2 تِمُوتَاوُس 3:8 - الكتاب المقدس بالعربي الدارجي هنا تشاد

⁸ وَ الْغَشَّاشِينْ دَوْل قَاعِدِينْ يِخَالُفُوا الْحَقّ مِثِلْ يَنِيسْ وَ يَمْبَارِسْ الْخَالَفَوْا مُوسَى. فِكِرْهُمْ تَلْفَانْ وَ إِيمَانْهُمْ بَاطِلْ.

2 تِمُوتَاوُس 3:8 Referenca të Kryqëzuara

رُؤية 2:20

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. إِنْتَ خَلَّيْت مَرَةْ مِثِلْ إِزَبِيلْ تِسَوِّي نَفِسْهَا نَبِيَّةْ وَ تِعَلِّمْ عَبِيدِي وَ تُغُشُّهُمْ لَحَدِّي يَزْنَوْا وَ يَاكُلُوا لَحَمْ الْقَدَّمَوْه ضَحِيَّةْ لِلْأَصْنَامْ.

1 تِمُوتَاوُس 6:5

الْمُنَاقَشَاتْ أَبَداً مَا يِكَمُّلُوا لِلنَّاسْ الْعُقُولْهُمْ تَلْفَانِينْ وَ الْحَقّ أَنْرَفَعْ مِنْهُمْ. وَ يِسَوُّوا نُفُوسْهُمْ مُعَلِّمِينْ هَنَا التَّقْوَى أَشَانْ فِي فِكِرْهُمْ يَلْقَوْا مِنَّهْ رِبِحْ.

خُروج 7:11

وَ الْمَلِكْ نَادَى الْعُلَمَاءْ وَ السَّحَّارِينْ هَنَا مَصِرْ. هُمَّنْ كُلَ بِسِحِرْهُمْ سَوَّوْا نَفْس الشَّيّءْ

تِيطُس 1:16

يُقُولُوا يَعَرْفُوا اللّٰهْ لَاكِنْ بِعَمَلْهُمْ يَكْفُرُوا بَيَّهْ. نَاسْ مِثِلْ دَوْل مَكْرُوهِينْ وَ عَاصِيِينْ وَ مَا يَنْفَعَوْا لِأَيِّ عَمَلْ هَنَا خَيْر.

1 يُوحَنَّا 4:1

يَا الْمَحْبُوبِينْ، مَا تِصَدُّقُوا بِكُلَّ النَّاسْ الْيُقُولُوا هُمَّنْ يِحَجُّوا بِقُدْرَةْ الرُّوحْ. جَرُّبُوهُمْ أَشَانْ تِأَكُّدُوا كَنْ كَلَامْهُمْ مِنْ اللّٰهْ. نَاسْ كَتِيرِينْ سَوَّوْا نُفُوسْهُمْ أَنْبِيَاء وَ قَمَّوْا يُرُوغُوا فِي الدُّنْيَا.

2 بُطْرُس 2:14

أَيِّ مَرَةْ الْيِشِيفُوهَا، فِي فِكِرْهُمْ يَزْنَوْا بَيْهَا. يِرِيدُوا الذُّنُوبْ وَ شَهْوِتْهُمْ أَبَداً مَا تَشْبَعْ. وَ يِدِسُّوا مَعَاهُمْ فِي الذُّنُوبْ النَّاسْ الْمَا قَوِيِّينْ فِي الْإِيمَانْ. هُمَّنْ مُدَرَّبِينْ فِي الطَّمَعْ وَ مَلْعُونِينْ.

2 تِمُوتَاوُس 4:15

أَنْقَرِعْ مِنَّهْ أَشَانْ هُو خَالَفْ كَلَامْنَا مُخَالَفَةْ شَدِيدَةْ.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

1 تِمُوتَاوُس 4:2

وَ يِنْغَشَّوْا بِسَبَبْ النَّاسْ الْيِشَتُّتُوا التَّعْلِيمْ دَا. وَ النَّاسْ دَوْل، هُمَّنْ مُنَافِقِينْ وَ كَدَّابِينْ وَ قُلُوبْهُمْ مَيْتِينْ.

