2 تِمُوتَاوُس 3:11 - الكتاب المقدس بالعربي الدارجي هنا تشاد

¹¹ إِنْتَ شِفْتِنِي وَكِتْ النَّاسْ قَاعِدِينْ يِتَعُّبُونِي وَ وَكِتْ تَعَبْ شَدِيدْ جَاءْ فَوْقِي. وَ شِفْتِنِي فِي كُلِّ شَيّءْ الْقَاسِي الْبِقِي فَوْقِي فِي حِلَّالْ أَنْطَاكِيَةْ وَ إِقُونِيَةْ وَ لِسْتَرَةْ. حِمِلْت فَوْقهُمْ تَعَبْ شَدِيدْ مَرَّةْ وَاحِدْ. لَاكِنْ رَبِّنَا فَزَعْنِي وَ نَجَّانِي مِنْ التَّعَبْ دَا كُلَّ كَيْ.

2 تِمُوتَاوُس 3:11 Referenca të Kryqëzuara

زَبُور 34:19

الصَّالِحْ يَوَاجِهْ بَلَاءْ كَتِيرْ وَ مِنْ كُلِّ وَاحِدْ، اللّٰهْ يِنَجِّيهْ.

أعمال الرُسُل 13:45

وَ الْيَهُودْ شَافَوْا نَاسْ كَتِيرِينْ جَايِينْ وَ حَسَدَوْا بُولُسْ وَ بَرْنَابَا. وَ أَشَانْ دَا، قَمَّوْا خَالَفَوْا كَلَامْ بُولُسْ وَ عَيَّرَوْه.

2 بُطْرُس 2:9

وَ خَلَاصْ بَيْدَا كُلَ كَيْ، نَعَرْفُوا كَدَرْ اللّٰهْ يَقْدَرْ يَفْزَعْ الصَّالِحِينْ فِي وَكْت التَّجْرِبَةْ وَ يِرَاقِبْ النَّاسْ الْفَسْلِينْ لَحَدِّي يِعَاقِبْهُمْ فِي يَوْم الْحِسَابْ.

2 تِمُوتَاوُس 4:7

أَنَا جَاهَدْت جِهَادْ شَدِيدْ فِي الْحَقّ. وَ الْمُسَابَقَةْ الطَّوِيلَةْ كَمَّلْتَهَا وَ الْإِيمَانْ كَرَبْتَهْ قَوِي لَحَدِّي النِّهَايَةْ.

أعمال الرُسُل 26:22

لَاكِنْ لَحَدِّي الْيَوْم، اللّٰهْ قَاعِدْ يَحْفَضْنِي وَ أَشَانْ دَا بَسْ، أَنَا وَاقِفْ هِنِي وَ قَاعِدْ نَشْهَدْ قِدَّامْ كُلَّ النَّاسْ الْكُبَارْ وَ الصُّغَارْ. وَ أَبَداً مَا نُقُولْ شَيّءْ إِلَّا الشَّيّءْ الْمُوسَى وَ الْأَنْبِيَاء قَالَوْا لَابُدَّ يُكُونْ.

أعمال الرُسُل 26:17

نَحْفَضَكْ مِنْ نَاسَكْ الْيَهُودْ وَ مِنْ الْأُمَمْ الْآخَرِينْ. نِرَسِّلَكْ لَيْهُمْ

أعمال الرُسُل 23:10

وَ الْكَلَامْ دَا جَابْ بَرْجَالْ لَحَدِّي الْقَايِدْ الرَّوْمَانِي خَافْ مِنْ النَّاسْ يِقَطُّعُوا بُولُسْ لَحَمَايْ لَحَمَايْ. وَ فِي الأَخِيرْ، هُو رَسَّلْ عَسْكَرَهْ أَشَانْ يَنْزُلُوا يَخْطُفُوهْ مِنْ أُسُطْهُمْ وَ يِقَبُّلُوا بَيَّهْ فِي الْقَصِرْ.

أعمال الرُسُل 20:19

كُلَّ يَوْم، أَنَا خَدَمْت لِرَبِّنَا مِثِلْ مِسْكِينْ وَ دُمُوعِي دَفَّقَوْا كَتِيرْ فِي شَانْكُو. وَ إِنْتُو تَعَرْفُوا كِكَّيْف الْيَهُودْ أَلآمَرَوْا فَوْقِي وَ التَّعَبْ دَا بِقِي لَيِّ قَاسِي.

أعمال الرُسُل 13:14

لَاكِنْ هُمَّنْ خَطَرَوْا مِنْ بَرْقَةْ وَ مَشَوْا لِحِلَّةْ أَنْطَاكِيَةْ بِسِيدِيَةْ. وَ يَوْم السَّبْت، دَخَلَوْا فِي بَيْت الصَّلَاةْ وَ قَعَدَوْا تِحِتْ.

أعمال الرُسُل 9:16

وَ أَنَا بَسْ نِوَصِّفْ لَيَّهْ التَّعَبْ الشَّدِيدْ الْهُو يَتْعَبَهْ فِي شَانِي أَنَا.»

دَنْيال 6:27

وَ هُو الْيَفْزَعْ وَ يِنَجِّي وَ هُو الْيِسَوِّي عَلَامَاتْ وَ عَجَايِبْ فِي السَّمَاءْ وَ فِي الْأَرْض. وَ هُو بَسْ النَّجَّى دَنْيَالْ مِنْ ضَرِبِينْ الدِّيدَانْ.

إرْمِيا 1:19

هُمَّنْ يِحَارُبُوكْ وَ لَاكِنْ مَا يِسَوُّوا لَيْك شَيّءْ أَشَانْ أَنَا نُكُونْ مَعَاكْ وَ نَحْمِيكْ.» وَ دَا كَلَامْ اللّٰهْ.

