰهْ، خَلِّي مَا تِنْجَمَّوْا.

حِزْقِيال 33:7

«وَ إِنْتَ، يَا إِبْن آدَمْ، أَنَا خَطَّيْتَكْ حَرَسْ فِي بَنِي إِسْرَائِيلْ. إِنْتَ تَسْمَعْ كَلَامِي وَ تِحَذِّرْهُمْ.

أفَسُس 4:12

وَ أَنْطَاهُمْ عَطَايَا أَشَانْ هُمَّنْ يِجَهُّزُوا شَعَبَهْ الصَّالِحِينْ لِيَخْدُمُوا لَيَّهْ فِي شَانْ أُمَّةْ الْمَسِيحْ تَبْقَى قَوِيَّةْ.

2 تِمُوتَاوُس 4:17

لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.

مَتَّى 25:16

«وَ عَجَلَةْ كَيْ الْخَدَّامْ الْعِنْدَهْ 500 جِنَيْه، شَالَهْ وَ سَاوَقْ بَيَّهْ وَ لِقِي مَكْسَبْ 500 جِنَيْه زِيَادَةْ.