1 تِمُوتَاوُس 1:19

أَكْرُبْ الْإِيمَانْ قَوِي وَ سَوِّي كُلِّ شَيّءْ بِنِيَّةْ مُخْلِصَةْ. نَاسْ وَاحِدِينْ خَلَّوْا مِنْهُمْ النِّيَّةْ الْمُخْلِصَةْ وَ تَلَّفَوْا إِيمَانْهُمْ مَرَّةْ وَاحِدْ.

رَوْمَا 16:18

النَّاسْ الْمِثِلْ دَوْل مَا يَخْدُمُوا لِرَبِّنَا الْمَسِيحْ لَاكِنْ يَخْدُمُوا لِبُطُونْهُمْ بَسْ. يِحَجُّوا لِلنَّاسْ بِكَلَامْ حَلُو وَ يَشْكُرُوهُمْ كَتِيرْ أَشَانْ يُغُشُّوا النَّاسْ الْعِنْدُهُمْ عِلِمْ شِيَّةْ بَسْ.

رُؤية 2:6

وَ لَاكِنْ لِقِيتْ فَوْقَكْ شَيّءْ عَدِيلْ كُلَ. إِنْتَ تَكْرَهْ مِثِلْ أَنَا كُلَ نَكْرَهَهْ الشَّيّءْ الْقَاعِدِينْ يِسَوُّوهْ التَّلَامِيذ هَنَا نِيقُولَا.

1 يُوحَنَّا 2:18

يَا عِيَالِي، الْوَكِتْ الْأَخِيرْ بَدَا. أَوَّلْ سِمِعْتُوا كَدَرْ عَدُو الْمَسِيحْ يَجِي وَ خَلَاصْ عُدْوَانْ الْمَسِيحْ كَتِيرِينْ جَوْا. وَ بَيْدَا، نَعَرْفُوا الْوَكِتْ الْأَخِيرْ بَدَا خَلَاصْ.

تِيطُس 1:10

أَشَانْ فِي نَاسْ كَتِيرِينْ عَاصِيِينْ وَ غَشَّاشِينْ وَ يِحَجُّوا كَلَامْ سَاكِتْ وَ كَتِيرِينْ مِنْهُمْ يَهُودْ.

خُروج 8:18

وَ السَّحَّارِينْ سَوَّوْا سِحِرْهُمْ لِيِقَوُّمُوا أَمْ بَاعُوضَةْ وَ مَا قِدْرَوْا. وَ لَاكِنْ أَمْ بَاعُوضَةْ قَاعِدَةْ تَاكُلْ فِي النَّاسْ وَ فِي الْبَهَايِمْ.

خُروج 7:22

وَ لَاكِنْ السَّحَّارِينْ هَنَا مَصِرْ سَوَّوْا نَفْس الشَّيّءْ بِسِحِرْهُمْ. وَ رَاسْ الْمَلِكْ بِقِي قَوِي وَ أَبَى مَا سِمِعْ كَلَامْ مُوسَى وَ هَارُونْ مِثِلْ اللّٰهْ قَالَهْ.

رَوْمَا 1:28

النَّاسْ أَبَوْا مَا يَعَرْفُوا اللّٰهْ وَ أَشَانْ دَا، اللّٰهْ سَلَّمَاهُمْ لِعُقُولْهُمْ الْفَاسْدِينْ وَ قَمَّوْا يِسَوُّوا الشَّيّءْ الْمَا وَاجِبْ يِسَوُّوهْ.

أعمال الرُسُل 15:24

سِمِعْنَا نَاسْ وَاحِدِينْ مَشَوْا لَيْكُو مِنِّنَا بَلَا إِذِنَّا وَ سَوَّوْا مُشْكِلَةْ أَمْبَيْنَاتْكُو وَ بَرْجَلَوْكُو بِكَلَامْهُمْ.

خُروج 8:7

وَ السَّحَّارِينْ الْمَصْرِيِّينْ هُمَّنْ كُلَ سَوَّوْا سِحِرْهُمْ وَ مَرَّقَوْا ضِفْدَعْ فِي الْبَلَدْ.