2 تِمُوتَاوُس 2:24 - الكتاب المقدس بالعربي الدارجي هنا تشاد

²⁴ وَ خَدَّامْ الرَّبّ مَا وَاجِبْ يِهَارِجْ. وَ لَاكِنْ وَاجِبْ يِسَوِّي الزَّيْن لِكُلَّ النَّاسْ وَ يَعَرِفْ كِكَّيْف يِعَلِّمْهُمْ وَ يَصْبُرْ لَيْهُمْ.

2 تِمُوتَاوُس 2:24 Referenca të Kryqëzuara

تِيطُس 3:2

وَ خَلِّي مَا يُقُولُوا كَلَامْ فَسِلْ فِي أَيِّ نَادُمْ وَ لَا يِهَارُجُوا. وَ خَلِّي يِحَجُّوا بِنَفَسْ بَارِدْ وَ بِأَدَبْ مَعَ كُلَّ النَّاسْ.

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

1 تَسَلونِيكِي 2:7

أَنِحْنَ رُسُلْ الْمَسِيحْ وَ عِنْدِنَا حَقّ لِنَطُلْبُوا مِنْكُو شَيّءْ كَتِيرْ، لَاكِنْ أَنِحْنَ مَا شِلْنَا مِنْكُو شَيّءْ. وَكِتْ أَنِحْنَ قَاعِدِينْ فِي أُسُطْكُو، حَنَّيْنَا فَوْقكُو مِثِلْ الْأَمّ التِّحِنّ فِي عِيَالْهَا.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

كُلُوسِي 3:13

وَ أَلْحَمَّلَوْا الْوَاحِدِينْ لِلْآخَرِينْ بِمَحَبَّةْ. وَ كَنْ نَادُمْ عِنْدَهْ ضَلِيمَةْ فَوْق أَخُوهْ، خَلِّي يِسَامِحَهْ. الرَّبّ سَامَحَاكُو وَ أَشَانْ دَا، وَاجِبْ لَيْكُو تِسَّامَحَوْا أَمْبَيْنَاتْكُو.

فِلِبِّي 2:14

فِي كُلَّ شَيّءْ مَا تَشْكُوا وَ لَا تِهَارُجُوا أَمْبَيْنَاتْكُو.

فِلِبِّي 2:3

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

أفَسُس 4:2

سَوُّوا كُلَّ شَيّءْ بِنَفَسْ بَارِدْ وَ أَبْقَوْا ضَلُولِينْ وَ صُبُورِينْ وَ أَلْحَمَّلَوْا الْوَاحِدِينْ لِلْآخَرِينْ بِمَحَبَّةْ.

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.

يَعْقُوب 3:17

لَاكِنْ الْحِكْمَةْ الْمِنْ اللّٰهْ أَوَّلاً كَيْ صَافِيَةْ وَ النَّادُمْ الْعِنْدَهْ الْحِكْمَةْ يِرِيدْ السَّلَامْ وَ كَلَامَهْ بَارِدْ وَ رَاسَهْ مَا قَوِي وَ هُو حَنُونْ وَ يِسَوِّي عَمَلْ الْخَيْر وَ هُو مَا عِنْدَهْ تَفْرِقَةْ وَ لَا نِفَاقْ.

تِيطُس 1:9

هُو وَاجِبْ يَكْرُبْ قَوِي الْكَلَامْ الصَّحِيحْ الْعَلَّمْنَاهْ لَيَّهْ أَشَانْ يِشَجِّعْ أَخْوَانَهْ بِتَعْلِيمْ عَدِيلْ وَ يُرُدّ لِلنَّاسْ الْيِخَالُفُوهْ.

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

أعمال الرُسُل 7:26

«وَ أَمْبَاكِرْ، هُو لِقِي نَاسَيْن مِنْ أَخْوَانَهْ قَاعِدِينْ يِدَّاوَسَوْا. وَ هُو دَوَّرْ هُمَّنْ يِسَّامَحَوْا أَمْبَيْنَاتْهُمْ وَ قَالْ: ‹إِنْتُو أَخْوَانْ وَ مَالْكُو تِدَّاوَسَوْا؟›

مَتَّى 12:19

وَ مَا يِخَاصِمْ وَ مَا يَصْرَخْ وَ حِسَّهْ مَا يِنْسَمِعْ فِي الشَّوَارِعْ.

يَعْقُوب 4:2

تِدَوْرُوا شُغُلْ وَاحِدْ وَ مَا تَلْقَوْه. تُخُطُّوا عَيْنكُو فِي شَيّءْ وَاحِدْ وَ مَا تَلْقَوْه وَ تُقُمُّوا تَكْتُلُوا. وَ تُقُمُّوا تِدَاوُسُوا وَ تِحَارُبُوا وَ مَا تَلْقَوْا الشَّيّءْ التِّدَوْرُوهْ، دَا أَشَانْ إِنْتُو مَا سَأَلْتُوا اللّٰهْ.

