2 تِمُوتَاوُس 3:15 - الكتاب المقدس بالعربي الدارجي هنا تشاد

¹⁵ مِنْ إِنْتَ صَغَيَّرْ، عِرِفْت كِتَابْ اللّٰهْ الْأَنْطَاكْ الْعِلِمْ الْيِوَدِّيكْ لِلنَّجَاةْ بِالْإِيمَانْ بِالْمَسِيحْ عِيسَى.

2 تِمُوتَاوُس 3:15 Referenca të Kryqëzuara

لُوقا 24:45

وَ فَتَحْ لَيْهُمْ عُقُولْهُمْ أَشَانْ يَفْهَمَوْا الْكُتُبْ.

أمْثال 22:6

أَدِّبْ الصَّغِيرْ وَكِتْ هُو صَغَيَّرْ وَ كَنْ بِقِي شَايِبْ كُلَ، مَا يِخَلِّي أَدَبَهْ.

لُوقا 24:27

وَ فَسَّرْ لَيْهُمْ كُلَّ شَيّءْ الْبُخُصَّهْ الْمَكْتُوبْ فِي كُتُبْ اللّٰهْ. وَ بَدَا فِي كِتَابْ مُوسَى وَ فَسَّرْ لَيْهُمْ كُتُبْ هَنَا كُلَّ الْأَنْبِيَاء.

مَتَّى 22:29

وَ عِيسَى رَدَّ لَيْهُمْ وَ قَالْ: «إِنْتُو مُوَدِّرِينْ أَشَانْ مَا تَعَرْفُوا وَ لَا كِتَابْ اللّٰهْ وَ لَا قُدْرَةْ اللّٰهْ.

2 تِمُوتَاوُس 1:5

أَنَا قَاعِدْ نِفَكِّرْ فِي إِيمَانَكْ الْمُخْلِصْ الْمِثِلْ الْإِيمَانْ الْأَوَّلْ شِفْتَهْ فِي جِدِّتَكْ لُوِيسَةْ وَ أَمَّكْ يُونِكَةْ وَ هَسَّعْ أَكِيدْ قَاعِدْ فَوْقَكْ إِنْتَ.

لُوقا 2:40

وَ الْوِلَيْد كِبِرْ. وَ هُو بِقِي شَدِيدْ وَ مَلَانْ بِحِكْمَةْ وَ لِقِي رِضَى اللّٰهْ.

زَبُور 19:7

تَوْرَاةْ اللّٰهْ كَامِلْ، يِقَبِّلْ الرُّوحْ. وَ وَصَايَا اللّٰهْ أَمِينِينْ، يِسَوُّوا الْجَاهِلْ حَكِيمْ.

رَوْمَا 16:26

وَ لَاكِنْ هَسَّعْ بَيَّنَهْ خَلَاصْ بِكُتُبْ الْأَنْبِيَاء لِكُلَّ الْأُمَمْ الْمَا يَهُودْ. وَ اللّٰهْ الْحَيّ إِلَى الْأَبَدْ أَنْطَى الْأَمُرْ دَا أَشَانْ كُلَّ الشَّعَبْ يِآمُنُوا بَيَّهْ وَ يِتَابُعُوا كَلَامَهْ.

رَوْمَا 1:2

الْوَاعَدْ بَيْهَا مِنْ زَمَانْ بِوَاسِطَةْ الْأَنْبِيَاء الْكَلَامْهُمْ مَكْتُوبْ فِي الْكُتُبْ الْمُقَدَّسَةْ.

أعمال الرُسُل 10:43

وَ كُلَّ الْأَنْبِيَاء يَشْهَدَوْا لِعِيسَى وَ يُقُولُوا أَيِّ نَادُمْ الْيِآمِنْ بَيَّهْ، يَلْقَى غُفْرَانْ الذُّنُوبْ بِأُسْمَهْ.»

لُوقا 24:32

وَ قَمَّوْا يِحَجُّوا أَمْبَيْنَاتْهُمْ وَ قَالَوْا: «هَايْ! وَكِتْ هُو قَاعِدْ يِحَجِّي لَيْنَا فِي الدَّرِبْ وَ فَسَّرْ لَيْنَا الْكُتُبْ، هُو شَجَّعَانَا بِلْحَيْن لَحَدِّي قُلُوبْنَا فِرْحَوْا.»

أمْثال 8:17

أَنَا نِحِبّ الْيِحِبُّونِي وَ الْيِفَتُّشُونِي، يَلْقَوْنِي.

