2 تِمُوتَاوُس 3:10 - الكتاب المقدس بالعربي الدارجي هنا تشاد

¹⁰ لَاكِنْ إِنْتَ رَافَقْتِنِي وَ تَعَرِفْنِي. شِفْتِنِي وَكِتْ أَنَا قَاعِدْ نِعَلِّمْ النَّاسْ وَ تَعَرِفْ حَالِي وَ نِيّتِي فِي كُلِّ شَيّءْ. تَعَرِفْ إِيمَانِي وَ صَبْرِي وَ مَحَبِّتِي وَ قَلْبِي الثَّابِتْ.

2 تِمُوتَاوُس 3:10 Referenca të Kryqëzuara

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

تِيطُس 2:7

أَبْقَى لَيْهُمْ مَثَلْ فِي كُلِّ شَيّءْ. وَصِّفْ لَيْهُمْ بِحَالَكْ كِكَّيْف يِسَوُّوا الْخَيْر. وَ خَلِّيهُمْ يِشِيفُوا كَدَرْ إِنْتَ نَادُمْ مُخْلِصْ فِي تَعْلِيمَكْ وَ مُنْكَرِبْ فَوْقَهْ.

1 تِمُوتَاوُس 4:6

كَنْ تِعَلِّمْ الْأَخْوَانْ الْوَصَايَا دَوْل، إِنْتَ تَبْقَى خَدَّامْ عَدِيلْ لِلْمَسِيحْ عِيسَى. وَ كَلَامْ الْإِيمَانْ وَ التَّعْلِيمْ الْعَدِيلْ التِّتَابِعَهْ، دَوْل يَبْقَوْا لَيْك مِثِلْ أَكِلْ الْيَنْطِيكْ قُدْرَةْ.

فِلِبِّي 2:22

لَاكِنْ أَكِيدْ إِنْتُو تَعَرْفُوا كِكَّيْف تِمُوتَاوُسْ وَصَّفْ ثَبَاتَهْ. مِنْ وَكِتْ طَوِيلْ، هُو قَاعِدْ يَخْدِمْ مَعَايِ فِي بَلِّغِينْ بِشَارَةْ الْمَسِيحْ مِثِلْ وِلَيْد الْيَخْدِمْ مَعَ أَبُوهْ.

عِبْرَانِيِّين 13:9

مَا تِخَلُّوا النَّاسْ الْجَايِينْ بِتَعْلِيمْ عَجِيبْ أَوْ شِقْ شِقْ يِوَدُّوكُو فِي دَرِبْ آخَرْ. أَخَيْر قَلِبْ الْإِنْسَانْ يَلْقَى قُدْرَةْ مِنْ رَحْمَةْ اللّٰهْ بَسْ وَ مَا مِنْ الْأَكِلْ الْخَاصّ. وَ النَّاسْ التَّابَعَوْا التَّعْلِيمْ دَا، مَا لِقَوْا مِنَّهْ فَايْدَةْ.

أعمال الرُسُل 11:23

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ.

2 بُطْرُس 3:11

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.

2 تِمُوتَاوُس 4:3

فِي الْوَكِتْ الْجَايِ، النَّاسْ يَابَوْا مَا يَحْمَلَوْا التَّعْلِيمْ الْعَدِيلْ. يِتَابُعُوا الْكَلَامْ الْحَلُو لَيْهُمْ وَ يِشِيلُوا مُعَلِّمِينْ كَتِيرِينْ الْيُقُولُوا الْكَلَامْ الْيَعَجِبْ النَّاسْ بَسْ.

2 تِمُوتَاوُس 2:22

أَنْقَرِعْ مِنْ شَهْوَاتْ هَنَا الصُّبَى. خُطّ بَالَكْ أَشَانْ تَبْقَى نَادُمْ صَالِحْ وَ تَبْقَى قَوِي فِي الْإِيمَانْ وَ الْمَحَبَّةْ وَ السَّلَامْ مِثِلْ كُلَّ النَّاسْ الْيَدْعُوا الرَّبّ بِقَلِبْ طَاهِرْ.

1 تَسَلونِيكِي 1:5

أَشَانْ الْبِشَارَةْ الْبَلَّغْنَاهَا لَيْكُو مَا جَاتْ لَيْكُو بِكَلَامْ بَسْ لَاكِنْ بِقُدْرَةْ وَ بِخِدْمَةْ الرُّوحْ الْقُدُّوسْ وَ بِعَشَمْ مُؤَكَّدْ. وَ إِنْتُو شِفْتُوا حَالْنَا مَعَاكُو وَ خِدْمِتْنَا فِي شَانْكُو.

