2 تِمُوتَاوُس 2:8 - الكتاب المقدس بالعربي الدارجي هنا تشاد

⁸ فَكِّرْ فِي عِيسَى الْمَسِيحْ. هُو مِنْ ذُرِّيَّةْ دَاوُدْ وَ بَعَثْ مِنْ أُسْط الْمَيْتِينْ. وَ دِي بَسْ الْبِشَارَةْ الْأَنَا بَلَّغْتَهَا لِلنَّاسْ.

2 تِمُوتَاوُس 2:8 Referenca të Kryqëzuara

أعمال الرُسُل 2:24

وَ لَاكِنْ اللّٰهْ بَعَثَهْ مِنْ أُسْط الْمَيْتِينْ وَ دَمَّرْ تَعَبْ الْمَوْت أَشَانْ مَا مُمْكِنْ الْمَوْت يِنَّصِرْ فَوْقَهْ.

رَوْمَا 2:16

وَ حَسَبْ بِشَارَةْ الْمَسِيحْ النِّبَلِّغْهَا، دَا كُلَّ كَيْ يَبْقَى وَاضِحْ فِي الْيَوْم الْاللّٰهْ يِحَاسِبْ فَوْقَهْ النَّاسْ بِوَاسِطَةْ عِيسَى الْمَسِيحْ. وَ هُو يِحَاسِبْ النَّاسْ فِي الْعَمَلْ الْيِسَوُّوهْ بِعَشِيرْ.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

مَتَّى 1:1

دَاهُو قُرْمَةْ هَنَا جُدُودْ عِيسَى الْمَسِيحْ إِبْن دَاوُدْ إِبْن إِبْرَاهِيمْ.

1 تِمُوتَاوُس 2:7

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.

1 كُرُنْتُس 15:4

وَ هُو دَفَنَوْه وَ اللّٰهْ بَعَثَهْ فِي الْيَوْم التَّالِتْ مِثِلْ مَكْتُوبْ فِي الْكِتَابْ.

رُؤية 5:5

وَ فِي الْبَكَانْ دَا، وَاحِدْ مِنْ الشُّيُوخْ حَجَّى لَيِّ وَ قَالْ: «مَا تَبْكِي. شِيفْ! النَّادُمْ الْأُسْمَهْ دُودْ هَنَا قَبِيلَةْ يَهُوذَا، هُو قَاعِدْ. وَ هُو الْمَلِكْ الْمِنْ ذُرِّيَّةْ دَاوُدْ وَ هُو بَسْ الْأَنَّصَرْ. وَ بَيْدَا، هُو يَقْدَرْ يُفُكّ السَّبْعَةْ خِتِمْ وَ يَفْتَحْ الْمَكْتُوبْ.»

1 تِمُوتَاوُس 1:11

وَ التَّعْلِيمْ هُو عَدِيلْ كَنْ يِوَافِقْ مَعَ الْبِشَارَةْ الْاللّٰهْ كَلَّفَانِي بَيْهَا أَشَانْ نِبَلِّغْهَا. وَ هِي الْبِشَارَةْ الْمَجِيدَةْ الْمِنْ اللّٰهْ الْوَاجِبْ لَيَّهْ الشُّكُرْ.

1 كُرُنْتُس 15:1

يَا أَخْوَانِي، نِدَوْر نِذَكِّرْكُو بِبِشَارَةْ الْمَسِيحْ الْبَلَّغْتَهَا لَيْكُو. الْبِشَارَةْ دِي، إِنْتُو قِبِلْتُوهَا وَ بِسَبَبْهَا بَسْ، إِنْتُو مُؤمِنِينْ.

رَوْمَا 16:25

وَ خَلَاصْ نَشْكُرُوا اللّٰهْ! أَشَانْ هُو يَقْدَرْ يِقَوِّيكُو فِي الْإِيمَانْ بِبِشَارَةْ الْمَسِيحْ النِّجِيبْهَا لَيْكُو وَكِتْ نِبَلِّغْ بِعِيسَى الْمَسِيحْ. وَ بِالْبِشَارَةْ دِي، اللّٰهْ يِعَرِّفْ السِّرّ الْمُلَبَّدْ مِنْ الزَّمَنْ الْفَاتْ.

أعمال الرُسُل 13:23

«وَ خَلَاصْ، مِنْ ذُرِّيَّةْ دَاوُدْ، اللّٰهْ رَسَّلْ عِيسَى لِبَنِي إِسْرَائِيلْ أَشَانْ يِنَجِّيهُمْ. وَ مِثِلْ دَا، اللّٰهْ تَمَّ الْوَعَدْ الْأَنْطَاهْ لِدَاوُدْ.

أعمال الرُسُل 2:30

دَاوُدْ كَانْ نَبِي. وَ هُو عِرِفْ كَدَرْ اللّٰهْ حَلَفْ لَيَّهْ وَ قَالْ كَدَرْ هُو يُخُطّ وَاحِدْ مِنْ ذُرِّيّتَهْ فِي كُرْسِي الْمَلِكْ.

لُوقا 24:46

وَ قَالْ لَيْهُمْ: «مَكْتُوبْ فِي الْكِتَابْ كَدَرْ الْمَسِيحْ لَابُدَّ يَتْعَبْ وَ فِي الْيَوْم التَّالِتْ، يَبْعَثْ مِنْ أُسْط الْمَيْتِينْ.

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

2 تِمُوتَاوُس 2:7

فَكِّرْ فِي الْكَلَامْ الْقُلْتَهْ لَيْك دَا وَ رَبِّنَا يَنْطِيكْ عَقُلْ أَشَانْ تَفْهَمْ كُلِّ شَيّءْ.