2 تِمُوتَاوُس 2:4 - الكتاب المقدس بالعربي الدارجي هنا تشاد

⁴ الْعَسْكَرِي الْقَاعِدْ يِسَوِّي خِدِمْتَهْ مَا لَمَّاهْ بِخِدْمَةْ النَّاسْ الْمَا عَسْكَرْ. هُو يُخُطّ بَالَهْ لِكَلَامْ كَبِيرَهْ الْيَامُرَهْ وَ يِدَوْر رِضَى مِنَّهْ هُو بَسْ.

2 تِمُوتَاوُس 2:4 Referenca të Kryqëzuara

1 تَسَلونِيكِي 2:4

بِالْعَكْس، اللّٰهْ شَافْ قُلُوبْنَا وَ كَلَّفَانَا بِالْبِشَارَةْ وَ أَشَانْ دَا بَسْ، نِبَشُّرُوا النَّاسْ. وَ نِبَشُّرُوهُمْ دَا، مَا أَشَانْ نِدَوْرُوا رِضَى مِنْهُمْ لَاكِنْ أَشَانْ نِدَوْرُوا رِضَى مِنْ اللّٰهْ الْيَكْشِفْ قُلُوبْنَا.

لُوقا 8:14

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّاسْ الْيَسْمَعَوْا كَلَامْ اللّٰهْ وَ لَاكِنْ مَشَاكِلْ الدُّنْيَا وَ رَيْدِتْهُمْ لِلْمَالْ وَ شَهْوَاتْ الْحَيَاةْ يَكْتُلُوا كَلَامْ اللّٰهْ الْفِي قُلُوبْهُمْ. وَ بَيْدَا، كَلَامْ اللّٰهْ مَا يِجِيبْ نَتِيجَةْ.

2 بُطْرُس 2:20

وَ كَنْ النَّاسْ أَوَّلْ مَرَقَوْا مِنْ نَجَاسَةْ الدُّنْيَا بِعِرْفَةْ رَبِّنَا عِيسَى الْمَسِيحْ مُنَجِّينَا وَ بَعَدَيْن نَجَاسَةْ الدُّنْيَا تَكْرُبْهُمْ بَتَّانْ وَ تِنَّصِرْ فَوْقهُمْ، فِي الْبَكَانْ دَا، حَالِتْهُمْ الْأَخِيرَةْ تَبْقَى هَوَانَةْ مِنْ الْأَوَّلْ.

2 تِمُوتَاوُس 4:10

أَشَانْ أَخُونَا دِيمَاسْ يِحِبّ الدُّنْيَا. هُو فَاتْ خَلَّانِي مَشَى فِي حِلَّةْ تَسَلُونِيكِي. وَ الْآخَرِينْ مَا فِيهُمْ. أَخُونَا كِرِيسْكِي مَشَى فِي بَلَدْ غَلَاطِيَةْ وَ أَخُونَا تِيطُسْ مَشَى فِي بَلَدْ دَلْمَاطِيَةْ.

2 كُرُنْتُس 5:9

وَ خَلَاصْ، زِيَادَةْ مِنْ كُلَّ شَيّءْ آخَرْ، نِدَوْرُوا نِسَوُّوا الشَّيّءْ الْيَرْضَى بَيَّهْ رَبِّنَا، كَنْ أَنِحْنَ نَسْكُنُوا فِي الْجِسِمْ الْأَرْضِي وَلَّا نِخَلُّوهْ.

غَلاطِية 5:1

الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.