زَبُور 71:17

يَا رَبّ! إِنْتَ عَلَّمْتِنِي مِنْ صُبَايِ وَ لَحَدِّي هَسَّعْ، أَنَا قَاعِدْ نِخَبِّرْ بِعَجَايْبَكْ.

أعمال الرُسُل 17:2

وَ فِي مُدَّةْ تَلَاتَةْ أُسْبُوعْ، بُولُسْ قَاعِدْ يَدْخُلْ فِي بَيْت الصَّلَاةْ كُلَّ يَوْم السَّبْت مِثِلْ فِي عَادْتَهْ. وَ قَاعِدْ يِنَاقِشْ مَعَ الْيَهُودْ فِي كَلَامْ الْكِتَابْ.

1 صَمُوِيل 2:18

وَ لَاكِنْ فِي الْوَكِتْ دَا، صَمُوِيلْ قَاعِدْ يَخْدِمْ لِلّٰهْ. وَ هُو لِسَّاعْ صَغَيَّرْ وَ لَابِسْ خَلَقْ هَنَا رُجَالْ الدِّينْ.

رُؤية 19:10

وَ عَجَلَةْ كَيْ، أَنَا سَجَدْت قِدَّامْ رِجِلَيْنَهْ أَشَانْ نَعَبُدَهْ لِلْمَلَكْ وَ لَاكِنْ هُو قَالْ: «لَا، مَا تَسْجُدْ لَيِّ أَنَا. أَعَبُدْ اللّٰهْ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْيِتَابُعُوا شَهَادَةْ عِيسَى. أَشَانْ شَهَادَةْ عِيسَى، هِي الْكَلَامْ الْيِنَزِّلَهْ الرُّوحْ الْقُدُّوسْ فِي الْأَنْبِيَاء.»

أعمال الرُسُل 13:29

«وَ وَكِتْ سَوَّوْا كُلَّ شَيّءْ الْمَكْتُوبْ لَيَّهْ فِي الْكِتَابْ خَلَاصْ، نَزَّلَوْه مِنْ الْحَطَبْ وَ دَفَنَوْه فِي قَبُرْ.

2 أخبار 34:3

وَ فِي السَّنَةْ التَّامْنَةْ هَنَا حُكْمَهْ وَكِتْ هُو لِسَّاعْ صَبِي، بَدَا يِتَابِعْ اللّٰهْ رَبّ جِدَّهْ دَاوُدْ. وَ فِي السَّنَةْ 12 هَنَا حُكْمَهْ، قَمَّ يِطَهِّرْ بَلَدْ يَهُوذَا وَ مَدِينَةْ الْقُدُسْ مِنْ الْبَكَانَاتْ الْعَالِيِينْ هَنَا الْعِبَادَةْ وَ مِنْ الْعِيدَانْ الْغَزَّوْهُمْ لِعِبَادَةْ أَشِيرَةْ وَ الْأَصْنَامْ وَ التَّمَاثِيلْ هَنَا حَدِيدْ.

2 بُطْرُس 3:16

وَ هُو يِحَجِّي بِالْكَلَامْ دَا فِي كُلَّ جَوَابَاتَهْ. وَ فِي كَلَامْ قَاعِدْ فِي جَوَابَاتَهْ التَّفْسِيرَهْ مَا هَيِّنْ. وَ نَاسْ وَاحِدِينْ الْمَا قَرَوْا وَ إِيمَانْهُمْ مَا ثَابِتْ يِعَوُّجُوا كَلَامَهْ مِثِلْ يِعَوُّجُوا كَلَامْ الْكُتُبْ الْآخَرِينْ. وَ بَيْدَا، يِجِيبُوا لِنُفُوسْهُمْ الْهَلَاكْ.

جامِعة 12:1

فِي وَكِتْ شَبَابَكْ، أَذَّكَّرَهْ، هُو الْخَلَقَاكْ. أَذَّكَّرَهْ قَبُلْ أَيَّامْ الضِّيقَةْ مَا يَجُوكْ وَ قَبُلْ مَا يَجُوكْ السِّنِينْ الْفَوْقهُمْ إِنْتَ تُقُولْ: «حَيَاتِي مَا عِنْدَهَا طَعَمْ.»

لُوقا 1:15

وَ هُو يَبْقَى نَادُمْ مُهِمّ قِدَّامْ اللّٰهْ وَ مَا وَاجِبْ يَشْرَبْ خَمَرْ وَ لَا أَيِّ شَرَابْ الْيِسَكِّرْ النَّاسْ. وَ هُو يَبْقَى مَلَانْ بِالرُّوحْ الْقُدُّوسْ مِنْ هُو لِسَّاعْ قَاعِدْ فِي بَطُنْ أَمَّهْ.

