2 تِمُوتَاوُس 4:17 - الكتاب المقدس بالعربي الدارجي هنا تشاد

¹⁷ لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.

2 تِمُوتَاوُس 4:17 Referenca të Kryqëzuara

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

زَبُور 22:21

نَجِّينِي مِنْ خُشُومْ الدِّيدَانْ وَ مِنْ قُرُونْ التِّيرَانْ. أَيْوَى! إِنْتَ سِمِعْت مُنَادَاتِي!

1 صَمُوِيل 17:37

وَ دَاوُدْ قَالْ: «اللّٰهْ النَّجَّانِي مِنْ الدُّودْ وَ الدُّبّ، هُو يَقْدَرْ يِنَجِّينِي مِنْ الْفِلِسْطِي دَا.» وَ شَاوُولْ قَالْ لِدَاوُدْ: «أَمْشِي! اللّٰهْ مَعَاكْ.»

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

دَنْيال 6:22

أَيْوَى، إِلٰـهِي رَسَّلْ مَلَكَهْ وَ سَدَّ خُشُومْ الدِّيدَانْ. وَ هُمَّنْ مَا قِدْرَوْا سَوَّوْا لَيِّ شَيّءْ أَشَانْ هُو يَعَرِفْ أَنَا بَرِي. وَ قِدَّامَكْ إِنْتَ الْمَلِكْ كُلَ، أَنَا مَا سَوَّيْت شَيّءْ فَسِلْ.»

عِبْرَانِيِّين 11:33

بِالْإِيمَانْ، هُمَّنْ شَالَوْا مَمَالِكْ وَ طَبَّقَوْا الْعَدَالَةْ وَ لِقَوْا مِنْ اللّٰهْ الشَّيّءْ الْوَاعَدَاهُمْ بَيَّهْ وَ سَدَّوْا خُشُومْ الدِّيدَانْ.

زَبُور 109:31

أَشَانْ هُو يَقِيفْ بِزَيْنَايِةْ الْمِسْكِينْ وَ يِنَجِّيهْ مِنْ الْيِحَاكُمُوهْ.

أعمال الرُسُل 23:11

وَ بِاللَّيْل، الرَّبّ عِيسَى بَانْ لِبُولُسْ وَ حَجَّى لَيَّهْ وَ قَالْ: «شِدّ حَيْلَكْ! إِنْتَ شَهَدْت لَيِّ فِي مَدِينَةْ الْقُدُسْ وَ وَاجِبْ تَشْهَدْ لَيِّ فِي مَدِينَةْ رَوْمَا كُلَ.»

إشَعْيا 41:10

هَسَّعْ دَا، مَا تَخَافْ أَشَانْ أَنَا مَعَاكْ. مَا تِهِمّ أَشَانْ أَنَا إِلٰـهَكْ. أَنَا قَوَّيْتَكْ أَيْوَى، أَنَا جِيتْ وَ فَزَعْتَكْ! أَنَا سَاعَدْتَكْ وَ نَصَرْتَكْ بِإِيدِي الزَّيْنَةْ.

2 بُطْرُس 2:9

وَ خَلَاصْ بَيْدَا كُلَ كَيْ، نَعَرْفُوا كَدَرْ اللّٰهْ يَقْدَرْ يَفْزَعْ الصَّالِحِينْ فِي وَكْت التَّجْرِبَةْ وَ يِرَاقِبْ النَّاسْ الْفَسْلِينْ لَحَدِّي يِعَاقِبْهُمْ فِي يَوْم الْحِسَابْ.

مَتَّى 10:19

وَ وَكِتْ يَكُرْبُوكُو وَ يِوَدُّوكُو لِلشَّرِيعَةْ، مَا تِهِمُّوا لِلْكَلَامْ التُّقُولُوهْ وَلَّا كِكَّيْف تِحَجُّوا. أَشَانْ فِي الْوَكِتْ دَا، اللّٰهْ يَنْطِيكُو الْكَلَامْ التُّقُولُوهْ.

دَنْيال 6:27

وَ هُو الْيَفْزَعْ وَ يِنَجِّي وَ هُو الْيِسَوِّي عَلَامَاتْ وَ عَجَايِبْ فِي السَّمَاءْ وَ فِي الْأَرْض. وَ هُو بَسْ النَّجَّى دَنْيَالْ مِنْ ضَرِبِينْ الدِّيدَانْ.

إشَعْيا 41:14

«مَا تَخَافْ، يَا يَعْقُوبْ، إِنْتَ الْمِثِلْ دُودْ التُّرَابْ وَ يَا إِسْرَائِيلْ، إِنْتَ الْمِثِلْ الرِّمَّةْ! أَنَا بَسْ النِّسَاعِدَكْ وَ الْيَفْدَاكْ، هُو أَنَا قُدُّوسْ إِسْرَائِيلْ. وَ دَا كَلَامْ اللّٰهْ.

