2 تِمُوتَاوُس 2:3 - الكتاب المقدس بالعربي الدارجي هنا تشاد

³ أَقْبَلْ التَّعَبْ مِثِلْ عَسْكَرِي عَدِيلْ هَنَا الْمَسِيحْ عِيسَى.

2 تِمُوتَاوُس 2:3 Referenca të Kryqëzuara

يَعْقُوب 1:12

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

2 تِمُوتَاوُس 4:5

لَاكِنْ إِنْتَ، أَقْعُدْ دَايْماً ثَابِتْ وَ أَحْمَلْ التَّعَبْ وَ بَشِّرْ النَّاسْ بِالْبِشَارَةْ وَ أَخْدِمْ عَدِيلْ الْخِدْمَةْ الْاللّٰهْ أَنْطَاهَا لَيْك.

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

عِبْرَانِيِّين 10:32

فَكُّرُوا فِي الْوَكِتْ الْفَاتْ وَكِتْ أَوَّلْ مَرَّةْ دَخَلْتُوا فِي نُورْ اللّٰهْ. فِي الْوَكِتْ دَاكْ، إِنْتُو جَاهَدْتُوا وَ صَبَرْتُوا صَبُرْ قَوِي فِي الضِّيقَةْ.

2 تِمُوتَاوُس 2:10

وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

1 تِمُوتَاوُس 1:18

يَا وِلَيْدِي تِمُوتَاوُسْ، الْوَصِيَّةْ الْأَنْطَيْتهَا لَيْك تِوَافِقْ مَعَ الْكَلَامْ الْأَتْنَبَّأَوْا بَيَّهْ الشُّيُوخْ فِي شَانَكْ. فَكِّرْ فِي الْكَلَامْ دَا وَ جَاهِدْ بَيَّهْ جِهَادْ عَدِيلْ.

2 تِمُوتَاوُس 3:11

إِنْتَ شِفْتِنِي وَكِتْ النَّاسْ قَاعِدِينْ يِتَعُّبُونِي وَ وَكِتْ تَعَبْ شَدِيدْ جَاءْ فَوْقِي. وَ شِفْتِنِي فِي كُلِّ شَيّءْ الْقَاسِي الْبِقِي فَوْقِي فِي حِلَّالْ أَنْطَاكِيَةْ وَ إِقُونِيَةْ وَ لِسْتَرَةْ. حِمِلْت فَوْقهُمْ تَعَبْ شَدِيدْ مَرَّةْ وَاحِدْ. لَاكِنْ رَبِّنَا فَزَعْنِي وَ نَجَّانِي مِنْ التَّعَبْ دَا كُلَّ كَيْ.

2 كُرُنْتُس 1:6

كَنْ أَنِحْنَ قَاعِدِينْ فِي الضِّيقَةْ، دَا بِقِي أَشَانْ إِنْتُو تَلْقَوْا الشَّجَاعَةْ وَ النَّجَاةْ. وَ كَنْ اللّٰهْ أَنْطَانَا الشَّجَاعَةْ، دَا بِقِي أَشَانْ إِنْتُو كُلَ تَلْقَوْا الشَّجَاعَةْ وَ تَقْدَرَوْا تَحْمَلَوْا التَّعَبْ بِصَبُرْ مِثِلْنَا.

عِبْرَانِيِّين 11:27

وَ بِالْإِيمَانْ، هُو مَرَقْ مِنْ مَصِرْ مَا خَايِفْ مِنْ زَعَلْ الْمَلِكْ. هُو تَابَعْ اللّٰهْ بِصَبُرْ قَوِي مِثِلْ نَادُمْ قَاعِدْ يِشِيفْ اللّٰهْ الْمَا بِنْشَافْ.

عِبْرَانِيِّين 6:15

وَ خَلَاصْ، إِبْرَاهِيمْ صَبَرْ صَبُرْ قَوِي وَ لِقِي الشَّيّءْ الْاللّٰهْ وَاعَدَهْ بَيَّهْ.

1 كُرُنْتُس 13:7

الْعِنْدَهْ مَحَبَّةْ، هُو يَحْمَلْ أَيِّ شَيّءْ. هُو يِآمِنْ فِي كُلِّ حَالْ وَ عَشَمَهْ ثَابِتْ فِي كُلِّ حَالْ وَ هُو يَصْبُرْ فِي أَيِّ شَيّءْ.

1 كُرُنْتُس 9:7

وَيْن الْعَسْكَرِي الْيِكَفِّي نَفْسَهْ؟ وَيْن النَّادُمْ الْيِمَقِّنْ جِنَيْنَةْ هَنَا عِنَبْ وَ مَا يَاكُلْ مِنْ فَوَاكِهَّا؟ وَيْن الرَّاعِي الْيَسْرَحْ بِالْغَنَمْ وَ مَا يَشْرَبْ لَبَنْهُمْ؟

2 تِمُوتَاوُس 1:1

جَوَابْ مِنِّي أَنَا بُولُسْ رَسُولْ هَنَا عِيسَى الْمَسِيحْ بِإِذِنْ اللّٰهْ. وَ هُو جَعَلَانِي رَسُولْ أَشَانْ نِبَلِّغْ الْحَيَاةْ الْأَبَدِيَّةْ الْاللّٰهْ وَاعَدَانَا بَيْهَا وَ أَنْطَاهَا بِعِيسَى الْمَسِيحْ.

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

فِلِمُون 1:2

وَ جَمَاعَةْ الْمُؤمِنِينْ الْيِلِمُّوا فِي بَيْتَكْ وَ أَخُتْنَا أَفِّيَّةْ وَ أَخُونَا أَرْخِبَّا الْمِثِلْنَا يِتَابِعْ كَلَامْ رَبِّنَا مِثِلْ عَسْكَرِي يِتَابِعْ كَبِيرَهْ.

قُضياء 3:2

وَ هُو سَوَّى مِثِلْ كَيْ لِيِعَلِّمْ الْحَرِبْ لِلذُّرِّيَّةْ الْجَدِيدَةْ هَنَا بَنِي إِسْرَائِيلْ أَشَانْ أَوَّلْ هُمَّنْ مَا حَارَبَوْا.

أعمال الرُسُل 23:31

وَ الْعَسْكَرْ طَبَّقَوْا أَوَامِرْ الْقَايِدْ وَ بِلَيْل وَدَّوْا بُولُسْ فِي حِلَّةْ أَنْتِيبَاتْرِسْ.