يَعْقُوب 1:1

جَوَابْ مِنِّي أَنَا يَعْقُوبْ عَبْد اللّٰهْ وَ عَبْد رَبِّنَا عِيسَى الْمَسِيحْ. وَ نِرَسِّلَهْ لَيْكُو إِنْتُو أُمَّةْ اللّٰهْ الْمُشَتَّتِينْ فِي أَيِّ بَكَانْ. السَّلَامْ عَلَيْكُمْ.

إشَعْيا 40:11

مِثِلْ الرَّاعِي، يَرْعَا غَنَمَهْ وَ بِإِيدَهْ، يِلِمّ حُمْلَانَهْ. وَ يِشِيلْهُمْ فِي حُضْنَهْ وَ يِوَدِّي الشَّوَايِلْ بِهُدُوءْ.»

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

أعمال الرُسُل 23:9

وَ الْخِلَافْ بِقِي شَدِيدْ. وَ عُلَمَاءْ وَاحِدِينْ مِنْ الْفَرِيزِيِّينْ قَمَّوْا عَارَضَوْا بِشِدَّةْ وَ قَالَوْا: «أَنِحْنَ مَا نَجْعَلَوْا النَّادُمْ دَا خَاطِي. أَكُونْ رُوحْ وَاحِدْ وَلَّا مَلَكْ وَاحِدْ كَلَّمْ لَيَّهْ.»

دَنْيال 6:20

وَ وَكِتْ قَرَّبْ لِلنُّقْرَةْ، هُو حَزْنَانْ بِلْحَيْن وَ نَادَاهْ لِدَنْيَالْ وَ قَالْ: «يَا دَنْيَالْ، عَبْد اللّٰهْ الْحَيّ! إِلٰـهَكْ الْإِنْتَ قَاعِدْ تَعَبُدَهْ دَايْماً دَا قِدِرْ نَجَّاكْ مِنْ الدِّيدَانْ وَلَّا؟»

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

2 كُرُنْتُس 10:4

وَ السِّلَاحْ النِّحَارُبُوا بَيَّهْ مَا سِلَاحْ النَّاسْ. قُدْرَةْ سِلَاحْنَا جَايَةْ مِنْ اللّٰهْ وَ بَيْهَا نِدَمُّرُوا الْخِدْمَةْ الْقَوِيَّةْ هَنَا إِبْلِيسْ. نِدَمُّرُوا الْأَفْكَارْ الْخَاطِيِّينْ هَنَا النَّاسْ

أعمال الرُسُل 15:2

وَ بُولُسْ وَ بَرْنَابَا خَالَفَوْهُمْ بِشِدَّةْ. وَ أَشَانْ دَا، شَالَوْا نِيَّةْ لِيِرَسُّلُوا بُولُسْ وَ بَرْنَابَا وَ أَخْوَانْ وَاحِدِينْ يَمْشُوا فِي مَدِينَةْ الْقُدُسْ وَ يِشَّاوَرَوْا فِي الْكَلَامْ دَا مَعَ الرُّسُلْ وَ مَعَ الْكُبَارَاتْ.

2 أخبار 24:6

وَ خَلَاصْ، الْمَلِكْ نَادَاهْ لِيَهُويَدَعْ كَبِيرْ رُجَالْ الدِّينْ وَ قَالْ لَيَّهْ: «مَالَا مَا جَبَرْت اللَّاوِيِّينْ يِشِيلُوا مِنْ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ الْهَدَايَا. وَ دَوْل مِثِلْ الْهَدَايَا الزَّمَانْ قَرَّرْهُمْ مُوسَى عَبْد اللّٰهْ وَ مُجْتَمَعْ بَنِي إِسْرَائِيلْ وَ قَالَوْا يِجِيبُوهُمْ لِلْخَيْمَةْ الْعِنْدَهَا لِيحَانْ الْمُعَاهَدَةْ.

تَثْنِية 34:5

وَ مُوسَى عَبْد اللّٰهْ مَاتْ فِي الْبَكَانْ دَا، فِي بَلَدْ مُوَابْ وَ دَا حَسَبْ أَمُرْ اللّٰهْ.

يُوحَنَّا 6:52

وَ الْيَهُودْ أَلْغَالَطَوْا وَ قَالَوْا: «كِكَّيْف النَّادُمْ دَا يَقْدَرْ يَنْطِينَا لَحَمَهْ لِنَاكُلُوهْ؟»

يَشُوع 1:1

وَ بَعَدْ مَوْت مُوسَى عَبْد اللّٰهْ، اللّٰهْ قَالْ لِيَشُوعْ وِلَيْد نُونْ مُسَاعِدْ مُوسَى:

2 كُرُنْتُس 6:4

وَ بِحَالْنَا وَصَّفْنَا فِي كُلِّ شَيّءْ كَدَرْ أَنِحْنَ خَدَّامِينْ اللّٰهْ. صَبَرْنَا صَبُرْ قَوِي فِي تَعَبْ شَدِيدْ وَ ضِيقَةْ وَ صُعُوبَاتْ.