تَثْنِية 4:6

أَحْفَضَوْهُمْ وَ طَبُّقُوهُمْ وَ بَيْهُمْ تَلْقَوْا الْمَعْرَفَةْ وَ الْحِكْمَةْ قِدَّامْ الشُّعُوبْ الْمُجَاوِرِينْكُو. وَ وَكِتْ الشُّعُوبْ الْمُجَاوِرِينْكُو يَسْمَعَوْا الشُّرُوطْ دَوْل، يُقُولُوا: «أَكِيدْ الْأُمَّةْ الْكَبِيرَةْ دِي عِنْدَهَا مَعْرَفَةْ وَ حِكْمَةْ.»

يُوحَنَّا 5:47

لَاكِنْ كَنْ أَوَّلْ مَا آمَنْتُوا بِالْكَلَامْ الْمُوسَى كَتَبَهْ، كِكَّيْف تِآمُنُوا بِكَلَامِي أَنَا؟»

أعمال الرُسُل 16:1

وَ بُولُسْ مَشَى قِدَّامْ لِحِلَّةْ دَرْبَةْ. وَ بَعَدَيْن جَاءْ فِي حِلَّةْ لِسْتَرَةْ. وَ فِي لِسْتَرَةْ، تِلْمِيذْ وَاحِدْ قَاعِدْ أُسْمَهْ تِمُوتَاوُسْ. أَمَّهْ يَهُودِيَّةْ مُؤمِنَةْ بِالْمَسِيحْ وَ أَبُوهْ يُونَانِي.

أعمال الرُسُل 26:24

وَ وَكِتْ بُولُسْ قَاعِدْ يِدَافِعْ لِنَفْسَهْ مِثِلْ دَا، فَسْتُسْ حَجَّى بِحِسّ عَالِي وَ قَالْ: «بُولُسْ! إِنْتَ مُشَوْطِنْ! قَرَيْت كَتِيرْ لَحَدِّي عَقْلَكْ لَفَّ!»

رَوْمَا 2:27

وَ بِمِثِلْ دَا، النَّادُمْ الْمَا طَهَّرَوْه فِي جِلْدَهْ وَ لَاكِنْ يِتَابِعْ الشُّرُوطْ، هُو يِوَصِّفْ بِحَالَهْ دِي كَدَرْ إِنْتَ الْيَهُودِي خَاطِي. أَشَانْ عِنْدَكْ الْكِتَابْ وَ الطَّهُورَةْ وَ لَاكِنْ تِخَالِفْ الشُّرُوطْ.

1 كُرُنْتُس 1:21

أَشَانْ اللّٰهْ سَوَّى كُلَّ شَيّءْ حَسَبْ حِكْمَتَهْ وَ لَاكِنْ نَاسْ الدُّنْيَا مَا أَعْتَرَفَوْا بَيَّهْ. وَ خَلَاصْ اللّٰهْ شَالْ نِيَّةْ أَشَانْ يِنَجِّي النَّاسْ الْيِآمُنُوا بَيَّهْ بِطَرِيقْ الْبِشَارَةْ، حَتَّى كَانْ نَاسْ الدُّنْيَا يِشِيفُوهْ كَلامْ بَاطِلْ كُلَ.

أفَسُس 6:4

أَسْمَعَوْا، يَا أَبَّهَاتْ الْعِيَالْ، مَا تِزَعُّلُوا عِيَالْكُو لَاكِنْ رَبُّوهُمْ فِي الْأَدَبْ وَ تَعْلِيمْ الرَّبّ.

1 تِمُوتَاوُس 4:13

لَحَدِّي نَجِيكْ، أنْكَرِبْ فِي قِرَايِةْ كِتَابْ اللّٰهْ لِلنَّاسْ وَ مَا تِخَلِّي مِنَّكْ الْبَشِّرِينْ وَ الْعَلِّمِينْ.

2 تِمُوتَاوُس 1:1

جَوَابْ مِنِّي أَنَا بُولُسْ رَسُولْ هَنَا عِيسَى الْمَسِيحْ بِإِذِنْ اللّٰهْ. وَ هُو جَعَلَانِي رَسُولْ أَشَانْ نِبَلِّغْ الْحَيَاةْ الْأَبَدِيَّةْ الْاللّٰهْ وَاعَدَانَا بَيْهَا وَ أَنْطَاهَا بِعِيسَى الْمَسِيحْ.