2 تِمُوتَاوُس 3:4 - الكتاب المقدس بالعربي الدارجي هنا تشاد

⁴ وَ يَبْقَوْا خَايْنِينْ وَ مُتَعَمِّدِينْ وَ فَشَّارِينْ. وَ يِحِبُّوا حَلَاتْ الدُّنْيَا زِيَادَةْ مِنْ اللّٰهْ.

2 تِمُوتَاوُس 3:4 Referenca të Kryqëzuara

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

1 تِمُوتَاوُس 3:6

وَ خَلِّي نَادُمْ مَا يَبْقَى مَسْؤُولْ كَنْ دَهَابَهْ آمَنْ بِالْمَسِيحْ. النَّادُمْ الْمِثِلْ دَا أَكُونْ يِسْتَكْبَرْ وَ اللّٰهْ يِعَاقِبَهْ مِثِلْ عَاقَبْ إِبْلِيسْ.

يَهُوذَا 1:19

هُمَّنْ بَسْ الْيِسَبُّبُوا أَمْبَيْنَاتْكُو الْفُرْقَةْ. هُمَّنْ يِتَابُعُوا فِكِرْ الْإِنْسَانْ بَسْ وَ مَا عِنْدُهُمْ الرُّوحْ الْقُدُّوسْ.

رَوْمَا 16:18

النَّاسْ الْمِثِلْ دَوْل مَا يَخْدُمُوا لِرَبِّنَا الْمَسِيحْ لَاكِنْ يَخْدُمُوا لِبُطُونْهُمْ بَسْ. يِحَجُّوا لِلنَّاسْ بِكَلَامْ حَلُو وَ يَشْكُرُوهُمْ كَتِيرْ أَشَانْ يُغُشُّوا النَّاسْ الْعِنْدُهُمْ عِلِمْ شِيَّةْ بَسْ.

1 تِمُوتَاوُس 6:17

وَ الْأَخْوَانْ الْعِنْدُهُمْ مَالْ كَتِيرْ فِي الدُّنْيَا، وَصِّيهُمْ أَشَانْ مَا يَبْقَوْا فَشَّارِينْ وَ مَا يُخُطُّوا بَالْهُمْ فِي الْمَالْ الْيُفُوتْ. خَلِّي يُخُطُّوا بَالْهُمْ فِي اللّٰهْ الْيَنْطِينَا بِزِيَادَةْ وَ يَرْزُقْنَا بِكُلِّ شَيّءْ أَشَانْ نَفْرَحَوْا مِنَّهْ.

1 تِمُوتَاوُس 5:6

وَ لَاكِنْ الْمَرَةْ الْأَرْمَلَةْ التِّرِيدْ حَلَاتْ الدُّنْيَا بَسْ، كَنْ هِي لِسَّاعْ حَيَّةْ كُلَ، هِي مَيْتَةْ.

رَوْمَا 11:20

كَلَامَكْ دَا صَحِيحْ. لَاكِنْ مَا تَنْسَى قَطَعَوْهُمْ أَشَانْ هُمَّنْ مَا آمَنَوْا وَ إِنْتَ قَاعِدْ فِي بَكَانْهُمْ بِسَبَبْ إِيمَانَكْ بَسْ. مَا تِسْتَكْبَرْ. أَنْقَرِعْ!

أعمال الرُسُل 7:52

وَيْن النَّبِي الْجُدُودْكُو مَا تَعَّبَوْه؟ هُمَّنْ كَتَلَوْا الْأَنْبِيَاء الْبَلَّغَوْا لَيْهُمْ بِجَيَّةْ عَبْدَهْ الصَّالِحْ الْمَسِيحْ وَ وَكِتْ الْمَسِيحْ جَاءْ خَلَاصْ، إِنْتُو خُنْتُوهْ وَ كَتَلْتُوهْ!

أعمال الرُسُل 19:36

وَ كَنْ صَحِيحْ نَادُمْ وَاحِدْ مَا يَنْكُرْ الْكَلَامْ دَا، خَلَاصْ أَقْعُدُوا سَاكِتْ بَسْ! أَنْقَرْعُوا مَا تِسَوُّوا شَيّءْ فَسِلْ مِثِلْ مَا عِنْدُكُو عَقُلْ.