2 تِمُوتَاوُس 4:2 - الكتاب المقدس بالعربي الدارجي هنا تشاد

² بَلِّغْ كَلَامْ اللّٰهْ. أنْكَرِبْ فَوْقَهْ كَنْ تَلْقَى مِنْ النَّاسْ مُرّ وَلَّا حَلُو كُلَ. جِيبْ النَّاسْ فِي الدَّرِبْ. الْوَاحِدِينْ أَهْرِجْهُمْ وَ الْوَاحِدِينْ شَجِّعْهُمْ. عَلِّمْهُمْ كُلُّهُمْ بِصَبُرْ شَدِيدْ.

2 تِمُوتَاوُس 4:2 Referenca të Kryqëzuara

1 تَسَلونِيكِي 5:14

يَا أَخْوَانِي، أَسْمَعَوْا وَصَايَانَا. حَذُّرُوا الْعَاطِلِينْ وَ ثَبُّتُوا الْخَوَّافِينْ وَ سَاعُدُوا الضَّعِيفِينْ. وَ أَصْبُرُوا لِكُلَّ النَّاسْ.

تِيطُس 2:15

وَ خَلَاصْ كُلَّ الْكَلَامْ دَا، أَوْرِيهُمْ بَيَّهْ بِكَلَامْ وَاضِحْ. عِنْدَكْ فَوْقهُمْ حَقّ أَشَانْ تِشَجِّعْهُمْ وَ تَهْرِجْهُمْ حَسَبْ حَالْهُمْ. مَا تِخَلِّي نَادُمْ يَحْقِرَكْ.

1 تِمُوتَاوُس 4:13

لَحَدِّي نَجِيكْ، أنْكَرِبْ فِي قِرَايِةْ كِتَابْ اللّٰهْ لِلنَّاسْ وَ مَا تِخَلِّي مِنَّكْ الْبَشِّرِينْ وَ الْعَلِّمِينْ.

رُؤية 3:19

أَنَا نَهْرِجْ النَّاسْ النِّحِبُّهُمْ وَ نِأَدِّبْهُمْ. أَشَانْ دَا، أنْكَرِبْ فِي كَلَامِي وَ تُوبْ مِنْ ذُنُوبَكْ.

تِيطُس 1:13

وَ كَلَامَهْ دَا صَحِيحْ. وَ أَشَانْ دَا، أَهْرِجْهُمْ بِشِدَّةْ أَشَانْ يَقْعُدُوا ثَابْتِينْ فِي الْإِيمَانْ

2 تِمُوتَاوُس 2:21

وَ بِمِثِلْ دَا، كَنْ نَادُمْ يِصَفِّي نَفْسَهْ مِنْ كُلَّ الْوَسَاخَةْ، هُو يَبْقَى مِثِلْ مَاعُونْ هَنَا عَمَلْ نَضِيفْ وَ مَاعُونْ خَاصّ الْعِنْدَهْ فَايْدَةْ لِسِيدَهْ. هُو يَبْقَى جَاهِزْ أَشَانْ يِسَوِّي أَيِّ عَمَلْ هَنَا خَيْر.

غَلاطِية 6:6

كَنْ نَادُمْ قَاعِدْ يِعَلِّمْكُو كَلَامْ اللّٰهْ، وَاجِبْ تَنْطُوهْ مِنْ الْمَالْ الْعِنْدُكُو.

رَوْمَا 12:12

أَفْرَحَوْا أَشَانْ عِنْدُكُو عَشَمْ فِي رَبِّنَا. أَصْبُرُوا فِي التَّعَبْ وَ صَلُّوا دَايْماً بَلَا كَسَلْ.

2 تِمُوتَاوُس 3:10

لَاكِنْ إِنْتَ رَافَقْتِنِي وَ تَعَرِفْنِي. شِفْتِنِي وَكِتْ أَنَا قَاعِدْ نِعَلِّمْ النَّاسْ وَ تَعَرِفْ حَالِي وَ نِيّتِي فِي كُلِّ شَيّءْ. تَعَرِفْ إِيمَانِي وَ صَبْرِي وَ مَحَبِّتِي وَ قَلْبِي الثَّابِتْ.

1 تِمُوتَاوُس 5:20

وَ كَنْ نَادُمْ مِنْ الشُّيُوخْ يَذْنِبْ، أَهَرْجَهْ قِدَّامْ الْجَمَاعَةْ أَشَانْ الْآخَرِينْ يَخَافَوْا.

كُلُوسِي 1:25

أَنَا بِقِيتْ خَدَّامْ لِجَمَاعَةْ الْمُؤمِنِينْ أَشَانْ اللّٰهْ كَلَّفَانِي بِالْخِدْمَةْ دِي وَ نَخْدِمْ فِي شَانْكُو. وَ خِدِمْتِي هِي نِبَلِّغْ كَلَامْ اللّٰهْ الْكَامِلْ.

رَوْمَا 10:15

وَ كِكَّيْف يِبَلُّغُوا لَيْهُمْ الْبِشَارَةْ، كَنْ مَا رَسَّلَوْهُمْ؟ أَشَانْ دَا، الْكِتَابْ بُقُولْ: <مَرْحَباً بِجَيَّةْ الْمُرْسَالْ الْيِبَلِّغْ الْبِشَارَةْ.>

يُونُس 3:2

«قُمّ أَمْشِي فِي نِينَوَى، الْمَدِينَةْ الْكَبِيرَةْ. وَ خَبِّرْ نَاسْهَا بِالْكَلَامْ النُّقُولَهْ لَيْك.»