2 تِمُوتَاوُس 3:11

إِنْتَ شِفْتِنِي وَكِتْ النَّاسْ قَاعِدِينْ يِتَعُّبُونِي وَ وَكِتْ تَعَبْ شَدِيدْ جَاءْ فَوْقِي. وَ شِفْتِنِي فِي كُلِّ شَيّءْ الْقَاسِي الْبِقِي فَوْقِي فِي حِلَّالْ أَنْطَاكِيَةْ وَ إِقُونِيَةْ وَ لِسْتَرَةْ. حِمِلْت فَوْقهُمْ تَعَبْ شَدِيدْ مَرَّةْ وَاحِدْ. لَاكِنْ رَبِّنَا فَزَعْنِي وَ نَجَّانِي مِنْ التَّعَبْ دَا كُلَّ كَيْ.

1 تِمُوتَاوُس 1:12

وَ أَنَا نَشْكُرْ كَتِيرْ رَبِّنَا عِيسَى الْمَسِيحْ الْأَنْطَانِي الْقُدْرَةْ الْبَيْهَا نِسَوِّي الْخِدْمَةْ دِي. نَشْكُرَهْ أَشَانْ هُو جَعَلَانِي نَادُمْ أَمِينْ وَ عَزَلَانِي أَشَانْ نَخْدِمْ لَيَّهْ.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

2 كُرُنْتُس 12:9

وَ لَاكِنْ هُو رَدَّ لَيِّ وَ قَالْ: «رَحْمَتِي تَكْفِي لَيْك. قُدُرْتِي تَبْقَى كَامِلَةْ فِي النَّادُمْ الضَّعِيفْ.» أَشَانْ دَا، نِلْفَشَّرْ بِفَرَحْ زِيَادَةْ وَكِتْ أَنَا ضَعِيفْ أَشَانْ قُدْرَةْ الْمَسِيحْ تَثْبِتْ فَوْقِي.

لُوقا 21:15

أَشَانْ أَنَا نَنْطِيكُو الْكَلَامْ وَ الْفِكِرْ الْوَاجِبْ. وَ النَّاسْ الْيِآذُوكُو مَا يَقْدَرَوْا يَحْمَلَوْا كَلَامْكُو وَلَّا يُرُدُّوا لَيْكُو.

إرْمِيا 2:30

وَ أَنَا ضَرَبْت شَعَبْ بَنِي إِسْرَائِيلْ لِنِأَدِّبْهُمْ وَ لَاكِنْ مَا أَلأَدَّبَوْا. وَ سَيْفكُو كَتَلْ أَنْبِيَائْكُو مِثِلْ الدُّودْ الْجَاسِرْ.

أمْثال 28:15

الْحَاكِمْ الْفَسِلْ لِشَعَبَهْ الْمِسْكِينْ هُو مِثِلْ دُودْ الْيِكِرّ وَ نِمِرْ الْيِفِرّ.

أمْثال 20:2

غَضَبْ الْمَلِكْ مِثِلْ قَرْقَرَانْ الدُّودْ. كَنْ تَلْعَبْ بَيَّهْ، تُمُوتْ.

لُوقا 1:1

يَا ثَاوُفِيلُسْ الْمُحْتَرَمْ، صَحِيحْ نَاسْ كَتِيرِينْ دَوَّرَوْا يِسَجُّلُوا تَارِيخْ الْأَشْيَاءْ الْبِقَوْا فِي أُسُطْنَا.

رَوْمَا 15:31

أَسْأَلَوْا لَيِّ اللّٰهْ أَشَانْ يَفْزَعْنِي مِنْ الْيَهُودْ الْمَا مَسِيحِيِّينْ فِي دَارْ الْيَهُودِيَّةْ. وَ أَسْأَلَوْا أَشَانْ الصَّالِحِينْ الْفِي مَدِينَةْ الْقُدُسْ يَرْضَوْا بِالْمُسَاعَدَةْ النِّجِيبْهَا لَيْهُمْ.

2 تِمُوتَاوُس 2:1

وَ إِنْتَ، يَا وِلَيْدِي، أَبْقَى ثَابِتْ فِي النِّعْمَةْ الْعِنْدِنَا فِي الْمَسِيحْ عِيسَى.

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

2 تِمُوتَاوُس 4:5

لَاكِنْ إِنْتَ، أَقْعُدْ دَايْماً ثَابِتْ وَ أَحْمَلْ التَّعَبْ وَ بَشِّرْ النَّاسْ بِالْبِشَارَةْ وَ أَخْدِمْ عَدِيلْ الْخِدْمَةْ الْاللّٰهْ أَنْطَاهَا لَيْك.

تِيطُس 1:3

وَ فِي الْوَكِتْ الْاللّٰهْ حَدَّدَهْ، هُو نَزَّلْ كَلَامَهْ فِي الْمَسِيحْ. وَ اللّٰهْ مُنَجِّينَا كَلَّفَانِي بِالْكَلَامْ دَا وَ أَمَرَانِي أَشَانْ نِبَلِّغَهْ.