إشَعْيا 43:2

وَكِتْ تَقْطَعْ الْأَلْمِي، أَنَا نُكُونْ مَعَاكْ وَ وَكِتْ تُشُقّ الْبُحُورْ، مَا تَغْرَقْ. وَكِتْ تُرُوغْ فِي أُسْط النَّارْ، مَا تَاكُلَكْ وَ أَمْ بَلْبَالَةْ مَا تَحْرِقَكْ.

إشَعْيا 41:14

«مَا تَخَافْ، يَا يَعْقُوبْ، إِنْتَ الْمِثِلْ دُودْ التُّرَابْ وَ يَا إِسْرَائِيلْ، إِنْتَ الْمِثِلْ الرِّمَّةْ! أَنَا بَسْ النِّسَاعِدَكْ وَ الْيَفْدَاكْ، هُو أَنَا قُدُّوسْ إِسْرَائِيلْ. وَ دَا كَلَامْ اللّٰهْ.

إشَعْيا 41:10

هَسَّعْ دَا، مَا تَخَافْ أَشَانْ أَنَا مَعَاكْ. مَا تِهِمّ أَشَانْ أَنَا إِلٰـهَكْ. أَنَا قَوَّيْتَكْ أَيْوَى، أَنَا جِيتْ وَ فَزَعْتَكْ! أَنَا سَاعَدْتَكْ وَ نَصَرْتَكْ بِإِيدِي الزَّيْنَةْ.

زَبُور 91:14

وَ اللّٰهْ قَالْ: «أَشَانْ هُو مُنْرَبِطْ فَوْقِي، أَنَا نِنَجِّيهْ وَ نُخُطَّهْ فِي بَكَانْ الْعِنْدَهْ أَمِنْ أَشَانْ هُو عِرِفْ أُسْمِي.

زَبُور 37:40

اللّٰهْ يَفْزَعْهُمْ وَ يِنَجِّيهُمْ، أَيْوَى، يِنَجِّيهُمْ مِنْ الْعَاصِيِينْ وَ يَفْزَعْهُمْ أَشَانْ الْعَدِيلِينْ يَلْجَأَوْا لَيَّهْ هُو.

2 صَمُوِيل 22:49

وَ يَمْرُقْنِي مِنْ إِيدْ عُدْوَانِي وَ يَنْصُرْنِي فَوْقهُمْ وَ يِنَجِّينِي مِنْ النَّاسْ الْيِسَوُّوا الْعُنُفْ.

2 صَمُوِيل 22:1

وَ دَاوُدْ قَدَّمْ غِنَيْ الشُّكُرْ لِلّٰهْ وَكِتْ هُو نَجَّاهْ مِنْ إِيدْ كُلَّ عُدْوَانَهْ وَ مِنْ إِيدْ شَاوُولْ.

تكوين 48:16

يَا اللّٰهْ النَّجَّيْتنِي مِنْ كُلَّ شَيّءْ فَسِلْ! نَطْلُبْ مِنَّكْ تِبَارِكْ الْعِيَالْ دَوْل أَشَانْ بَيْهُمْ هُمَّنْ، أُسْمِي يَقْعُدْ دَايْماً مِثِلْ أُسُمْ أَبَّهَاتِي إِبْرَاهِيمْ وَ إِسْحَاقْ. وَ خَلِّي عِيَالْهُمْ يِزِيدُوا وَ يَبْقَوْا كَتِيرِينْ فِي كُلَّ الْأَرْض.»

أعمال الرُسُل 14:8

وَ فِي حِلَّةْ لِسْتَرَةْ فِي نَادُمْ مَعْضُورْ. هُو مُكَرْسَحْ مِنْ وِلْدَوْه وَ يَوْم وَاحِدْ كُلَ، مَا رَاغْ.

رَوْمَا 15:31

أَسْأَلَوْا لَيِّ اللّٰهْ أَشَانْ يَفْزَعْنِي مِنْ الْيَهُودْ الْمَا مَسِيحِيِّينْ فِي دَارْ الْيَهُودِيَّةْ. وَ أَسْأَلَوْا أَشَانْ الصَّالِحِينْ الْفِي مَدِينَةْ الْقُدُسْ يَرْضَوْا بِالْمُسَاعَدَةْ النِّجِيبْهَا لَيْهُمْ.

2 كُرُنْتُس 1:5

وَ صَحِيحْ، أَنِحْنَ قَاعِدِينْ نِشَارُكُوا كَتِيرْ فِي تَعَبْ الْمَسِيحْ وَ لَاكِنْ بِعَلَاقِتْنَا مَعَايَهْ، كُلَ نَلْقَوْا شَجَاعَةْ زِيَادَةْ.

2 كُرُنْتُس 1:7

عَشَمْنَا فَوْقكُو قَوِي بِلْحَيْن أَشَانْ نَعَرْفُوا كَدَرْ تِشَارُكُوا فِي الشَّجَاعَةْ مِثِلْ أَوَّلْ قَاعِدِينْ تِشَارُكُوا مَعَانَا فِي التَّعَبْ.

2 كُرُنْتُس 12:10

أَشَانْ دَا، أَنَا نَفْرَحْ وَكِتْ أَنَا ضَعِيفْ وَ وَكِتْ يِعَيُّرُونِي وَ يِتَعُّبُونِي وَ يِعَذُّبُونِي وَ يِضَايُقُونِي فِي شَانْ أَنَا قَاعِدْ نِتَابِعْ الْمَسِيحْ. أَشَانْ وَكِتْ مَا عِنْدِي قُدْرَةْ، فِي الْبَكَانْ دَا بَسْ، الْقُدْرَةْ تَقْعُدْ فَوْقِي.