2 تِمُوتَاوُس 2:9 - الكتاب المقدس بالعربي الدارجي هنا تشاد

⁹ وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

2 تِمُوتَاوُس 2:9 Referenca të Kryqëzuara

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

أعمال الرُسُل 28:31

وَ قَاعِدْ يِبَلِّغْ بِشَارَةْ مَمْلَكَةْ اللّٰهْ وَ يِعَلِّمْ كُلَّ النَّاسْ بِالرَّبّ عِيسَى الْمَسِيحْ بَلَا خَوْف. وَ نَادُمْ وَاحِدْ مَا دَحَرَهْ.

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

كُلُوسِي 4:3

وَ أَسْأَلَوْا اللّٰهْ لَيْنَا كُلَ. أَسْأَلَوْه أَشَانْ يَفْتَحْ لَيْنَا دَرِبْ لِلْبِشَارَةْ أَشَانْ نِبَلُّغُوا النَّاسْ بِسِرّ اللّٰهْ هُو الْمَسِيحْ. وَ بِسَبَبْ الْبِشَارَةْ دِي، أَنَا قَاعِدْ فِي السِّجِنْ.

2 تِمُوتَاوُس 4:17

لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

1 بُطْرُس 4:15

وَ خَلِّي نَادُمْ مِنْكُو أَبَداً مَا يِتَعُّبُوهْ بِسَبَبْ كَتِلِينْ دِمَّةْ وَلَّا سِرْقَةْ وَلَّا جَرِيمَةْ وَلَّا دَخِلِينْ فِي شُؤُونْ النَّاسْ.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

2 تَسَلونِيكِي 3:1

وَ آخَرْ شَيّءْ يَا أَخْوَانِي، أَسْأَلَوْا لَيْنَا اللّٰهْ أَشَانْ كَلَامْ الرَّبّ يِلْوَزَّعْ عَجَلَةْ فِي أُسْط النَّاسْ وَ يَقْبَلَوْه بِشَرَفْ مِثِلْ إِنْتُو قِبِلْتُوهْ.

كُلُوسِي 4:18

وَ خَلَاصْ، أَنَا ذَاتِي شِلْت الْقَلَمْ وَ نَكْتِبْ: «أَنَا بُولُسْ نِسَلِّمْكُو.» مَا تَنْسَوْا كَدَرْ أَنَا قَاعِدْ فِي السِّجِنْ وَ مُجَنْزَرْ. وَ عَلَيْكُمْ رَحْمَةْ الرَّبّ.

أفَسُس 3:1

أَنَا بُولُسْ قَاعِدْ فِي السِّجِنْ أَشَانْ نِتَابِعْ الْمَسِيحْ عِيسَى وَ نِبَلِّغْ بِشَارْتَهْ لَيْكُو إِنْتُو الْمَا يَهُودْ. وَ أَشَانْ دَا، أَنَا نَسْأَلْ لَيْكُو اللّٰهْ.

أعمال الرُسُل 9:16

وَ أَنَا بَسْ نِوَصِّفْ لَيَّهْ التَّعَبْ الشَّدِيدْ الْهُو يَتْعَبَهْ فِي شَانِي أَنَا.»

1 بُطْرُس 3:16

لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

1 بُطْرُس 2:14

وَ الْحُكَّامْ الْهُو خَطَّاهُمْ لِيَحْكُمُوا الْمُجْرِمِينْ وَ يَشْكُرُوا النَّاسْ الْيِسَوُّوا الْخَيْر.

2 تِمُوتَاوُس 1:16

خَلِّي رَبِّنَا يَرْحَمْ نَاسْ بَيْت أَخُونَا وَانِي سِفِرُسْ أَشَانْ هُو جَاءْ لَيِّ فِي السِّجِنْ وَ شَجَّعَانِي كَتِيرْ. جَنَازِيرِي أَبَداً مَا سَوَّوْا لَيَّهْ عَيْب.

لُوقا 23:32

وَ فِي نَاسَيْن الْوَدَّوْهُمْ مِنْ الْمَدِينَةْ أَشَانْ يَكْتُلُوهُمْ فِي نَفْس الْبَكَانْ مَعَ عِيسَى. وَ هُمَّنْ مُجْرِمِينْ.

أعمال الرُسُل 21:33

وَ الْقَايِدْ قَرَّبْ لِبُولُسْ وَ كَرَبَهْ وَ أَمَرَاهُمْ لِلْعَسْكَرْ أَشَانْ يَرْبُطُوهْ بِجَنَازِيرْ إِتْنَيْن. وَ بَدَا يَسْأَلْ النَّاسْ وَ قَالْ: «يَاتُو النَّادُمْ دَا؟ هُو سَوَّى شُنُو؟»

فِلِبِّي 1:17

وَ لَاكِنْ الْحَسُودِينْ دَوْل يِبَلُّغُوا بِالْمَسِيحْ بِنِيَّةْ مَا مُخْلِصَةْ. يِدَوْرُوا يُخُطُّوا نُفُوسْهُمْ قِدَّامْ. وَ فِي فِكِرْهُمْ، بَلِّغِينْهُمْ يَبْقَى لَيِّ قَاسِي وَكِتْ أَنَا مُجَنْزَرْ فِي السِّجِنْ.

1 تَسَلونِيكِي 1:8

مِنْكُو إِنْتُو، بِشَارَةْ الرَّبّ شَتَّتْ وَ مَشَتْ بَعِيدْ. مَا مَشَتْ فِي مَقِدُونِيَةْ وَ أَخَايَةْ بَسْ وَ لَاكِنْ لِحْقَتْ أَيِّ بَكَانْ، لَحَدِّي مَا نَقْدَرَوْا نُقُولُوا شَيّءْ فِيكُو كُلَ أَشَانْ إِيمَانْكُو بِاللّٰهْ مَعْرُوفْ.

2 تِمُوتَاوُس 2:3

أَقْبَلْ التَّعَبْ مِثِلْ عَسْكَرِي عَدِيلْ هَنَا الْمَسِيحْ عِيسَى.