أعمال الرُسُل 20:7

وَ يَوْم الْأَحَدْ، وَكِتْ لَمَّيْنَا مَعَ الْمُؤمِنِينْ أَشَانْ نَكْسُرُوا سَوَا الْخُبْزَةْ هَنَا عَشَاءْ الرَّبّ، بُولُسْ قَمَّ فَسَّرْ لَيْنَا لَحَدِّي أُسْط اللَّيْل أَشَانْ دَوَّرْ يِسَافِرْ بِفَجُرْ.

أعمال الرُسُل 16:13

وَ يَوْم السَّبْت، مَرَقْنَا بَرَّا مِنْ الْحِلَّةْ وَ مَشَيْنَا جَنْب الْوَادِي أَشَانْ حَسَبْنَا دَا بَسْ الْبَكَانْ الْيِصَلُّوا فَوْقَهْ الْيَهُودْ. وَ قَعَدْنَا تِحِتْ وَ كَلَّمْنَا لِلْعَوِينْ اللَّمَّنْ.

لُوقا 9:60

وَ عِيسَى رَدَّ لَيَّهْ وَ قَالْ: «خَلِّي الْمَيْتِينْ يَدْفُنُوا مَيْتِينْهُمْ. لَاكِنْ إِنْتَ دَا، أَمْشِي بَلِّغْ بِشَارَةْ مَمْلَكَةْ اللّٰهْ.»

لُوقا 7:4

وَ مَشَوْا لِعِيسَى وَ شَحَدَوْه بِلْحَيْن وَ قَالَوْا: «الْأَجْنَبِي دَا، عِنْدَهْ حَقّ تِسَوِّي لَيَّهْ الشَّيّءْ الطَّلَبَهْ مِنَّكْ.

1 تَسَلونِيكِي 5:20

مَا تِكَدُّبُوا كَلَامْ اللّٰهْ الْيَنْزِلْ لَيْكُو بِوَاسِطَةْ أَخْوَانْكُو.

لُوقا 7:23

وَ مَبْرُوكْ لِلنَّادُمْ الْمَا يِخَلِّي إِيمَانَهْ بَيِّ.»

زَبُور 40:9

نِبَشِّرْ بِعَدَالْتَكْ لِمُجْتَمَعْ كَبِيرْ. يَا اللّٰهْ، شِيفْ! أَنَا مَا نَسْكُتْ، إِنْتَ تَعَرْفَهْ.

2 تِمُوتَاوُس 2:25

بِنَفَسْ بَارِدْ، هُو يِوَصِّفْ الْحَقّ لِلنَّاسْ الْيِخَالُفُوهْ وَ هُو يِدَوْر كَدَرْ اللّٰهْ يَهْدِيهُمْ لِلتَّوْبَةْ وَ يَعَرْفُوا الْحَقّ.

عِبْرَانِيِّين 13:22

يَا أَخْوَانِي، نَشْحَدْكُو أَشَانْ تَسْمَعَوْا بِصَبُرْ الْكَلَامْ النِّرَسِّلَهْ لَيْكُو لِنِشَجِّعْكُو. كَتَبْت لَيْكُو كَلَامْ شِيَّةْ بَسْ.

أعمال الرُسُل 28:16

وَ وَكِتْ دَخَلْنَا فِي رَوْمَا، مَسْؤُولْ الْعَسْكَرْ سَلَّمْ الْمَسَاجِينْ لِلْقَايِدْ وَ أَنْطَوْا إِذِنْ لِبُولُسْ أَشَانْ يَلْقَى بَيْت وَ يَسْكُنْ فَوْقَهْ وِحَيْدَهْ مَعَ الْعَسْكَرِي الْقَاعِدْ يَحَرْسَهْ.

أعمال الرُسُل 13:5

وَ وَكِتْ لِحْقَوْا قُبْرُصْ، نَزَلَوْا فِي حِلَّةْ سَلَامِسْ وَ بَدَوْا يِبَلُّغُوا كَلَامْ اللّٰهْ فِي بُيُوتْ الصَّلَاةْ هَنَا الْيَهُودْ. وَ يُوحَنَّا مَرْخُوسْ مَشَى مَعَاهُمْ أَشَانْ يِعَاوِنْهُمْ.

كُلُوسِي 4:3

وَ أَسْأَلَوْا اللّٰهْ لَيْنَا كُلَ. أَسْأَلَوْه أَشَانْ يَفْتَحْ لَيْنَا دَرِبْ لِلْبِشَارَةْ أَشَانْ نِبَلُّغُوا النَّاسْ بِسِرّ اللّٰهْ هُو الْمَسِيحْ. وَ بِسَبَبْ الْبِشَارَةْ دِي، أَنَا قَاعِدْ فِي السِّجِنْ.

1 تَسَلونِيكِي 1:6

وَ إِنْتُو شِلْتُوا مَثَلْنَا وَ حَالْكُو بِقَتْ مِثِلْ حَالْنَا وَ مِثِلْ حَالْ هَنَا رَبِّنَا عِيسَى. وَكِتْ النَّاسْ قَاعِدِينْ يِتَعُّبُوكُو بِلْحَيْن كُلَ، إِنْتُو قِبِلْتُوا الْكَلَامْ بِفَرَحْ الْجَايِ مِنْ الرُّوحْ الْقُدُّوسْ.