2 تِمُوتَاوُس 3:12 - الكتاب المقدس بالعربي الدارجي هنا تشاد

¹² وَ أَكِيدْ أَيِّ نَادُمْ الْيِدَوْر يِنْكَرِبْ فِي التَّقْوَى فِي دَرِبْ الْمَسِيحْ عِيسَى، يِتَعُّبُوهْ.

2 تِمُوتَاوُس 3:12 Referenca të Kryqëzuara

1 بُطْرُس 3:14

وَ كَنْ يِتَعُّبُوكُو بِسَبَبْ إِنْتُو صَالِحِينْ كُلَ، إِنْتُو مُبَارَكِينْ. مَا تَخَافَوْا مِنْهُمْ وَ مَا تِبَرْجُلُوا.

أعمال الرُسُل 14:22

وَ فِي كُلَّ الْحِلَّالْ دَوْل، شَجَّعَوْا التَّلَامِيذ وَ وَصَّوْهُمْ أَشَانْ يَقْعُدُوا ثَابْتِينْ فِي الْإِيمَانْ. وَ قَالَوْا لَيْهُمْ: «أَكِيدْ، تَعَبْ كَتِيرْ يَجِي فَوْقنَا كُلِّنَا فِي الدَّرِبْ الْيِوَدِّينَا فِي مَمْلَكَةْ اللّٰهْ.»

مَتَّى 16:24

وَ عِيسَى قَالْ لِتَلَامِيذَهْ: «أَيِّ نَادُمْ الْيِدَوْر يِشِيلْ دَرْبِي، خَلِّي يِشِيفْ نَفْسَهْ رَخِيصَةْ لَيَّهْ وَ يِلْحَمَّلْ تَعَبْ الصَّلِيبْ وَ يِتَابِعْنِي لِلْمَوْت.

يُوحَنَّا 16:2

يَطُرْدُوكُو مِنْ بُيُوتْ الصَّلَاةْ. وَ يَجِي وَكِتْ وَاحِدْ أَيِّ نَادُمْ الْيَكْتُلْكُو يِفَكِّرْ هُو قَاعِدْ يَخْدِمْ لِلّٰهْ.

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

مَرْخُوس 10:30

هُو يَلْقَى فِي الْوَكِتْ الْحَالِي 100 مَرَّةْ بُيُوتْ وَ أَخْوَانْ وَ أَخْوَاتْ وَ أَمَّهَاتْ وَ عِيَالْ وَ زِرَاعَةْ وَ مَعَاهُمْ ضِيقَةْ شَدِيدَةْ. وَ فِي الْآخِرَةْ، يَلْقَى الْحَيَاةْ الْأَبَدِيَّةْ.

تِيطُس 2:12

وَ هِي تِدَرِّبْنَا أَشَانْ نِخَلُّوا مِنِّنَا الْكُفُرْ وَ شَهْوَاتْ الدُّنْيَا وَ نِعِيشُوا فِي الدُّنْيَا بِحَالْ عَاقْلَةْ وَ صَالْحَةْ وَ تَقِيَّةْ.

2 بُطْرُس 3:11

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.

1 كُرُنْتُس 15:19

وَ كَنْ خَطَّيْنَا عَشَمْنَا فِي الْمَسِيحْ فِي وَكِتْ حَيَاتْنَا فِي الدُّنْيَا دِي بَسْ، نَبْقَوْا شَقْيَانِينْ مَرَّةْ وَاحِدْ مِنْ كُلَّ النَّاسْ.

رُؤية 12:4

وَ هُو قَشَّ تِلْت النُّجُومْ مِنْ السَّمَاءْ بِدَنَبَهْ وَ رَمَاهُمْ فِي الْأَرْض. وَ الْغُولْ دَا وَقَفْ قِدَّامْ الْمَرَةْ التِّدَوْر تَلْدَ وَ قَاعِدْ يَرْجَى أَشَانْ مِنْ وِلْدَتْ بَسْ يَاكُلْ صَغِيرْهَا.

رُؤية 7:14

وَ رَدَّيْت لَيَّهْ وَ قُلْت: «يَا السَّيِّدْ، إِنْتَ بَسْ تَعَرْفَهْ.» وَ هُو قَالْ: «دَوْل النَّاسْ الْقَعَدَوْا ثَابْتِينْ وَ مَرَقَوْا مِنْ الضِّيقَةْ الْكَبِيرَةْ. هُمَّنْ النَّاسْ الْغَسَّلَوْا خُلْقَانْهُمْ بِدَمّ الْحَمَلْ وَ مِثِلْ دَا، سَوَّوْا خُلْقَانْهُمْ بُيُضْ.

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

1 تِمُوتَاوُس 6:3

أَيِّ نَادُمْ الْيُقُمّ يِعَلِّمْ كَلَامْ شِقْ مِنْ دَا وَ مَا يِدَوْر الْكَلَامْ الْعَدِيلْ الْجَايِ مِنْ رَبِّنَا عِيسَى الْمَسِيحْ وَ يَابَى التَّعْلِيمْ الْيِوَدِّي النَّاسْ فِي التَّقْوَى،

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

1 تِمُوتَاوُس 2:2

خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

يُوحَنَّا 17:14

أَنَا أَوْرَيْت نَاسِي بِكَلَامَكْ وَ نَاسْ الدُّنْيَا كِرْهَوْهُمْ أَشَانْ نَاسِي مَا هَنَا الدُّنْيَا مِثِلْ أَنَا كُلَ مَا هَنَا الدُّنْيَا.

مَتَّى 23:34

«وَ خَلَاصْ نِرَسِّلْ لَيْكُو أَنْبِيَاء وَ عُلَمَاءْ حَكِيمِينْ وَ مُعَلِّمِينْ. وَ وَاحِدِينْ مِنْهُمْ تَكْتُلُوهُمْ فِي صَلِيبْ وَ آخَرِينْ تَفُرْشُوهُمْ فِي بُيُوتْ الصَّلَاةْ وَ تَطُرْدُوهُمْ مِنْ حِلَّةْ وَاحِدَةْ لِحِلَّةْ آخَرَةْ.

يَشُوع 17:14

وَ ذُرِّيَّةْ يُوسُفْ قَالَوْا لِيَشُوعْ: «مَالَا تَنْطِينَا وَرَثَةْ قِسِمْ وَاحِدْ بَسْ كَنْ أَنِحْنَ نَاسْ كَتِيرِينْ أَشَانْ اللّٰهْ بَارَكَانَا؟»

2 كُرُنْتُس 4:9

وَ النَّاسْ يِتَعُّبُونَا لَاكِنْ اللّٰهْ مَا يِخَلِّينَا. يَرْمُونَا لَاكِنْ مَا يِدَمُّرُونَا.