2 كُرُنْتُس 1:17

وَ كَنْ دَوَّرْت نَمْشِي لَيْكُو مِثِلْ دَا، هَلْ تُقُولُوا أَنَا شِلْت نِيَّةْ بَلَا فِكِرْ وَلَّا؟ هَلْ تُقُولُوا أَنَا نِشِيلْ نِيَّةْ مِثِلْ نَاسْ الدُّنْيَا الْبُقُولُوا «أَيْوَى» وَ «لَا» فِي نَفْس الْوَكِتْ؟

رَوْمَا 16:17

يَا أَخْوَانِي، نِوَصِّيكُو بِشَيّءْ وَاحِدْ. أَنْقَرْعُوا مِنْ النَّاسْ الْيِعَلُّمُوكُو بِتَعْلِيمْ شِقْ مِنْ التَّعْلِيمْ السِّمِعْتُوهْ أَوَّلْ. النَّاسْ دَوْل يِفَرُّقُوا الْمُؤمِنِينْ بِكَلَامْهُمْ وَ يِتَلُّفُوا إِيمَانْهُمْ. كِسُّوا مِنْهُمْ بَعِيدْ.

أعمال الرُسُل 26:4

كُلَّ الْيَهُودْ يَعَرْفُوا حَالِي مِنْ أَنَا صَغَيَّرْ وَ يَعَرْفُوا كِكَّيْف أَنَا عِشْت، أَوَّلْ مَعَ نَاسْ حِلِّتِي وَ بَعَدْ دَا، فِي مَدِينَةْ الْقُدُسْ.

أعمال الرُسُل 20:18

وَ وَكِتْ الْكُبَارَاتْ جَوْا، بُولُسْ كَلَّمْ لَيْهُمْ وَ قَالْ: «إِنْتُو تَعَرْفُوا حَالْتِي كِكَّيْف كُلَّ الْمُدَّةْ الْقَعَدْتَهَا مَعَاكُو فِي بَلَدْ آسِيَا مِنْ أَوَّلْ يَوْم جِيتْ.

أعمال الرُسُل 2:42

وَ بِنِيَّةْ وَاحِدَةْ كُلَّ الْمُؤمِنِينْ قَمَّوْا يِنْكَرْبُوا فِي تَعْلِيمْ الرُّسُلْ وَ الْحَيَاةْ الْأَخَوِيَّةْ وَ عَشَاءْ الْمَسِيحْ وَ الصَّلَاوَاتْ.

لُوقا 1:3

وَ أَنَا كُلَ قَاعِدْ نُخُطّ بَالِي فِي كُلَّ الْكَلَامْ دَا أَشَانْ نَعَرِفْ الْحَقِيقَةْ هَنَا كُلَّ الْأَشْيَاءْ الْكَانَوْا مِنْ الْبِدَايَةْ. وَ خَلَاصْ، يَا ثَاوُفِيلُسْ الْمُحْتَرَمْ، أَنَا شِلْت نِيَّةْ أَشَانْ نِسَجِّلْ تَارِيخْ الْأَشْيَاءْ الْبِقَوْا وَ نَكْتِبَهْ لَيْك بِنِظَامْ عَدِيلْ.

1 تِمُوتَاوُس 1:3

نُقُولْ لَيْك نَفْس الْكَلَامْ الْقُلْتَهْ لَيْك وَكِتْ خَلَّيْتَكْ وَ سَافَرْت لِبَلَدْ مَقِدُونِيَةْ. وَاجِبْ تَقْعُدْ فِي حِلَّةْ أَفَسُسْ أَشَانْ تِوَصِّيهُمْ لِلنَّاسْ الْقَاعِدِينْ يِشَتُّتُوا التَّعْلِيمْ الْمَا صَحِيحْ. آمُرْهُمْ أَشَانْ يِخَلُّوا مِنْهُمْ الْكَلَامْ دَا.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

دَنْيال 1:8

وَ دَنْيَالْ شَالْ نِيَّةْ مَا يِنَجِّسْ نَفْسَهْ بِالْأَكِلْ وَ الْخَمَرْ الْيَنْطُوهْ لَيْهُمْ مِنْ طَرَبَيْزَةْ الْمَلِكْ. وَ طَلَبْ مِنْ كَبِيرْ الْخَدَّامِينْ أَشَانْ مَا يَجْبُرَهْ فِي الشَّيّءْ الْيِنَجِّسَهْ.

فِلِبِّي 2:20

مَا فِي نَادُمْ آخَرْ الْيِهِمّ بَيْكُو مِثْلِي أَنَا، إِلَّا هُو بَسْ. يِهِمّ بَيْكُو بِنِيَّةْ مُخْلِصَةْ.

2 تِمُوتَاوُس 4:2

بَلِّغْ كَلَامْ اللّٰهْ. أنْكَرِبْ فَوْقَهْ كَنْ تَلْقَى مِنْ النَّاسْ مُرّ وَلَّا حَلُو كُلَ. جِيبْ النَّاسْ فِي الدَّرِبْ. الْوَاحِدِينْ أَهْرِجْهُمْ وَ الْوَاحِدِينْ شَجِّعْهُمْ. عَلِّمْهُمْ كُلُّهُمْ بِصَبُرْ شَدِيدْ.

2 تِمُوتَاوُس 4:7

أَنَا جَاهَدْت جِهَادْ شَدِيدْ فِي الْحَقّ. وَ الْمُسَابَقَةْ الطَّوِيلَةْ كَمَّلْتَهَا وَ الْإِيمَانْ كَرَبْتَهْ قَوِي لَحَدِّي النِّهَايَةْ.